ঙসি প্রধান মন্ত্রী শ্রী নরেন্দ্র মোদীনা ওরিসাগী চান্দিখোলদা লুপা করোর ১৯,৬০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। প্রোজেকশিং অদু থাউ অমসুং গ্যাস, রেলৱেজ, লম্বী, ত্রান্সপোর্ত অমসুং হায়ৱেজ অমসুং এতোমিক ইনর্জিগা মরী লৈনবা হিরমশিংনি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ভাগবান জগন্নাথ অমসুং মা বিরজাগী থৌজালগা লোয়ননা, ঙসি জাজপুর অমসুং ওরিসাদা চাউখৎপগী অনৌবা ইচেল অমা চেল্লে। শ্রী বিজু পাতনাইক্কী মপোক নুমিত্তা, মহাক্না লৈবাক্কী অমসুং ওরিসাগীদমক পাংথোক্লম্বা থবকশিংগীদমক প্রধান মন্ত্রীনা মহাক্কী মফমদা ইকায়খুম্নবা উৎখি।

প্রধান মন্ত্রীনা হায়খি লুপা করোর ২০,০০০ রোমগী থাউ অমসুং গ্যাস, রেলৱেজ, লম্বী, ত্রান্সপোর্ত অমসুং হায়ৱেজ অমসুং এতোমিক ইনর্জিগা মরী লৈনবা প্রোজেকশিং ঙসি শঙ্গারে অমসুং উরেপ-উয়ুং তম্লে। মসিনা লমদম অসিদা উদোগকী থবকশিং হেনগৎহল্লগনি অমসুং অনৌবা থবক ফংনবগী খুদোংচাবশিং পীরগনি। ঙসিগী চাউখৎ-থৌরাংগী প্রোজেকশিংগীদমক ওরিসাগী মীয়াম থাগৎপা ফোঙদোকচরি।

প্রধান মন্ত্রীনা হায়খি হৌজিক্কী দরকার ওইবশিংশু খনবগা লোয়ননা চাউখৎলবা ভারত অমা শেম্নবা ৱাশক্কা লোয়ননা তুংগীদমক থবক তৌবা সরকার অমা ঙসি লৈবাক অসিদা লৈরে। ইনর্জি সেক্তরদা নোংপোক থংবা শরুকশিংদা থবক তৌবগী শক্তিশিং হেনগৎহল্লে। উর্জা গনাগা য়োজনাগী মখাদা অচৌবা রাজ্য মঙা হায়বদি উত্তর প্রদেস, বিহার, ঝারখন্দ, নোংচুপ বেঙ্গল অমসুং ওরিসাদা নেচরেল গ্যাস পীনবা প্রোজেকশিং পায়খৎলে। প্রধান মন্ত্রীনা ওরিসাগী পারাদিপতগী নোংচুপ বেঙ্গলগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাখ্রে। মহাক্না পারাদিপ রিফাইনরিদা ইন্দিয়ান ওইল কোর্পোরেসন লিমিতেদ মোনো ইথাইলিন গ্লাইকোল প্রোজেক অমসুং পারাদিপদা ০.৬ এম.এম.তি.পি.এ ইমপোর্ত ফেসিলিতি অমসুং ওরিসাগী পারাদিপতগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাখ্রে অমসুং মসিনা নোংপোক ভারত্তা পোলিস্তর ইন্দস্ত্রিদা অচৌবা অওনবা অমা পুরক্লগনি। মসিনা ভাদ্রাক অমসুং পারাদিপতদা তেক্সতাইল পার্কতা রো মেতরিয়েলশু পীরগনি।

