ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ମାଧ୍ୟମରେ ୪୧,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରାୟ ୨୦୦୦ ରେଳ ଭିତ୍ତିଭୂମି ପ୍ରକଳ୍ପର ଶିଳାନ୍ୟାସ, ଉଦଘାଟନ ଏବଂ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଛନ୍ତି । ୫୦୦ ଟି ରେଳ ଷ୍ଟେସନ ଏବଂ ଅନ୍ୟ ୧୫୦୦ ଟି ସ୍ଥାନରୁ ଲକ୍ଷ ଲକ୍ଷ ଲୋକ 'ବିକଶିତ ଭାରତ ବିକାଶିତ ରେଳବାଇ' କାର୍ଯ୍ୟକ୍ରମ ସହିତ ଯୋଡ଼ି ହୋଇଥିଲେ ।

ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ଆଜିର କାର୍ଯ୍ୟକ୍ରମ ନୂତନ ଭାରତର ନୂତନ କାର୍ଯ୍ୟ ସଂସ୍କୃତିର ପ୍ରତୀକ । ଭାରତ ଆଜି ଯାହା ବି କରୁଛି, ତାହା ଅଭୂତପୂର୍ବ ବେଗରେ କରୁଛି। ଆମେ ବଡ଼ ସ୍ୱପ୍ନ ଦେଖୁଛୁ ଏବଂ ତାହାକୁ ସାକାର କରିବା ପାଇଁ ଅକ୍ଳାନ୍ତ ପରିଶ୍ରମ କରୁଛୁ । ଏହି ସଂକଳ୍ପ ଏହି ବିକଶିତ ଭାରତ ବିକଶିତ ରେଳବାଇ କାର୍ଯ୍ୟକ୍ରମରେ ଦୃଶ୍ୟମାନ ହେଉଛି। ନିକଟରେ ଅଭୂତପୂର୍ବ ଗତି ହାସଲ କରିଥିବା ସ୍କେଲ ବିଷୟରେ ସେ ଉଲ୍ଲେଖ କରିଥିଲେ। ସେ ଗତ କିଛି ଦିନର ଜମ୍ମୁ ଓ ଗୁଜରାଟ କାର୍ଯ୍ୟକ୍ରମ ବିଷୟରେ ଉଲ୍ଲେଖ କରିଥିଲେ ଯେଉଁଠାରୁ ସେ ଶିକ୍ଷା ଏବଂ ସ୍ୱାସ୍ଥ୍ୟ କ୍ଷେତ୍ର ଭିତ୍ତିଭୂମିର ବ୍ୟାପକ ସମ୍ପ୍ରସାରଣ ଆରମ୍ଭ କରିଥିଲେ । ସେହିପରି ଆଜି ମଧ୍ୟ ୩୦୦ ଜିଲ୍ଲାରେ ଥିବା ୧୨ଟି ରାଜ୍ୟର ୫୫୦ଟି ଷ୍ଟେସନର ନବୀକରଣ କରାଯାଉଛି। ଉତ୍ତର ପ୍ରଦେଶର ଗୋମତୀ ନଗର ଷ୍ଟେସନ ପ୍ରକଳ୍ପ ବିଷୟରେ ସୂଚନା ପ୍ରଦାନ କରିବା ସହିତ ୧୫୦୦ରୁ ଅଧିକ ସଡ଼କ ଏବଂ ଓଭରବ୍ରିଜ୍ ପ୍ରକଳ୍ପ ବିଷୟରେ ପ୍ରଧାନମନ୍ତ୍ରୀ ମୋଦୀ ନୂତନ ଭାରତର ଆକାଂକ୍ଷା ଏବଂ ସଂକଳ୍ପର ବ୍ୟାପକତା ଏବଂ ଗତି ଉପରେ ଆଲୋକପାତ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ଆଜି ୪୦,୦୦୦ କୋଟି ଟଙ୍କାର ପ୍ରକଳ୍ପ ଦିନକୁ ଦିନ ଆଲୋକ ଦେଖୁଛି ଏବଂ କିଛି ମାସ ପୂର୍ବେ ଅମୃତ ଭାରତ ଷ୍ଟେସନ ପ୍ରକଳ୍ପ ଆରମ୍ଭ କରିଥିବା କଥା ମନେ ପକାଇଥିଲେ ଯେଉଁଠାରେ ଦେଶର ୫୦୦ ରେଳ ଷ୍ଟେସନର ଆଧୁନିକୀକରଣ ପାଇଁ କାର୍ଯ୍ୟ ଆରମ୍ଭ ହୋଇଥିଲା । ଆଜିର କାର୍ଯ୍ୟକ୍ରମ ଏହି ସଂକଳ୍ପକୁ ଆହୁରି ଆଗକୁ ନେଇଯିବା ସହ ଭାରତର ପ୍ରଗତିର ଗତିର ଝଲକ ପ୍ରଦାନ କରୁଛି ବୋଲି ସେ କହିଛନ୍ତି। ଆଜିର ରେଳ ପ୍ରକଳ୍ପ ପାଇଁ ପ୍ରଧାନମନ୍ତ୍ରୀ ମୋଦୀ ଭାରତୀୟ ନାଗରିକମାନଙ୍କୁ ଅଭିନନ୍ଦନ ଜଣାଇଛନ୍ତି।

