પ્રધાનમંત્રી શ્રી નરેન્દ્ર મોદી 13 થી 14 ફેબ્રુઆરી 2024 દરમિયાન સંયુક્ત આરબ અમીરાત (UAE)ની સત્તાવાર મુલાકાત લેશે.

2015 પછી પ્રધાનમંત્રી મોદીની યુએઈની આ સાતમી અને છેલ્લા આઠ મહિનામાં ત્રીજી મુલાકાત હશે. આ મુલાકાત દરમિયાન, પ્રધાનમંત્રી UAEના રાષ્ટ્રપતિ મહામહિમ શેખ મોહમ્મદ બિન જાયદ અલ નાહયાન સાથે દ્વિપક્ષીય બેઠક કરશે. બંને નેતાઓ દેશો વચ્ચે વ્યૂહાત્મક ભાગીદારીને વધુ ગાઢ, વિસ્તૃત અને મજબૂત કરવાના માર્ગો પર ચર્ચા કરશે અને પરસ્પર હિતના પ્રાદેશિક અને આંતરરાષ્ટ્રીય મુદ્દાઓ પર વિચારોનું આદાનપ્રદાન કરશે.

પ્રધાનમંત્રી UAEના ઉપરાષ્ટ્રપતિ મહામહિમ શેખ મોહમ્મદ બિન રાશિદ અલ મક્તૂમ, પ્રધાનમંત્રી અને સંરક્ષણમંત્રી સાથે પણ મુલાકાત કરશે. તેમના આમંત્રણ પર, પ્રધાનમંત્રી દુબઈમાં આયોજિત થનારી વર્લ્ડ ગવર્નમેન્ટ સમિટ 2024માં ગેસ્ટ ઑફ ઓનર તરીકે ભાગ લેશે અને સમિટમાં વિશેષ મુખ્ય ભાષણ આપશે.

પ્રધાનમંત્રી અબુ ધાબીમાં પ્રથમ હિન્દુ મંદિર BAPS મંદિરનું ઉદ્ઘાટન કરશે. તે અબુ ધાબીમાં ઝાયેદ સ્પોર્ટ્સ સિટીમાં એક કાર્યક્રમમાં UAEમાં ભારતીય સમુદાયને પણ સંબોધન કરશે.

ભારત અને UAE મજબૂત રાજકીય, સાંસ્કૃતિક અને આર્થિક જોડાણો દ્વારા આધારીત ઊષ્માભર્યા, ગાઢ અને બહુપક્ષીય સંબંધોનો આનંદ માણે છે. ઓગસ્ટ 2015માં પ્રધાનમંત્રી શ્રી નરેન્દ્ર મોદીની UAEની સીમાચિહ્નરૂપ મુલાકાત બાદ, બંને દેશો વચ્ચેના દ્વિપક્ષીય સંબંધો વ્યાપક વ્યૂહાત્મક ભાગીદારીમાં ઉન્નત થયા. બંને દેશોએ ફેબ્રુઆરી 2022માં વ્યાપક આર્થિક ભાગીદારી કરાર (CEPA) અને જુલાઈ 2023માં સ્થાનિક ચલણ સમાધાન (LCS) સિસ્ટમ પર હસ્તાક્ષર કર્યા હતા જેથી ક્રોસ બોર્ડર વ્યવહારો માટે ભારતીય રૂપિયા અને AEDના ઉપયોગને પ્રોત્સાહન મળે.

બંને દેશો 2022-23માં લગભગ US 85 બિલિયન ડોલરના દ્વિપક્ષીય વેપાર સાથે એકબીજાના ટોચના વેપારી ભાગીદારોમાં સામેલ છે. 2022-23માં સીધા વિદેશી રોકાણના સંદર્ભમાં UAE ભારતમાં ટોચના 4 રોકાણકારોમાં સામેલ છે.

લગભગ 3.5 મિલિયન મજબૂત અને ગતિશીલ ભારતીય સમુદાય UAE માં સૌથી મોટા વિદેશી જૂથ બનાવે છે. તેમના યજમાન દેશના વિકાસમાં તેમનું સકારાત્મક અને સારી રીતે પ્રશંસાપાત્ર યોગદાન UAE સાથેના અમારા ઉત્કૃષ્ટ દ્વિપક્ષીય જોડાણનું મહત્ત્વપૂર્ણ સંચાલક રહ્યું છે.

AP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com