প্রধান মন্ত্রীনা হায়খি ঙসিগী প্রোজেকশিং অসিনা লৈবাক অসিদা হোংলক্লিবা থবক তৌবগী মওং অদু উৎথোক্লে। মমাঙগী সরকারশিংনা চাউখৎ-থৌরাংগী প্রোজেকশিং লোইশিন্নবা থৱায় য়াওখিদে, অদুগা হৌজক পাল্লিবা সরকার অসিনা মখোয়গী মতমদা উরেপ-উয়ুং তমখিবা প্রোজেকশিং লোইশিন্দুনা শঙ্গারে। পারাদিপ রিফাইনরি অসি ২০০২দা খন্নখি, অদুবু হৌজিক পাল্লিবা সরকার অসিনা ২০১৪দা সরকার পায়রকপা মতমদা থবক অমা লোইশিল্লমদে। ঙরা তেলঙ্গানাগী সঙ্গারেদ্দিদা পারাদিপ-হায়দ্রবাদ পাইপলাইন শঙ্গারে অমসুং নুমিৎ হুম্নিগী মমাঙদা নোংচুপ বেঙ্গলগী অরামবাগতা হালদিয়াদগী বরাউনি ফাওবগী কিমি ৫০০ শাংবা শুংদোক্ত্রিবা থাউ পুনবা পাইপলাইন শঙ্গাখ্রে।

প্রধান মন্ত্রীনা হায়খি ওরিসা চাউখৎনবা কেন্দ্র সরকারনা নোংপোক ভারত্তা মরাংকাইনা ফংলিবা মহৌশাগী লনশিং শীজিন্নরে অমসুং গঞ্জাম জিলাদা দিসেলিনেসন প্লান্ত অমা হৌদোক্তুনা নোংমদা থমহি চেনবা ঈশিং লিতর লাখ ৫০ চুথোক্কনি অমসুং মসি থক্নবা ঈশিং ওইনা শীজিন্নগনি।

প্রধান মন্ত্রীনা হায়খি ওরিসাদা মতমগী অনৌবা লম্বী-থোং শেমগৎনবা কেন্দ্র সরকারনা মীৎয়েং থম্লি, মসিনা মফম অসিগী রিছোর্সশিংনা রাজ্য অসিগী ইকোনোমি চাউখৎহনগনি। হৌখিবা চহি ১০দা কিমি ৩০০০ শাংবা নেসনেল হায়ৱেশিং শেমগৎলে, রেলৱে বজেত শরুক ১২ হেনগৎলে। রেল-হায়ৱে-পোর্ত কন্নেক্তিবিতি ফগৎহন্নবা জাজপুর, ভাদ্রাক, জগতসিংহপুর, ময়ুরভঞ্জ, খোরদা, গঞ্জাম,পুরি অমসুং কেন্দুঝারদা নেসনেল হায়ৱেশিং পাকথোক-চাউথোক্লে। অনৌবা অঙ্গুল সুকিন্দা রেলৱে লাইন্না কলিঙ্গা নগর ইন্দস্ত্রিএল এরিয়া চাউখৎহল্লগনি।

লোইশিল্লকপদা প্রধান মন্ত্রীনা বিজু পাতনাইক জিগী মপোক নুমিত্তা মহাক্কী মফমদা ইকায়খুম্নবা উৎখি অমসুং ঙসিগী চাউখৎ-থৌরাংগী প্রোজেকশিংগীদমক মীয়ামদা নুংঙাইবা ফোঙদোকখি।

ঙসিগী থৌরম অদুদা শরুক য়াখিবশিংগী মনুংদা ওরিসাগী রাজ্যপাল শ্রী রঘুবার দাস, ওরিসাগী চীফ মিনিস্তর শ্রী নবিন পাতনাইক, য়ুনিয়ন মিনিস্তর শ্রী ধর্মেন্দ্র প্রধান য়াওখি।

নুঙগীৱারোল

প্রধান মন্ত্রীনা পারাদিপ রিফাইনরিদা ইন্দিয়ান ওইল কোর্পোরেসন লিমিতেদ মোনো ইথাইলিন গ্লাইগোল প্রোজেক শঙ্গাখ্রে অমসুং মসিনা ভারতনা মপান্দগী পুশিল্লকপা হন্থহনবদা মতেং পাংগনি। মহাক্না ওরিসাগী পারাদিপতগী নোংচুপ বেঙ্গলগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাখ্রে। ভারতকী নোংপোক থংবা সমুদ্র মপান্দা মপান্দগী পুশিল্লকপগী মচাক-মথুমশিং ফগৎহন্নবা, প্রধান মন্ত্রীনা পারাদিপতা ০.৬ এম.এম.পি.তি.এ এল.পি.জি ইমপোর্ত ফেসিলিতিশু শঙ্গাখ্রে।