ପ୍ରଧାନମନ୍ତ୍ରୀ ମୋଦୀ ଆଜିର ବିକାଶ ପ୍ରକଳ୍ପ ପାଇଁ ଭାରତର ଯୁବ ଶକ୍ତିକୁ ବିଶେଷ ଭାବେ ଅଭିନନ୍ଦନ ଜଣାଇଥିଲେ କାରଣ ସେମାନେ ହେଉଛନ୍ତି ବିକଶିତ ଭାରତର ପ୍ରକୃତ ହିତାଧିକାରୀ । ଆଜିର ବିକାଶ ମୂଳକ ପ୍ରକଳ୍ପ ଲକ୍ଷ ଲକ୍ଷ ଯୁବକଯୁବତୀଙ୍କ ପାଇଁ ରୋଜଗାର ଓ ଆତ୍ମନିଯୁକ୍ତି ସୁଯୋଗ ସୃଷ୍ଟି କରିବା ସହ ସ୍କୁଲରେ ପଢୁଥିବା ଛାତ୍ରଛାତ୍ରୀମାନେ ମଧ୍ୟ ଉପକୃତ ହେବେ ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି, "ବିକଶିତ ଭାରତ କିପରି ହେବ ତାହା ସ୍ଥିର କରିବାର ଯୁବକମାନଙ୍କର ସର୍ବାଧିକ ଅଧିକାର ରହିଛି। ବିଭିନ୍ନ ପ୍ରତିଯୋଗିତା ମାଧ୍ୟମରେ ବିକଶିତ ଭାରତରେ ରେଳବାଇର ସ୍ୱପ୍ନକୁ ସାକାର କରିଥିବାରୁ ସେ ଯୁବବର୍ଗଙ୍କୁ କୃତଜ୍ଞତା ଜ୍ଞାପନ କରିବା ସହ ବିଜେତାମାନଙ୍କୁ ଅଭିନନ୍ଦନ ଜଣାଇଥିଲେ। ପ୍ରଧାନମନ୍ତ୍ରୀଙ୍କ ସଂକଳ୍ପ ସହିତ ସେମାନଙ୍କ ସ୍ୱପ୍ନ ଓ କଠିନ ପରିଶ୍ରମ ବିକଶିତ ଭାରତର ଗ୍ୟାରେଣ୍ଟି ଦେଉଛି ବୋଲି ସେ ଯୁବବର୍ଗଙ୍କୁ ଆଶ୍ୱାସନା ଦେଇଥିଲେ।

