હાલમાં ચાલી રહેલી વિકસિત ભારત સંકલ્પ યાત્રા અંતર્ગત ગ્રામ પંચાયતો અને શહેરી સ્થાનિક એકમોમાં આયોજિત 2,34,259 આરોગ્ય શિબિરોમાં અત્યાર સુધીમાં કુલ લોકોની સંખ્યા 7,22,69,014 સુધી પહોંચી ગઈ છે.

આરોગ્ય શિબિરોમાં નીચેની પ્રવૃત્તિઓ હાથ ધરવામાં આવી રહી છે:

આયુષ્માન ભારત - પ્રધાનમંત્રી જન આરોગ્ય યોજના (એબી-પીએમજેએવાય): વિકસિત ભારત સંકલ્પ યાત્રા માટે એમઓએચએફડબ્લ્યુની મુખ્ય યોજના અંતર્ગત આયુષ્માન એપનો ઉપયોગ કરીને આયુષ્માન કાર્ડ બનાવવામાં આવી રહ્યા છે અને લાભાર્થીઓને ફિઝિકલ કાર્ડનું વિતરણ કરવામાં આવી રહ્યું છે. અત્યાર સુધીમાં 51,03,942 ફિઝિકલ કાર્ડનું વિતરણ કરવામાં આવ્યું છે. અત્યાર સુધીમાં કુલ 2,78,86,460 કાર્ડ બનાવવામાં આવ્યા છે.

ટ્યુબરક્યુલોસિસ (ટીબી): ટીબી માટે દર્દીઓની તપાસ લક્ષણો માટે સ્ક્રીનિંગ, ગળફાનું પરીક્ષણ અને જ્યાં પણ ઉપલબ્ધ હોય ત્યાં નાએટી મશીનોનો ઉપયોગ કરીને કરવામાં આવે છે. ટીબી હોવાની શંકાવાળા કેસને ઉચ્ચ સુવિધાઓમાં સંદર્ભિત કરવામાં આવે છે. 82મા દિવસના અંત સુધીમાં, 3,85,73,277 થી વધુ લોકોની તપાસ કરવામાં આવી છે, જેમાંથી 11,80,445 ને ઉચ્ચ જાહેર આરોગ્ય સુવિધાઓમાં મોકલવામાં આવ્યા છે.

પ્રધાનમંત્રી ટીબી મુક્ત ભારત અભિયાન (પીએમટીબીએમએ) હેઠળ ટીબીથી પીડિત દર્દીઓ માટે નિક્ષય મિત્રની મદદ મેળવવા માટે સંમતિ લેવામાં આવી રહી છે. નિક્ષય મિત્ર બનવા ઇચ્છુક ઉપસ્થિતોને પણ ઓન-સ્પોટ રજિસ્ટ્રેશન આપવામાં આવી રહ્યું છે. પીએમટીબીએમબીએ હેઠળ કુલ 4,17,894 દર્દીઓએ સંમતિ આપી છે અને 1,18,546 નવા નિક્ષય મિત્રો નોંધાયા છે.

નિક્ષય પોષણ યોજના (એનપીવાય) હેઠળ ટીબીનાં દર્દીઓને પ્રત્યક્ષ લાભ હસ્તાંતરણ મારફતે નાણાકીય સહાય પ્રદાન કરવામાં આવે છે. આ માટે બાકી રહેલા લાભાર્થીઓના બેંક ખાતાની વિગતો એકત્રિત કરવામાં આવી રહી છે અને ખાતાઓને આધાર સાથે જોડવામાં આવી રહ્યા છે. આવા 87,129 લાભાર્થીઓની વિગતો એકત્ર કરવામાં આવી છે.

સિકલ સેલ રોગ: મુખ્ય આદિવાસી વસ્તી ધરાવતા વિસ્તારોમાં, અનુસૂચિત જાતિ માટે પોઇન્ટ ઓફ કેર (પીઓસી) પરીક્ષણો દ્વારા સિકલ સેલ રોગ (એસસીડી)ની તપાસ માટે અથવા દ્રાવ્યતા પરીક્ષણ દ્વારા લાયક વસ્તીની તપાસ (40 વર્ષ સુધીની) તપાસ કરવામાં આવી રહી છે. પોઝિટિવ પરીક્ષણ કરનારા કેસોને વ્યવસ્થાપન માટે ઉચ્ચ કેન્દ્રોમાં રિફર કરવામાં આવી રહ્યા છે. અત્યાર સુધીમાં કુલ 42,30,770 લોકોની તપાસ કરવામાં આવી છે, જેમાંથી 70,995 પોઝિટિવ હોવાનું જણાયું હતું અને તેમને ઉચ્ચ જાહેર આરોગ્ય સુવિધાઓમાં રિફર કરવામાં આવ્યા હતા.

બિનચેપી રોગો (એનસીડી): હાયપરટેન્શન અને ડાયાબિટીસ માટે પાત્રતા (30 વર્ષ કે તેથી વધુ) ની તપાસ કરવામાં આવી રહી છે અને પોઝિટિવ હોવાની શંકા ધરાવતા કેસોને ઉચ્ચ કેન્દ્રોમાં રિફર કરવામાં આવી રહ્યા છે. આશરે 5,40,90,000 લોકોની હાઈપરટેન્શન અને ડાયાબિટીસ માટે તપાસ કરવામાં આવી છે. 20,20,900 થી વધુ લોકો હાયપરટેન્શન માટે સકારાત્મક હોવાની શંકા છે અને 14,31,100 થી વધુ લોકોને ડાયાબિટીસ હોવાની શંકા છે અને 30,50,100 થી વધુ લોકોને ઉચ્ચ જાહેર આરોગ્ય સુવિધાઓમાં રિફર કરવામાં આવ્યા છે.

બેલાગવી, કર્ણાટક

દુર્ગ, છત્તીસગઢ

ગોડ્ડા, ઝારખંડ

પાશ્વભાગ:

દેશભરમાં કેન્દ્ર સરકારની યોજનાઓના લાભોને સંતૃપ્ત કરવા માટે માનનીય પ્રધાનમંત્રી દ્વારા 15 નવેમ્બરના રોજ ઝારખંડના ખૂંટીથી વિકસિત ભારત સંકલ્પ યાત્રાની શરૂઆત કરવામાં આવી હતી. વિકસીત ભારત સંકલ્પ યાત્રા અંતર્ગત ઓન સ્પોટ સેવાઓના ભાગરૂપે ગ્રામ પંચાયતોમાં આઈઈસી વાનના હોલ્ટના સ્થળોએ આરોગ્ય કેમ્પનું આયોજન કરવામાં આવી રહ્યું છે.

AP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com