লমদম অসিগী লম্বীগী ইনফ্রাস্ত্রকচর চাউখৎহন্নবা, প্রধান মন্ত্রীনা লৈবাক মীয়ামদা এন.ঐচ-৪৯গী সিঙ্গারা-বিঞ্জাবাহাল সেক্সন লেন মরি ওনখৎপা; এন.ঐচ-৪৯গী বিঞ্জাবাহাল-তিলৈবানি সেক্সন লেন মরি ওইহনবা; এন.ঐচ-১৮গী বালাসোর-ঝারপোরখারিয়া সেক্সন লেন মরি ওইহনবা মীয়ামদা কৎথোকখ্রে। মহাক্না চান্দিখোলেদা চান্দিখোল-পারাদিপ সেক্সন লেন নিপাল ওইহন্নবা উরেপ-উয়ুং তমখ্রে।

রেলৱে নেতৱার্ক পাকথোক-চাউথোকহনবা অসি রেল কন্নেক্তিবিতি শাংদোকপা অমসুং মতমগা চুনবা মওংদা শেমগৎপদা মীৎয়েং চঙগনি। মসিনা হৌজিক লৈরিবা ত্রাফিক্কী কেপাসিতি হেনগৎহনবতা নত্তনা কিওনঝার জিলাদগী আইরন অমসুং মেগানিজ ওর খ্বাইদগী নকপা হিথাংফমশিং অমসুং স্তিল প্লান্তশিং ফাওবা পুবদা খুদোংচাহনগনি অমসুং লমদম অসিগী শেন-থুম চাউখৎহনবদা মতেং পাংগনি। লৈবাক মনুং অমসুং মালেমগী ললোন-ইতিক চাউখৎহন্নবা কালিঙ্গা নগরদা কোনকোর কন্তেন্নর দিপো শঙ্গাবা অসিনা পান্দম থম্লি। নারলাদা ইলেক্ত্রিক লোকো পেরিওদিকেল ওভরহোল্লিং ৱার্কশোপ, কান্তবাঞ্জিদা ৱাগোন পেরিওদিকেল ওভরহোল্লিং ৱার্কশোপ অমসুং  বাঘুৱাপালদা মেন্তেনেন্স ফেসিলিতি ফগৎহন্নবা উরেপ-উয়ুং তমখ্রে। অতোপ্পা রেলৱে প্রোজেকশিংগী মনুংদা, প্রধান মন্ত্রীনা অনৌবা ত্রেন সর্বিসশিং লমথাখ্রে।

প্রধান মন্ত্রীনা  আইরেল(আই) লিমিতেদকী ওরিসা সেন্দস কমপ্লেক্সতা ৫ এম.এল.দিগী সমুদ্রগী ঈশিংদগী থুম লৌথোক্নবা প্লান্ত শঙ্গাখ্রে। প্লান্ত অসি ভাভা এতোমিক রিছার্স সেন্তরনা পুথোকপা তেক্নোলোজিশিং শীজিন্নদুনা শেমগৎপনি।

Speaking at a programme during the launch of development projects in Jajpur, Odisha. https://t.co/HGWKlYYF3b

— Narendra Modi (@narendramodi) March 5, 2024

आज देश में ऐसी सरकार है जो वर्तमान की चिंता भी कर रही है, और विकसित भारत का संकल्प लेकर भविष्य के लिए भी काम कर रही है: PM @narendramodi pic.twitter.com/NaCS6K5DLq

— PMO India (@PMOIndia) March 5, 2024

ओडिशा के संसाधन, राज्य की औद्योगिक ताकत और बढ़ाएं इसके लिए केंद्र सरकार यहां आधुनिक कनेक्टिविटी पर भी बल दे रही है: PM @narendramodi pic.twitter.com/YOgS7Rcqng

— PMO India (@PMOIndia) March 5, 2024

***