ଆଗାମୀ ଅମୃତ ଭାରତ ଷ୍ଟେସନ ଉଭୟ ବିକାଶ ଏବଂ ଐତିହ୍ୟର ପ୍ରତୀକ ହେବ ବୋଲି ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଥିଲେ । ଓଡ଼ିଶାର ବାଲେଶ୍ୱର ଷ୍ଟେସନ ଭଗବାନ ଜଗନ୍ନାଥ ମନ୍ଦିର ଓ ସିକ୍କିମର ରଙ୍ଗପୁର ସ୍ଥାନୀୟ ସ୍ଥାପତ୍ୟର ଛାପ ବହନ କରିବ, ରାଜସ୍ଥାନର ସାଙ୍ଗନେର ଷ୍ଟେସନରେ ଷୋଡ଼ଶ ଶତାବ୍ଦୀର ହ୍ୟାଣ୍ଡ ବ୍ଲକ ପ୍ରିଣ୍ଟିଂ, ତାମିଲନାଡୁର କୁମ୍ବାକୋନମରେ ଥିବା ଷ୍ଟେସନରେ ଚୋଳ ପ୍ରଭାବ ପ୍ରଦର୍ଶିତ ହେବ ଏବଂ ଅହମ୍ମଦାବାଦ ଷ୍ଟେସନ ମୋଡେରା ସୂର୍ଯ୍ୟ ମନ୍ଦିରରୁ ଅନୁପ୍ରାଣିତ, ଦ୍ୱାରକା ଷ୍ଟେସନ ଦ୍ୱାରକାଧୀଶ ମନ୍ଦିର ଦ୍ୱାରା ଅନୁପ୍ରାଣିତ। ଆଇଟି ସିଟି ଗୁରୁଗ୍ରାମ ଷ୍ଟେସନ ଆଇଟି ଥିମ୍ ବହନ କରିବ, ଅର୍ଥାତ୍ "ଅମୃତ ଭାରତ ଷ୍ଟେସନ ସେହି ସହରର ବିଶେଷତ୍ୱକୁ ବିଶ୍ୱ ଆଗରେ ପରିଚିତ କରାଇବ", ପ୍ରଧାନମନ୍ତ୍ରୀ କହିଥିଲେ । ଏହି ଷ୍ଟେସନଗୁଡିକ ଦିବ୍ୟାଙ୍ଗ ଏବଂ ବରିଷ୍ଠ ନାଗରିକ ଅନୁକୂଳ ହେବ ।

ଗତ ୧୦ ବର୍ଷ ମଧ୍ୟରେ ବିଶେଷ କରି ରେଳବାଇରେ ଯେଉଁଠାରେ ପରିବର୍ତ୍ତନ ପରିଲକ୍ଷିତ ହେଉଛି ସେଠାରେ ଏକ ବିକଶିତ ଭାରତ ଗଠନ କୁ ପ୍ରଧାନମନ୍ତ୍ରୀ ମୋଦୀ ଦୋହରାଇଛନ୍ତି । ବିଗତ ୧୦ ବର୍ଷ ମଧ୍ୟରେ ଯେଉଁ ସବୁ ସୁବିଧା ଏକଦା ଦୂରରେ ଥିଲା, ତାହା ଏବେ ବାସ୍ତବ ରୂପ ନେଇଛି ଏବଂ ବନ୍ଦେ ଭାରତ, ଅମୃତ ଭାରତ, ନମୋ ଭାରତ ଭଳି ଆଧୁନିକ ସେମି ହାଇସ୍ପିଡ୍ ଟ୍ରେନ୍, ରେଳ ଲାଇନ୍ ବିଦ୍ୟୁତୀକରଣର ଦ୍ରୁତ ଗତି ଏବଂ ଟ୍ରେନ୍ ଭିତରେ ଏବଂ ଷ୍ଟେସନ ପ୍ଲାଟଫର୍ମରେ ସ୍ୱଚ୍ଛତାର ଉଦାହରଣ ଦେଇଛନ୍ତି। ଓଭରବ୍ରିଜ୍ ଓ ଅଣ୍ଡରବ୍ରିଜ୍ ଆଜି ନିରବଚ୍ଛିନ୍ନ ଓ ଦୁର୍ଘଟଣାମୁକ୍ତ ଯାତାୟାତ କରୁଥିବା ବେଳେ ଭାରତୀୟ ରେଳବାଇରେ ମାନବବିହୀନ ଗେଟ୍ କିପରି ସାଧାରଣ କଥା ତାହାର ତୁଳନା କରିଥିଲେ। ବିମାନବନ୍ଦର ଭଳି ଆଧୁନିକ ସୁବିଧା ଏବେ ରେଳ ଷ୍ଟେସନରେ ଗରିବ ଓ ମଧ୍ୟବିତ୍ତବର୍ଗଙ୍କୁ ଉପଲବ୍ଧ କରାଯାଉଛି ବୋଲି ସେ ଉଲ୍ଲେଖ କରିଛନ୍ତି।

