ਵਿੱਤ ਮੰਤਰਾਲਾ

ਸਥਾਪਤ ਕੀਤੀਆਂ ਜਾਣ ਵਾਲੀਆਂ ਸਹੂਲਤਾਂ ਅਤੇ ਸੇਵਾਵਾਂ ਦੀ ਗੁਣਵੱਤਾ ਦੇ ਆਧਾਰ 'ਤੇ ਆਈਕੋਨਿਕ ਟੂਰਿਸਟ ਸੈਂਟਰਾਂ ਨੂੰ ਦਰਜਾਬੰਦੀ ਲਈ ਇੱਕ ਰੂਪਰੇਖਾ: ਕੇਂਦਰੀ ਵਿੱਤ ਮੰਤਰੀ


ਆਈਕੋਨਿਕ ਟੂਰਿਸਟ ਸੈਂਟਰਾਂ ਦੇ ਵਿਕਾਸ ਲਈ ਵਿੱਤੀ ਸਹਾਇਤਾ ਲਈ ਰਾਜਾਂ ਨੂੰ ਲੰਬੇ ਸਮੇਂ ਦੇ ਵਿਆਜ ਮੁਕਤ ਕਰਜ਼ੇ ਪ੍ਰਦਾਨ ਕੀਤੇ ਜਾਣਗੇ

ਬੰਦਰਗਾਹ ਕਨੈਕਟੀਵਿਟੀ, ਸੈਰ-ਸਪਾਟਾ ਬੁਨਿਆਦੀ ਢਾਂਚੇ ਅਤੇ ਲਕਸ਼ਦੀਪ ਸਮੇਤ ਸਾਡੇ ਟਾਪੂਆਂ 'ਤੇ ਲਈਆਂ ਜਾਣ ਵਾਲੀਆਂ ਸਹੂਲਤਾਂ ਲਈ ਪ੍ਰੋਜੈਕਟ

Posted On: 01 FEB 2024 12:46PM by PIB Chandigarh

ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲਿਆਂ ਬਾਰੇ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਨ ਨੇ ਅੱਜ ਸੰਸਦ ਵਿੱਚ ਅੰਤਰਿਮ ਬਜਟ 2024-25 ਪੇਸ਼ ਕਰਦੇ ਹੋਏ, 2047 ਤੱਕ 'ਵਿਕਸਤ ਭਾਰਤ' ਦੇ ਵਿਜ਼ਨ ਨੂੰ ਪ੍ਰਾਪਤ ਕਰਨ ਲਈ ਸੈਲਾਨੀ ਕੇਂਦਰਾਂ ਦੇ ਵਿਆਪਕ ਵਿਕਾਸ 'ਤੇ ਜ਼ੋਰ ਦਿੱਤਾ।

ਆਈਕੋਨਿਕ ਟੂਰਿਸਟ ਸੈਂਟਰ

ਸ਼੍ਰੀਮਤੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਰਾਜਾਂ ਨੂੰ ਪ੍ਰਸਿੱਧ ਸੈਰ-ਸਪਾਟਾ ਕੇਂਦਰਾਂ ਦੇ ਵਿਆਪਕ ਵਿਕਾਸ, ਬ੍ਰਾਂਡਿੰਗ ਅਤੇ ਵਿਸ਼ਵ ਪੱਧਰ 'ਤੇ ਮਾਰਕੀਟਿੰਗ ਕਰਨ ਲਈ ਉਤਸ਼ਾਹਿਤ ਕੀਤਾ ਜਾਵੇਗਾ। ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਅਧਾਰ 'ਤੇ ਅਜਿਹੇ ਵਿਕਾਸ ਲਈ ਵਿੱਤੀ ਸਹਾਇਤਾ ਲਈ ਰਾਜਾਂ ਨੂੰ ਲੰਬੇ ਸਮੇਂ ਦੇ ਵਿਆਜ ਮੁਕਤ ਕਰਜ਼ੇ ਪ੍ਰਦਾਨ ਕੀਤੇ ਜਾਣਗੇ। ਕੇਂਦਰਾਂ ਦੇ ਵਿਆਪਕ ਵਿਕਾਸ ਨੂੰ ਉਤਸ਼ਾਹਿਤ ਕਰਨ ਲਈ ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਸਹੂਲਤਾਂ ਅਤੇ ਸੇਵਾਵਾਂ ਦੀ ਗੁਣਵੱਤਾ ਦੇ ਆਧਾਰ 'ਤੇ ਕੇਂਦਰਾਂ ਦੀ ਦਰਜਾਬੰਦੀ ਲਈ ਇੱਕ ਢਾਂਚਾ ਸਥਾਪਤ ਕੀਤਾ ਜਾਵੇਗਾ।

