প্রধানমন্ত্রীগী লোইশঙ
প্রধান মন্ত্রী বিক্রম সরাভাই স্পেস সেন্তর(ভি এস এস সি), তিরুবনন্থাপুরম, কেরলাদা চৎখ্রে
লুপা করোর ১৮০০ রোমগী মরুওইবা স্পেস ইনফ্রাস্ত্রকচর প্রোজেক অহুম শঙ্গাখ্রে
গগনয়ান মিসনগী পায়খৎলিবা থবকশিংগী ফিবম য়েংশিনখ্রে অমসুং এস্ত্রোনেত ওইনা খল্লবশিংদা ‘এস্ত্রোনোত ৱিংস’ নপখ্রে
“অনৌবা কাল চক্রদা, মালেমগী থবক-থৌরমশিংদা ভারতনা মখা তানা লৈবাকশিংগী তৌবা ঙম্বা হেনগৎলক্লি অমসুং মসি ঐখোয়গী স্পেসকী থবক্তা ময়েক শেংনা উরে”
“এস্ত্রোনোত ওইনা খল্লবা মরি শুপ্নগী মমিং মরি নত্ত্রগা লনাই মীওই মরি নত্তে, মখোয় ভারতমচা করোর ১৪০গী অনিংবশিং স্পেসতা পুরিবা ‘শক্তি’ মরিনি”
“এস্ত্রোনোত ওইনা খল্লবশিং অসি ঙসিগী ভারতকী থাজবা, থৌনা, কৎথোকপা অমসুং থকশি-খাসিগী খুদমনি”
“চহি ৪০গী মতুংদা, ভারতমচা অমা স্পেসতা চৎলগনি। হৌজিক, মতম মশিং থিবা হৌরে অমসুং রোক্কেত অসি ঐখোয়গীনি”
“ভারতনা মালেমদা ৩শুবা খ্বাইদগী চাউবা ইকোনোমি ওইগদৌরিবা অসিগা লোয়ননা, লৈবাক অসিগী গগনয়ান্না ঐখোয়গী স্পেস সেক্তর অনৌবা থাকশিংদা পুখৎলগনি”
“স্পেস সেক্তরদা ভারতকী নারী শক্তিনা মরুওইবা থৌদাং অমা লৌরি”
“স্পেস সেক্তরদা ভারতকী মাইপাকপা অসি লৈবাক অসিগী হৌরক্লিবা নহারোলশিংদা বিগ্যানগী ৱাখল্লোন চেলহন্নবা মরু হুনবনি”
“অমৃত কাল অসিদা,
Posted On:
27 FEB 2024 1:19PM by PIB Imphal
প্রধান মন্ত্রী শ্রী নরেন্দ্র মোদী বিক্রম সরাভাই স্পেস সেন্তর(ভি এস এস সি), তিরুবনন্থাপুরম, কেরলাদা চৎখ্রে অমসুং মফম অদুদা লুপা করোর ১৮০০ রোমগী মরুওইবা স্পেস ইনফ্রাস্ত্রকচর প্রোজেক অহুম শঙ্গাখ্রে। প্রোজেকশিংগী মনুংদা সাতিস ধৱান স্পেস সেন্তর, শ্রীহরিকোতাদা ‘পি.এস.এল.ভি ইন্তেগ্রেসন ফেসিলিতি; মহেন্দ্রগিরিদা ইসরো প্রোপুলসন কমপ্লেক্সতা অনৌবা ‘সেমি-ক্রাইয়োজেনিক্স ইন্তেগ্রেতেদ ইঞ্জিন এন্দ স্তেচ ফেসিলিতি’ অমসুং ভি.এস.এস.সিদা ‘ত্রাইসোনিক ৱিন্দ তন্নেল’ য়াওরি। প্রধান মন্ত্রীনা গগনয়ান মিসনগী পায়খৎলিবা থবকশিংগী ফিবম য়েংশিনখি অমসুং মিসন অসিদা এস্ত্রোনেত ওইরগদবশিংগী মমিং লাউথোকখি অমসুং ‘এস্ত্রোনোত ৱিংস’ নপখি। এস্ত্রোনোতশিং ওইনা খল্লবশিং অদুদি গ্রুপ কেপ্তেন প্রাসান্থ বলাকৃষ্ণন নায়র, গ্রুপ কেপ্তেন অজিত কৃষ্ণন, গ্রুপ কেপ্তেন অঙ্গত প্রতাপ অমসুং ৱিং কমান্দর সুবান্সু সুক্লানি।