ପ୍ରଧାନମନ୍ତ୍ରୀ କହିଥିଲେ ଯେ ଆଜିର ରେଳପଥ ନାଗରିକମାନଙ୍କ ପାଇଁ ଯାତ୍ରାକୁ ସହଜ କରିବାର ଏକ ମୁଖ୍ୟ ଆଧାର ପାଲଟିଛି । ରେଳବାଇର ପରିବର୍ତ୍ତନ ସମ୍ପର୍କରେ ପ୍ରଧାନମନ୍ତ୍ରୀ କହିଛନ୍ତି ଯେ ଅର୍ଥନୀତି ବିଶ୍ୱ ମାନ୍ୟତାରେ ଏକାଦଶରୁ ପଞ୍ଚମ ସ୍ଥାନକୁ ଉନ୍ନୀତ ହେଉଥିବାବେଳେ ରେଳ ବଜେଟରେ ୧୦ ବର୍ଷ ପୂର୍ବର ୪୫ ହଜାର କୋଟିରୁ ଆଜି ୨.୫ ଲକ୍ଷ କୋଟିକୁ ବ୍ୟାପକ ବୃଦ୍ଧି ଘଟିଛି । ବିଶ୍ୱର ତୃତୀୟ ବୃହତ୍ତମ ଅର୍ଥନୈତିକ ମହାଶକ୍ତି ହେବା ପରେ ଆମର ଶକ୍ତି କେତେ ବଢ଼ିବ ତାହା କଳ୍ପନା କରନ୍ତୁ। ତେଣୁ ଭାରତକୁ ଯଥାଶୀଘ୍ର ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ପରିଣତ କରିବା ପାଇଁ ମୋଦି କଠିନ ପରିଶ୍ରମ କରୁଛନ୍ତି।

ଦୁର୍ନୀତି ନହେବା ଏବଂ ନୂତନ ଲାଇନ୍ ବିଛାଇବାର ଗତି ଦ୍ୱିଗୁଣିତ କରିବା, ଜମ୍ମୁ-କଶ୍ମୀରରୁ ଉତ୍ତର-ପୂର୍ବ ପର୍ଯ୍ୟନ୍ତ ନୂଆ ଅଞ୍ଚଳକୁ ରେଳ ପହଞ୍ଚାଇବା ଏବଂ ୨,୫୦୦ କିଲୋମିଟର ଉତ୍ସର୍ଗୀକୃତ ମାଲ ପରିବହନ କରିଡର ରେ କାମ କରିବାରେ ବ୍ୟବହୃତ ହେଉଥିବା ଅର୍ଥକୁ ମଧ୍ୟ ପ୍ରଧାନମନ୍ତ୍ରୀ ମୋଦୀ ଶ୍ରେୟ ଦେଇଛନ୍ତି। ଟିକସଦାତାଙ୍କ ଅର୍ଥର ପ୍ରତି ପଇସା ଯାତ୍ରୀଙ୍କ କଲ୍ୟାଣ ପାଇଁ ବ୍ୟବହୃତ ହେଉଛି ବୋଲି ସେ କହିଛନ୍ତି। ସରକାରଙ୍କ ପକ୍ଷରୁ ପ୍ରତ୍ୟେକ ରେଳ ଟିକେଟ ଉପରେ ୫୦ ପ୍ରତିଶତ ରିହାତି ରହିଛି।

