Ka Tnat Information & Broadcasting (I&B) ka la shim ia ki sienjam ha ka jingiatreilang bad kiwei kiwei ban khang 18 tylli ki rynsan OTT kiba pyni ia ki prokram bym iahap. 19 tylli ki website, 10 tylli ki app (7 ha ka Google Play Store, 3 ha ka Apple App Store), bad 57 tylli ki social media account kiba iadei bad kine ki rynsan ki dei kiba la khang ban peit ki paidbah ha India.

U Myntri Sorkar Pdeng ba dei khmih ia ka tnat Information & Broadcasting, Anurag Singh Thakur na ka por sha ka por u la ban jur halor ka jingbahkhlieh jong kine ki rynsan ba kin ym pyni ia ki prokram ba khlem akor bad ki bym iahap. Ha ka 12 tarik u Lber, 2024, u Thakur u la pynbna ba la khang 18 tylli ki rynsan OTT kiba pyni ia kum kine ki prokram.

Ia kane ka rai la shim hapoh ki bynta jong ka Information Technology Act, 2000 ha ka jingiatreilang bad kiwei kiwei ki Tnat Sorkar India bad ki riewshemphang ha kine ki kam kiba peit bniah ia ki kam media bad ki kam pynbyrnia, ki hok jong ki longkmie bad ki khynnah kynthei.

Ka thup ki rynsan OTT

Ka jinglong ki prokram

Ki don bun ki prokram ha kine ki rynsan ki bym iahap kiba pyni ia ki kynthei ha ka rukom kaba khlem akor. Ki pyni ia ka jinglyngkhuid bad kiwei kiwei ki kam ba khlem akor ha ryngkat ki bym iahap kum ka jingiadei hapdeng ki nonghikai bad ki khynnah pule, ki jingiashong kha hapdeng kiba haiing bad kiwei kiwei. Kine ki prokram ki don ruh ki jingkren bym iahap bad ka imlang sahlang.

La khein ba kine ki prokram ki pynkhein ia ka Section 67 bad 67A jong ka IT Act, Section 292 jong ka IPC, bad Section 4 jong ka Indecent Representation of Women (Prohibition) Act, 1986.

Ka jingpeit kaba bun

Kawei na kine ki OTT app ka la ioh palat 1 klur ki download katba ar tylli pat ki ioh 50 lak ki download ha ka Google Play Store. Shuh shuh, kine ki rynsan OTT ki pyndonkam ia ka social media ban phah ia ki trailer, ki bynta jong ki prokram ban khring ia ki briew sha ki website bad ki app jong ki. Kine ki social media account jong kine ki rynsan OTT ki don 32 lak ngut ki nongpyndonkam

Ka jingiatrei lang bad ki Rynsan OTT

Ka Tnat I&B na ka por sha ka por ka ai jingtip ia ki rynsan OTT bad ki kynhun pyniaid kam jong ki hapoh ki kyndon IT Rules, 2021 lyngba ki jingialang, ki webinar, workshop bad kiwei kiwei.

Ka Sorkar India ka ieng skhem na ka bynta ka jingkyntiew ia ki kam OTT.  La shim shibun ki sienjam na ka bynta kane ba kynthup ia ka jingwanrah ia ka OTT Award for Web Series ha ka 54th International Film Festival of India, ka jingiatreilang bad ki rynsan OTT ha ki kam media bad ki kam pynbyrnia, bad ka jingwanrah ia ka rukom treikam da kaba ban jur ha ka jingpeit dalade ia ka jingbha jong ki prokram hapoh ki kyndon IT Rules, 2021.

****