خزانے اور کارپوریٹ امور کی مرکزی وزیر محترمہ نرملا سیتا رمن نے آج پارلیمنٹ میں پیش کیے گئے عبوری بجٹ 2024-25 میں ’سب کا ساتھ، سب کا وکاس، سب کا پرایاس‘ کے منتر کو اجاگر کرتے ہوئے کہا کہ ملک کو ہمارے نوجوانوں پر فخر ہے کہ وہ کھیلوں میں نئی بلندیوں کو چھو رہے ہیں۔

کھیلوں میں نوجوان

سال 2023 میں ایشین گیمز  اور  ایشین پیرا گیمز  میں اب تک کی  تمغوں کی سب سے بڑی  تعداد اعتماد کی اعلی  سطح کی عکاسی کرتی ہے۔ اپنی بجٹ تقریر میں انہوں نے  یہ بھی کہا کہ ’ سال 2023 میں شطرنج کے ماہر اور ہمارے نمبر ون رینک کے کھلاڑی پرگنندھا نے موجودہ عالمی چیمپئن میگنس کارلسن کو سخت  ٹکر دی ہے۔ شطرنج میں ہندوستان کی کامیابی کا ذکر  کرتے ہوئے، انہوں نے کہا ’’آج، ہندوستان میں  80 سے زیادہ  شطرنج کے گرینڈ ماسٹرز موجود ہیں جبکہ 2010 میں ان کی تعداد محض 20 تھی۔

ٹیکنالوجی استعمال کرنے والے نوجوانوں کے لئے کورپس

محترمہ نرملا سیتا رمن نے بجٹ پیش کرتے ہوئے پچاس سالہ بلاسودی قرض کے ساتھ ایک لاکھ کروڑ روپے کا  ایک کورپس قائم کرنے کی تجویز پیش کی۔ یہ کورپس طویل مدتی مالی اعانت فراہم کرے گا یا طویل مدتی رئ فائننسنگ کرے گا جس کا سود یا تو بالکل نہیں ہوگا یا بہت کم ہوگا۔ انہوں نے کہا کہ ہمارے یکنالوجی استعمال کرنے والے نوجوانوں کے لیے یہ سنہری دور ہوگا اور ایسے پروگراموں کی ضرورت ہے جو ہمارے نوجوانوں اور ٹیکنالوجی کی طاقتوں کو یکجا کریں۔ محترمہ نرملا سیتا رمن نے اس بات پر زور دیا کہ یہ کورپس نجی شعبے کی حوصلہ افزائی کرے گا کہ وہ ابھرتے ہوئےشعبوں میں تحقیق اور اختراع کو نمایاں طور پر بڑھائے۔

۔۔۔۔۔۔۔۔۔۔۔

ش ح۔ ا گ۔ ن ا۔

U-4246