"ଯେପରି ବ୍ୟାଙ୍କରେ ଜମା ହୋଇଥିବା ଟଙ୍କା ଉପରେ ସୁଧ ଅର୍ଜନ କରାଯାଏ, ସେହିଭଳି ଭିତ୍ତିଭୂମି ରେ ଖର୍ଚ୍ଚ ହେଉଥିବା ପ୍ରତ୍ୟେକ ପଇସା ନୂତନ ଆୟର ଉତ୍ସ ଏବଂ ନୂତନ ନିଯୁକ୍ତି ସୃଷ୍ଟି କରେ", ପ୍ରଧାନମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ ନୂତନ ରେଳ ଲାଇନ ବିଛାଇବା ଦ୍ୱାରା ଶ୍ରମିକ ହୁଅନ୍ତୁ କିମ୍ବା ଇଞ୍ଜିନିୟର ଏକାଧିକ ନିଯୁକ୍ତି ସୁଯୋଗ ସୃଷ୍ଟି କରନ୍ତି । ସେ ଆହୁରି ମଧ୍ୟ କହିଛନ୍ତି ଯେ ସିମେଣ୍ଟ, ଇସ୍ପାତ ଓ ପରିବହନ ଭଳି ଅନେକ ଶିଳ୍ପ ଓ ଦୋକାନରେ ନୂତନ ନିଯୁକ୍ତି ର ସମ୍ଭାବନା ସୃଷ୍ଟି ହୋଇଛି। ଆଜି ଲକ୍ଷ ଲକ୍ଷ କୋଟି ଟଙ୍କା ବିନିଯୋଗ ହେଉଛି ହଜାର ହଜାର ନିଯୁକ୍ତିର ଗ୍ୟାରେଣ୍ଟି ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି। ସେ 'ୱାନ୍ ଷ୍ଟେସନ୍ ୱାନ୍ ପ୍ରଡକ୍ଟ' କାର୍ଯ୍ୟକ୍ରମ ବିଷୟରେ ମଧ୍ୟ କହିଥିଲେ ଯେଉଁଠାରେ ଷ୍ଟେସନ ଗୁଡ଼ିକରେ ଲଗାଯାଇଥିବା ହଜାର ହଜାର ଷ୍ଟଲ୍ ମାଧ୍ୟମରେ ରେଳବାଇ ଦ୍ୱାରା କ୍ଷୁଦ୍ର କୃଷକ, କାରିଗର ଏବଂ ବିଶ୍ୱକର୍ମା ବନ୍ଧୁମାନଙ୍କ ଉତ୍ପାଦକୁ ପ୍ରୋତ୍ସାହିତ କରାଯାଉଛି।