ਘਰੇਲੂ ਸੈਰ ਸਪਾਟਾ

ਕੇਂਦਰੀ ਵਿੱਤ ਮੰਤਰੀ ਨੇ ਇਸ ਤੱਥ ਨੂੰ ਉਜਾਗਰ ਕੀਤਾ ਕਿ ਭਾਰਤ ਦਾ ਮੱਧ ਵਰਗ ਵੀ ਹੁਣ ਯਾਤਰਾ ਅਤੇ ਖੋਜ ਕਰਨ ਦੀ ਇੱਛਾ ਰੱਖਦਾ ਹੈ ਅਤੇ ਅਧਿਆਤਮਕ ਸਮੇਤ, ਸੈਰ-ਸਪਾਟੇ ਕੋਲ ਸਥਾਨਕ ਉੱਦਮਤਾ ਲਈ ਬਹੁਤ ਮੌਕੇ ਹਨ।

ਇਸ ਨੂੰ ਜਾਰੀ ਰੱਖਦਿਆਂ, ਉਨ੍ਹਾਂ ਕਿਹਾ ਕਿ ਘਰੇਲੂ ਸੈਰ-ਸਪਾਟੇ ਦੇ ਉੱਭਰ ਰਹੇ ਉਤਸ਼ਾਹ ਨੂੰ ਪੂਰਾ ਕਰਨ ਲਈ, ਲਕਸ਼ਦੀਪ ਸਮੇਤ ਟਾਪੂਆਂ 'ਤੇ ਬੰਦਰਗਾਹਾਂ ਨਾਲ ਸੰਪਰਕ, ਸੈਰ-ਸਪਾਟਾ ਬੁਨਿਆਦੀ ਢਾਂਚੇ ਅਤੇ ਸਹੂਲਤਾਂ ਲਈ ਪ੍ਰੋਜੈਕਟ ਸ਼ੁਰੂ ਕੀਤੇ ਜਾਣਗੇ ਅਤੇ ਇਸ ਨਾਲ ਰੁਜ਼ਗਾਰ ਪੈਦਾ ਕਰਨ ਵਿੱਚ ਮਦਦ ਮਿਲੇਗੀ।

 

ਘਰੇਲੂ ਸੈਰ-ਸਪਾਟੇ ਤੋਂ ਇਲਾਵਾ, ਭਾਰਤ ਦੀ ਵਿਭਿੰਨਤਾ ਵਿਸ਼ਵਵਿਆਪੀ ਸੈਲਾਨੀਆਂ ਲਈ ਜਾਣੀ ਜਾਂਦੀ ਹੈ। ਇਸ ਸਬੰਧੀ ਕੇਂਦਰੀ ਮੰਤਰੀ ਸ਼੍ਰੀਮਤੀ ਨਿਰਮਲਾ ਸੀਤਾਰਮਨ ਨੇ ਆਪਣੇ ਬਜਟ ਭਾਸ਼ਣ ਵਿੱਚ ਕਿਹਾ ਕਿ ਸੱਠ ਥਾਵਾਂ 'ਤੇ ਜੀ-20 ਮੀਟਿੰਗਾਂ ਦੇ ਆਯੋਜਨ ਦੀ ਸਫਲਤਾ ਨੇ ਭਾਰਤ ਦੀ ਵਿਭਿੰਨਤਾ ਨੂੰ ਵਿਸ਼ਵਵਿਆਪੀ ਦਰਸ਼ਕਾਂ ਦੇ ਸਾਹਮਣੇ ਪੇਸ਼ ਕੀਤਾ ਅਤੇ ਆਰਥਿਕ ਮਜ਼ਬੂਤੀ ਨੇ ਦੇਸ਼ ਨੂੰ ਵਪਾਰ ਅਤੇ ਕਾਨਫਰੰਸ ਸੈਰ-ਸਪਾਟੇ ਲਈ ਇੱਕ ਖਿੱਚ ਵਾਲਾ ਸਥਾਨ ਬਣਾ ਦਿੱਤਾ ਹੈ।

***

ਵਾਈਕੇਬੀ/ਐੱਨਬੀ/ਐੱਮਵੀ/ਐੱਸਕੇ



(Release ID: 2001521) Visitor Counter : 65