তিনখিবা মীয়ামদা ৱা ঙাংবদা, এস্ত্রোনোতশিং ওইনা খল্লবশিংগীদমক লেপখৎতুনা থাগৎপা ফোঙদোক্নবা প্রধান মন্ত্রীনা খঙহনখি অমসুং হোল অদু ভারত মাতা কি জয় খোল্লাউনা নিনখি। প্রধান মন্ত্রীনা হায়খি লৈবাক অমগী চাউখৎপগী খোঙচৎ অসি হৌজিক্কী মতম খক্তগী মশক তাকপতা নত্তনা তুংগী মীরোলশিংগীশু মশক তাক্কনি। ঙসিগী নুমিৎ অসি পুৱারি ওইনা লৈবাক অসিনা কংফাল, অতিয়া, ঈশিং অমসুং সুন্দ্রংদা মাইপাকপগীদমক হৌজিক্কী মীরোলনা চাউথোকচগদবা থৌরম অমনি। অযোধ্যাদগী অনৌবা ‘কাল চক্র’ অমা হৌরে অমসুং অনৌবা কাল চক্রদা, মালেমগী থবক-থৌরমশিংদা ভারতনা মখা তানা লৈবাকশিংগী তৌবা ঙম্বা হেনগৎলক্লি অমসুং মসি ঐখোয়গী স্পেসকী থবক্তা ময়েক শেংনা উরে।
প্রধান মন্ত্রীনা হায়খি ভারতকী চন্দ্রয়ান মাইপাক্তুনা ভারতনা মালেমদা থাগী খা মেরুদা তাবা অহানবা লৈবাক ওইরে। পুৱারি ওইরবা থৌরম অমা ওইনা গগনয়ান পেসেঞ্জর মরি এস্ত্রোনোত ওইনা খল্লে। এস্ত্রোনোত ওইনা খল্লবা মরি শুপ্নগী মমিং মরি নত্ত্রগা লনাই মীওই মরি নত্তে, মখোয় ভারতমচা করোর ১৪০গী অনিংবশিং স্পেসতা পুরিবা ‘শক্তি’ মরিনি। চহি ৪০গী মতুংদা, ভারতমচা অমা স্পেসতা চৎলগনি। হৌজিক, মতম মশিং থিবা হৌরে অমসুং রোক্কেত অসি ঐখোয়গীনি। এস্ত্রোনোতশিং ওইনা খল্লবশিং উনবা অমসুং মীয়ামদা মশক তাকপদা অপেনবা ফাওই। লৈবাক শীনবা থুংবগী মহুৎশীন্দুনা প্রধান মন্ত্রীনা মখোয়দা য়াইফ-পাউজেল পীখি।
প্রধান মন্ত্রীনা হায়খি এস্ত্রোনোতশিং ওইনা খল্লবশিংগী মমিং ভারতকী মাইপাকপদা য়াওরে অমসুং এস্ত্রোনোত ওইনা খল্লবশিং অসি ঙসিগী ভারতকী থাজবা, থৌনা, কৎথোকপা অমসুং থকশি-খাসিগী খুদমনি। ত্রেনিংদা মখোয়গী থৌনা অমসুং কৎথোকপা লৈরি অমসুং শিংনবা খুদিংমক মায়োক্নবগী থৌনা উৎলিবা অমসুং কৈদৌঙৈদা মাই লৈদুনা চেন্দবা ভারতকী অমৃত মীরোলগী মহুৎ মখোয়না শীল্লি। মিসন অসিগী হকচাং অমসুং পুক্নিং-ৱাখল ফবা দরকার ওই। লৈবাক অসিনা অদোমগী মফমদা য়াইফ-পাউজেল পীরি অমসুং বর পীরি। গগনয়ান প্রোজেক্কী থবক তৌরিবা ইসরোগী স্তাফ ত্রেন্নরশিংদা প্রধান মন্ত্রীনা মহাক্কী য়াইফ-পাউজেল পীখি।
এস্ত্রোনোত ওইনা খল্লবশিং অসি মীয়াম্না শকখঙনরকপদগী মখোয়গী ত্রেনিংদা অপনবা পীরকপা য়াবগী মতাংদা প্রধান মন্ত্রীনা নুংনাংবা ফোঙদোকখি। পুক্নিং চোইথোক্তনা মখোয়না মখা তানা ত্রেনিং চৎথবা ঙম্নবা এস্ত্রোনোত ওইনা খল্লবশিং অমসুং মখোয়গী ইমুং-মনুংগী মীওইশিংদা মতেং পাংনবা মহাক্না অপীল তৌখি।