"ଭାରତୀୟ ରେଳବାଇ କେବଳ ଏକ ଯାତ୍ରୀ ସୁବିଧା ନୁହେଁ ବରଂ ଏହା ଭାରତର କୃଷି ଏବଂ ଶିଳ୍ପ ପ୍ରଗତିର ସବୁଠାରୁ ବଡ଼ ବାହକ", ପ୍ରଧାନମନ୍ତ୍ରୀ କହିଥିଲେ ଯେ ଦ୍ରୁତ ଟ୍ରେନ୍ ପରିବହନରେ ଅଧିକ ସମୟ ସଞ୍ଚୟ କରିବ ଏବଂ ଶିଳ୍ପ ଖର୍ଚ୍ଚ ମଧ୍ୟ ହ୍ରାସ କରିବ । ତେଣୁ ମେକ୍ ଇନ୍ ଇଣ୍ଡିଆ ଓ ଆତ୍ମନିର୍ଭର ଭାରତକୁ ପ୍ରୋତ୍ସାହନ ଦେଉଛି। ଭାରତର ଆଧୁନିକ ଭିତ୍ତିଭୂମିକୁ ଶ୍ରେୟ ଦେଇ ପ୍ରଧାନମନ୍ତ୍ରୀ ସମଗ୍ର ବିଶ୍ୱରେ ପୁଞ୍ଜିନିବେଶ ପାଇଁ ସବୁଠାରୁ ଆକର୍ଷଣୀୟ ସ୍ଥାନ ଭାବେ ଦେଶକୁ ପ୍ରଶଂସା କରିଥିଲେ । ଆଗାମୀ ୫ ବର୍ଷ ପାଇଁ ବାଟ ଦେଖାଇ ପ୍ରଧାନମନ୍ତ୍ରୀ ତାଙ୍କ ଅଭିଭାଷଣ ଶେଷ କରିଥିଲେ ଏବଂ କହିଥିଲେ ଯେ ଏହି ହଜାର ହଜାର ଷ୍ଟେସନର ଆଧୁନିକୀକରଣ ହେଲେ ଭାରତୀୟ ରେଳବାଇର କ୍ଷମତା ବୃଦ୍ଧି ପାଇବ ଏବଂ ବିପୁଳ ପୁଞ୍ଜିନିବେଶର ବିପ୍ଳବ ଆଣିବ ।

ପୃଷ୍ଠଭୂମି

ରେଳ ଷ୍ଟେସନରେ ବିଶ୍ୱସ୍ତରୀୟ ସୁବିଧା ଉପଲବ୍ଧ କରାଇବା ଉପରେ ପ୍ରଧାନମନ୍ତ୍ରୀ ବାରମ୍ବାର ଗୁରୁତ୍ୱାରୋପ କରିଛନ୍ତି । ଏହି ପ୍ରୟାସର ଏକ ପ୍ରମୁଖ ପଦକ୍ଷେପ ସ୍ୱରୂପ ପ୍ରଧାନମନ୍ତ୍ରୀ ଅମୃତ ଭାରତ ଷ୍ଟେସନ ଯୋଜନା ଅଧୀନରେ ୫୫୩ ଟି ରେଳ ଷ୍ଟେସନର ପୁନଃବିକାଶ ପାଇଁ ଶିଳାନ୍ୟାସ କରିଥିଲେ । ୨୭ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଥିବା ଏହି ଷ୍ଟେସନଗୁଡ଼ିକୁ ୧୯,୦୦୦ କୋଟି ଟଙ୍କାରୁ ଅଧିକ ବ୍ୟୟରେ ପୁନଃବିକଶିତ କରାଯିବ। ଏହି ଷ୍ଟେସନଗୁଡ଼ିକ ସହରର ଉଭୟ ପାର୍ଶ୍ୱକୁ ମିଶାଇ 'ସିଟି ସେଣ୍ଟର' ଭାବେ କାର୍ଯ୍ୟ କରିବ। ଏଥିରେ ରୁଫ୍ ପ୍ଲାଜା, ସୁନ୍ଦର ଲ୍ୟାଣ୍ଡସ୍କେପିଂ, ଇଣ୍ଟର ମୋଡାଲ କନେକ୍ଟିଭିଟି, ଉନ୍ନତ ଆଧୁନିକ ପ୍ଲାଟଫର୍ମ, କିଡ୍ସ ପ୍ଲେ ଏରିଆ, କିଓସ୍କ, ଫୁଡ୍ କୋର୍ଟ ଆଦି ଅତ୍ୟାଧୁନିକ ଯାତ୍ରୀ ସୁବିଧା ଉପଲବ୍ଧ ହେବ। ସେମାନଙ୍କୁ ପରିବେଶ ଅନୁକୂଳ ଏବଂ ଦିବ୍ୟାଙ୍ଗ ଅନୁକୂଳ ଭାବେ ପୁନଃବିକଶିତ କରାଯିବ। ସ୍ଥାନୀୟ ସଂସ୍କୃତି, ଐତିହ୍ୟ ଓ ସ୍ଥାପତ୍ୟ ରୁ ପ୍ରେରିତ ହୋଇ ଏହି ଷ୍ଟେସନ କୋଠାର ଡିଜାଇନ୍ ପ୍ରସ୍ତୁତ କରାଯିବ।

