প্রধান মন্ত্রী, শ্রী নরেন্দ্র মোদীনা ফেব্রুৱারী 13-14, 2024দা য়ুনাইতেদ অরাব ইমিরেৎস (UAE)গী ওফিসিএল ওইবা খোঙচৎ অমা চৎকনি।

মসিনা ইং 2015গী মতুংদা প্রধান মন্ত্রী মোদীগী তরেৎশুবা খোঙচৎ অমসুং হৌখিবা থা নিপানগী মনুংগী ওইনা অহুমশুবা খোঙচৎ ওইগনি। প্রধান মন্ত্রীনা খোঙচৎ অসিগী মনুংদা UAEগী রাস্ত্রপতি, হিস হাইনেস শৈখ মোহম্মদ বিন জায়েদ অল নহ্যানগা উন্নদুনা বাইলেতরেল মীফম অমা ফমগনি। লুচিংবা অনিনা লৈবাক অনিগী মরক্তা লৈবা স্ত্রেতজিক পার্ত্নরশিপ্পু হেন্না চেৎশিলহন্নবা, পাকথোক চাউথোক্নবা অমসুং মপাঙ্গল হেন্না লৈহন্নবা পাম্বৈ কয়াগী মতাংদা খন্নগনি অমসুং অপাম্বা মান্নবা রিজনেল অমসুং মালেমগী শিংনবা কয়াগী মতাংদা মশাগী ৱাখল্লোন ফোংদোক্নগনি।

প্রধান মন্ত্রীনা UAEগী উপ-রাস্ত্রপতি, প্রধান মন্ত্রী অমসুং দিফেন্স মন্ত্রী, হিস হাইনেস শৈখ মোহমদ বিন রশিদ অল মক্তুমগসু উন্নগনি। মহাক্কী পাউজেলগী মতুং ইন্না, প্রধান মন্ত্রীনা দুবাইদা পাংথোক্কদবা ৱর্ল্দ গবর্নমেন্ত সম্মিত 2024দা অথোইবা মীথুংলেন ওইনা শরুক য়াগনি অমসুং সম্মিত অসিদা অখন্নবা ৱারোলসু থমগনি।

প্রধান মন্ত্রীনা অবু ধাবীগী খ্বাইদগী অহানবা হিন্দু লাইশঙ, BAPS মন্দির শঙ্গাগনি। মহাক্না UAEদা লৈবা ভারতকী খুন্নাইগী মফমদা অবু ধাবীগী জায়েদ স্পোর্ত সিতীদা পাংথোকপা থৌরম অমদা ৱা ঙাঙগনি।

ভারত অমসুং UAEগী মরক্তা নুংশি-চানবা, নক্নবা অমসুং শক্তম কয়া লোঙবা মরী লৈনৈ অমসুং মরী অসিবু রাজনীতি, চৎনবী অমসুং শেন্মিৎলোনগী অচেৎপা মরীনা মপাঙ্গল হাপ্লি। প্রধান মন্ত্রীগী ইং 2015গী মশক নাইরবা UAE খোঙচৎকী মতুংদা, লৈবাক অনিগী বাইলেতরেল মরীনা কম্প্রিহেন্সিব স্ত্রেতজিক পার্ত্নরশিপকী থাক্তা য়ৌখিবনি। লৈবাক অনিনা ফেব্রুৱারী 2022দা কম্প্রিহেন্সিব ইকোনোমিক স্ত্রেতজিক পার্ত্নরশিপ (CEPA) অমগী খুৎয়েক পীনখি অমসুং ক্রোস-বোর্দর ত্রাঞ্জেক্সনগীদমক্তা ইন্দিয়ন রুপী অমসুং AED শিজিন্নবা খুমাং চাউশিলহন্নবা জুলাই 2023দা লোকেল করেন্সী সেত্তলমেন্ত (LCS) সীস্তেম অমগী খুৎয়েক পীনখি।

লৈবাক অনি অসিনা ইং 2022-23দা চাউরাকপা USD বিলিয়ন 85কী বাইলেতরেল ত্রেদ তৌদুনা অমনা অমগী খ্বাইদগী মকোক থোংবা ত্রেদিং পার্ত্নর ওইখি। UAEনা ইং 2022-23দা ফোরেন দাইরেক্ত ইনভেস্তমেন্তকী মতাংদা ভারতকী ওইনা মকোক থোংবা ইনভেস্তর মরিগী মনুংদা চনখি।

মীওই মিলিয়ন 3.5 (চাউরাকপা) লৈবা মপাঙ্গল লৈবা অমসুং মতিক লৈবা ইন্দিয়ন কম্ম্যুনিতীনা UAEগী খ্বাইদগী চাউবা এক্সপেত্রিএত গ্রুপ ওইরি। মখোয়গী হোস্ত লৈবাক অসিগী চাউখৎ থৌরাংদা মশক থোকপা থৌদাং য়াবগী মতৌনা ঐখোয়গা UAEগা লৈনরিবা মশক নাইবা বাইলেতরেল মরী অসিদা তেংবাংবা খ্বাইদগী মরু ওইবা হীরম অমা ওইরিবনি।

***