গগনয়ানগী মরমদা প্রধান মন্ত্রীদা পাউদমখি। গগনয়ানগী খুৎলায় অয়াম্বা ভারত্তা শাবদা মহাক্না হরাওবা ফোঙদোকখি। গগনয়ানগী শেম-শাবগী হরাওবা অসিগা ভারতনা মালেমদা ৩শুবা খ্বাইদগী চাউবা ইকোনোমি ওইগদৌরিবা অসিগা মপা চানরে। ঙসি মীয়ামদা কৎথোক্লিবা প্রোজেকশিং অসিনা অনৌবা থবকশিং ফংহল্লগনি অমসুং ভারতকী মিংচৎ হেনগৎহল্লগনি।
প্রধান মন্ত্রীনা হায়খি স্পেস সেক্তরদা ভারতকী নারী শক্তিনা মরুওইবা থৌদাং অমা লৌরি। চন্দ্রয়ান নত্ত্রগা গগনয়ান ওইগেরা, নুপী সাইন্তিস্তশিং য়াওদনা অসিগুম্বা প্রোজেক অমতা পায়খৎপা ওইথোক্লোই। ইসোরদা নুপী ৫০০ হেন্না লুচিংবগী থৌদাং লৌরি।
প্রধান মন্ত্রীনা হায়খি স্পেস সেক্তরদা ভারতকী মাইপাকপা অসি লৈবাক অসিগী হৌরক্লিবা নহারোলশিংদা বিগ্যানগী ৱাখল্লোন চেলহন্নবা মরু হুনবনি। ইসরোগী মাইপাকপশিং অসিনা ঙসিগী অঙাংশিংদা কমদৌনা সাইন্তিস্ত অমা ওইরক্কনি হায়বগী অনৌবা ৱাখল্লোন অমা পীরে। রোক্কেতকী কাউন্দাউন্না ভারতকী অঙাং লাখ কয়া ইথিল পীরে অমসুং ঙসি চেগী প্লেনশিং শারিবশিং অদোমগুম্না সাইন্তিস্তশিং ওইরক্নবা মঙ মঙলি। নহারোলশিংগী খাংবা কনবা অসি লৈবাক অমগী লন্নি। চন্দ্রয়ান-২ তাখিবা মতমদা লৈবাক অসিগী অঙাং খুদিংমক পারা অমা তমখি, অদুগা হৌখিবা চহিগী ওগস্ত ২৩ দা চন্দ্রয়ান-৩ মাইপাক্না তাখিবদা নহারোলশিং অনৌবা থৌনানা পীক থনখি।
প্রধান মন্ত্রীনা হায়খি নুমিৎ অসি হৌজিক স্পেস দে হায়না থৌরম পাংথোক্লে। লৈবাক অসিনা স্পেস সেক্তরদা রেকোর্দ কয়া থম্লে। অহানবা হোৎনবদা লৈবাক অসিনা মার্স য়ৌবা ঙম্লে, মিসন অমদা সেতেল্লাইত ১০০ হেন্না থাগৎপা ঙম্লে অমসুং মাইপাক্না সোলার প্রোব অদিত্যা এল-১ পৃথিবীদগী কিলোমিতর লাখ ১৫ লাপ্না নুমিৎকী ওর্বিত্তা থমখ্রে। অসিগুম্বা থবক মাইপাকপা অসি লৈবাক খর খক্তনি। ২০২৪গী অহানবা চয়েলদা এক্সপো-সেত অমসুং ইন্সাত-৩দি মাইপাকখ্রে।