ଏହାବ୍ୟତୀତ ପ୍ରଧାନମନ୍ତ୍ରୀ ଉତ୍ତରପ୍ରଦେଶର ଗୋମତୀ ନଗର ଷ୍ଟେସନକୁ ଉଦଘାଟନ କରିଥିଲେ, ଯାହାକୁ ପ୍ରାୟ ୩୮୫ କୋଟି ଟଙ୍କା ବ୍ୟୟରେ ପୁନଃବିକଶିତ କରାଯାଇଥିଲା । ଭବିଷ୍ୟତରେ ବଢ଼ୁଥିବା ଯାତ୍ରୀ ସଂଖ୍ୟାକୁ ଦୃଷ୍ଟିରେ ରଖି ଏହି ଷ୍ଟେସନରେ ଆଗମନ ଓ ପ୍ରସ୍ଥାନ ସୁବିଧାକୁ ଅଲଗା କରାଯାଇଛି। ଏହା ସହରର ଉଭୟ ପାର୍ଶ୍ୱକୁ ଏକାଠି କରିଥାଏ । ଏହି କେନ୍ଦ୍ରୀୟ ଏୟାର କଣ୍ଡିସନ ଷ୍ଟେସନରେ ଏୟାର କନକୋର୍ସ, ଭିଡ଼ ମୁକ୍ତ ପରିବହନ, ଫୁଡ୍ କୋର୍ଟ ଏବଂ ଉପର ଓ ତଳ ବେସମେଣ୍ଟରେ ପର୍ଯ୍ୟାପ୍ତ ପାର୍କିଂ ସ୍ଥାନ ଭଳି ଅତ୍ୟାଧୁନିକ ଯାତ୍ରୀ ସୁବିଧା ରହିଛି।

ପ୍ରଧାନମନ୍ତ୍ରୀ ୧୫୦୦ ରୋଡ୍ ଓଭର ବ୍ରିଜ୍ ଏବଂ ଅଣ୍ଡରପାସ୍ ର ଶିଳାନ୍ୟାସ, ଉଦଘାଟନ ଏବଂ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଥିଲେ । ୨୪ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ବିସ୍ତାରିତ ଏହି ରୋଡ୍ ଓଭର ବ୍ରିଜ୍ ଏବଂ ଅଣ୍ଡରପାସ୍ ଗୁଡ଼ିକର ମୋଟ ମୂଲ୍ୟ ପ୍ରାୟ ୨୧,୫୨୦ କୋଟି ଟଙ୍କା। ଏହି ପ୍ରକଳ୍ପଗୁଡ଼ିକ ଭିଡ଼ ହ୍ରାସ କରିବ, ନିରାପତ୍ତା ଏବଂ ଯୋଗାଯୋଗ ବୃଦ୍ଧି କରିବ, ରେଳ ଯାତ୍ରାର କ୍ଷମତା ଏବଂ ଦକ୍ଷତା ରେ ଉନ୍ନତି ଆଣିବ ।

BS