প্রধান মন্ত্রীনা ইসরো তিমদা হায়খি অদোম্না তুংগী ওইথোকপা য়াবশিংগী অনৌবা থোংশিং হাংদোক্লে। পানবা অমগী মতুংইন্না, মথং চহি ১০দা ভারতকী স্পেস ইকোনোমি শরুক মঙা হেনগৎলগনি অমসুং দোল্লর বিল্লিয়ন ৪৪ য়ৌরগনি। ভারত স্পেসকী লমদা মালেমগী ললোন-ইতিক্কী মফম অমা ওইরক্লে। লাক্লিবা নুমিৎ খরনিদা, ভারত অমুক হন্না থাদা চৎলগনি। থাগী লৈমায়দগী সেম্পলশিং পুরক্নবা অনৌবা অশা লৈরি। ভেনসতা চৎনবা পান্দম থম্লি। ২০৩৫ ফাওবগী মনুংদা ভারতনা মশাগী স্পেস স্তেসন লৈরগনি। অমৃত কাল অসিদা, ভারতকী রোক্কেত অমদা ভারতমচা অমা থাগী লৈমায়দা তারগনি।
২০১৪গী মমাঙগা চাংদম্নবদা হৌখিবা চহি ১০দা স্পেসকী লমদা ভারতকী অনৌবা মাইপাকপশিংগী মতাংদা প্রধান মন্ত্রীনা হায়খি মমাঙগী সরকারশিংগী মতমদা সেতেল্লাইত ৩৩ থাগৎপদা লৈবাক অসিনা সেতেল্লাইত ৪০০ থাগৎখি অমসুং নহারোলশিংগী স্পেস স্তার্দঅপশিং মশিং ২-৩ দগী হৌজিক ২০০ হেন্না লৈরে। নহারোলশিং অসিগী পান্দম, হৈথোই-শিংথোইবা অমসুং মখোয়গী ওন্ত্রেপ্রেনিউয়রশিং থাগৎনিঙাইনি।
প্রধান মন্ত্রীনা হায়খি স্পেসকী লমদা অওনবশিং পুরকপা অসিনা সেক্তর অসিদা ইথিল পীরে অমসুং হন্দক স্পেস সেক্তরদা এফ.দি.আই চাদা ১০০ অয়াবা পীরে। মসিগী অওনবা অসিগা লোয়ননা, মালেমদা খ্বাইদগী চাউবা স্পেস ইন্সতিতুৎশিং ভারত্তা মখোয়গী ইন্সতিতুৎশিং লিংখৎপা য়ারে অমসুং মখোয়গী হৈথোই-শিংথোইবা উৎনবা নহারোলশিংদা খুদোংচাবা অমা পীরে।
প্রধান মন্ত্রীনা হায়খি বিকসিত ভারত অমা ওইহন্নবদা স্পেস সেক্তরনা মরুওইবা থৌদাং লৌগনি। স্পেস সাইন্স অসি শুপ্নগী রোক্কেত সাইন্স খক নত্তে, মসি খ্বাইদগী চাউবা সোসিএল সাইন্স অমশুনি। খুন্নাইনা স্পেস তেক্নোলোজিদগী কান্নবশিং ফংলে। লৌউ-শিংউ, নোং-চিং, কলামেতি ৱার্নিং, ইথৈগা মরী লৈনবা, নেভিগেসন মেপশিং অমসুং ঙামীশিংগী নেভিক সিস্তেমদা স্পেস তেক্নোলোজি শীজিন্নরে। ঙমখৈ ঙাক-শেনবা, লাইরিক-লাইশু অমসুং হকশেলগী লমদা স্পেস সাইন্স শীজিন্নরে। অদোম, ইসরো অমসুং অপুনবা স্পেস সেক্তরনা বিকসিত ভারত অমা শেমগৎপদা অচৌবা থৌদাং অমা লৌরি।
থৌরম অদুদা শরুক য়াখিবশিংগী মনুংদা কেরলাগী রাজ্যপাল শ্রী অরিফ মোহমদ খান, কেরলাগী চীফ মিনিস্তর শ্রী পিনরায়ী বিজয়ান, রাজ্য মন্ত্রী ভি. মুরালীধরন অমসুং দিপার্তমেন্ত ওফ স্পেসকী সেক্রেতরি অমসুং ইসরোগী চিয়রমেন, শ্রী এস সোমনাথ শরুক য়াখি।
নুঙগীৱারোল
লৈবাক অসিগী স্পেস সেক্তরগী খুদোংচাবশিং মপুংফানা শীজিন্ননবা সেক্তর অসি অওনবা পুরক্নবা প্রধান মন্ত্রীনা অশানবা মীৎয়েং অমসুং সেক্তর অসিদা তেক্নিকেল অমসুং আর অমসুং দিগী তৌবা ঙম্বা হেনগৎহন্নবা মহাক্না থাজবা পীখিবা অদু থবক ওইনা পাংথোক্তুনা বিক্রম সরাভাই স্পেস সেন্তর(ভি এস এস সি), তিরুবনন্থাপুরমদা মহাক্কী খোঙচৎ মনুংদা লুপা করোর ১৮০০ রোমগী মরুওইবা স্পেস ইনফ্রাস্ত্রকচর প্রোজেক অহুম শঙ্গাখি। প্রোজেকশিংগী মনুংদা সাতিস ধৱান স্পেস সেন্তর, শ্রীহরিকোতাদা ‘পি.এস.এল.ভি ইন্তেগ্রেসন ফেসিলিতি; মহেন্দ্রগিরিদা ইসরো প্রোপুলসন কমপ্লেক্সতা অনৌবা ‘সেমি-ক্রাইয়োজেনিক্স ইন্তেগ্রেতেদ ইঞ্জিন এন্দ স্তেচ ফেসিলিতি’ অমসুং ভি.এস.এস.সিদা ‘ত্রাইসোনিক ৱিন্দ তন্নেল’ য়াওরি। স্পেসকী লমদা মালেম থাক্কী তেক্নিকেলগী খুদোংচাবশিং পীরিবা প্রোজেক অহুম অসি লুপা করোর ১৮০০ রোমগী অপুনবা শেনফম অমনা শেমগৎপনি।
সাতিস ধৱান স্পেস সেন্তর, শ্রীহরিকোতাগী ‘পি.এস.এল.ভি ইন্তেগ্রেসন ফেসিলিতি(পি আই এফ)না পি.এস.এল.ভি থাগৎপা হেনগৎহন্দুনা চহি অমদা ৬তগী ১৫ ফাওবা থাগৎকনি। অৱাংবা থাক্কী ফেসিলিতি অসিদা এস.এস.এল.ভি অমসুং লনাই স্পেস কম্পেনিশিংনা দিজাইন তৌবা অপীকপা লঞ্চ ভেহিকলশিং মথৌ পাংথোকপা য়াগনি।
মহেন্দ্রগিরিদা ইসরো প্রোপুলসন কমপ্লেক্সতা লৈরিবা অনৌবা ‘সেমি-ক্রাইয়োজেনিক্স ইন্তেগ্রেতেদ ইঞ্জিন এন্দ স্তেচ ফেসিলিতি’ অসিনা সেমি ক্রাইয়োজেনিক ইঞ্জিনশিং অমসুং স্তেজশিং শেমগৎপা ঙমহনগনি অমসুং হৌজিক লৈরিবা লঞ্চ ভেহিকলশিংগী পেলোদ পুবা ঙম্বগী শক্তি হেনগৎহনগনি। ফেসিলিতি অসিদা তন ২০০ ফাওবগী থ্রস্তকী ইঞ্জিনশিং চাংয়েং তৌনবা লিকুইত ওক্সিজেন অমসুং কেরোসিন সপ্লাই সিস্তেমশিং য়াওরি।
অতিয়াদা পাইরিঙৈ মনুংদা রোক্কেতশিং অমসুং এয়রক্রাফকী মগুনশিং খঙদোক্নবা এরোদাইনামিক্স চাংয়েং তৌনবা ৱিন্দ তন্নেলশিং য়াম্না তঙাইফদে। ভি.এস.এস.সিদা ‘ত্রাইসোনিক ৱিন্দ তন্নেল’ শঙ্গাগদৌরিবা অসি ঐখোয়গী তুংগী তেক্নোলোজিগী দরকার ওইবশিং ফংহন্নবা অরুবা তেক্নোলোজিগী সিস্তেম অমনি।
মহাক্কী খোঙচৎ অদুদা, প্রধান মন্ত্রীনা গগনয়ান মিসনগী পায়খৎলিবা থবকশিংগী ফিবম য়েংশিনখি অমসুং এস্ত্রোনেত ওইরগদবশিংদা ‘এস্ত্রোনোত ৱিংস’ নপখি। গগনয়ান মিসন অসি ভারতকী অহানবা মীওইবা শরুক য়াবা স্পেস ফ্লাইত প্রোগ্রামনি অমসুং মসিগীদমক তোঙান-তোঙানবা ইসরো সেন্তরশিংদা অকনবা শেম-শাবগী থবকশিং চৎথরি।
***
(Release ID: 2009531)
Visitor Counter : 39
Read this release in:
Tamil
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam