ইং কুমজা 2024গী ওইনা দিজাস্তর মেনেজমেন্তদা শীংথানীংঙাই ওইনা থবক তৌখিবগীদমক সুভাশ চন্দ্র বোস আপদা প্রবন্ধন পুরস্কার-2024গীদমক ইন্সতিত্যুস্নেল কেতগোরীদা উত্তর প্রদেশকী 60 পেরাছুত ফিল্দ হোস্পিতাল খল্লকখ্রে।

প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা দিজাস্তর মেনেজমেন্তগী লমদা ইন্দিবিজুএল অমসুং ওর্গনাইজেসনশিং ওইনা চাউনা শরুক তমখিবা অমসুং মশাগী ওইজবা থাদোক্তুনা শেবা তৌখিববু শকখঙনবা অমসুং ইকাই খুম্ননবা সুভাশ চন্দ্র বোস আপদা প্রবন্ধন পুরস্কার কৌবা চহিগী ওইবা মনা অমা শেমখি। মনা অসি চহি খুদিংগী নাতেজী সুভাশ চন্দ্র বোসকী মপোক কুমওন, জনুৱারী 23দা লাউথোকখি। ইন্সতিত্যুসন ওইরগনা মসিদা শেলগী মনা ওইনা লুপা লাখ 51 অমসুং সর্তিফিকেৎ অমা অমসুং ইন্দিবিজুএলগী ওইরগনা মসিদা শেল ওইনা লুপা লাখ 5 অমসুং সর্তিফিকেৎ য়াওরি।

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহগী লুচিং মখাদা লৈবাক অসিনা দিজাস্তর মেনেজমেন্ত প্রেক্তিসশিং, শেম শাবা, মিতিগেসন অমসুং রেস্পোন্স মেকানিজমশিংদা চাউনা ফগৎলক্তুনা মহৌশাগী খুদোংথিবশিং থোকপা মতমদা মীশি-মীনা থোকপা চাউনা হন্থহনবা ঙমলি। কেন্দ্রগী গৃহ মন্ত্রীনা লেপ্পা লৈতনা দিজাস্তর প্রিপিয়র্দনেস য়েংশিন্দুনা লাকখি অমসুং মীয়ামদা ত্রেনিং পীবা অমসুং পুন্সি অমদি লন-থুমদা অমাং অতা থোকপা হন্থহন্নবা স্তেকহোল্দরশিংনা খ্বাইদগী ফবা প্রেক্তিসশিং পাইখৎনবা হায়খি।

ইং কুমজা 2024গী ওইনা ওনলাইন নোমিনেসনশিং জুলাই 01, 2023দগী হৌখি। ইং কুমজা 2024গী ওইনা এৱার্দ স্কিম অসি প্রিন্ত, ইলেক্ত্রোনিক অমসিং সোসিএল মেদিয়াগী খুত্থাংদা পাকশন্না পব্লিসিতী তৌখি। এৱার্দ স্কিম অসিগী রেস্পোন্স ওইনা ইন্সতিত্যুসন অমসুং ইন্দিবিজুএলশিংদগী ভেলিদ নোমিনেসন  245 লাকখি।

দিজাস্তর মেনেজমেন্তগী লমদা 2024গী মনা ফংখ্রবনা শীংথানীংঙাই ওইবা থবক তৌখিবগী শমলপ্পা ৱারোল অমা মখাদা পীরি:

উত্তর প্রদেশকী 60 পেরাছুত ফিল্দ হোস্পিতাল 1942দা লিংখৎই। মসি তোঙান-তোঙানবা গ্লোবেল ক্রাইসিস্তা মখোয়গী থোইদোক হেন্দোকপা সর্ভিস পীবগীদমক মশক খঙনরিবা ইন্দিয়ন আর্মদ ফোর্সেসকী অমত্তা ঙাইরবা এয়রবোর্ন মেদিকেল ইস্তাব্লিশমেন্তনি। মপুং ওইবা মিসনদা নেস্নেল অমসুং ইন্তরনেস্নেল অনিমক্তা শান্তি অমসুং লানগী মতমদা মহৌশাগী খুদোংথিবশিং থোরকপদা হ্যুমেনিতরিয়ন এসিস্তেন্স এন্দ দিজাস্তর রিলিফ (HADR) ওপরেসনশিং পীবা য়াওরি। মসিনা উত্তরাখন্দ ঈচাও (2013), ‘মৈত্রি’ কৌবা ওপরেসনগী মখাদা নেপাল য়ুহর হাবা (2015) অমসুং সমুদ্র মৈত্রি ওপরেসনগী শরুক ওইনা ইন্দোনেসিয়ন সুনামি (2018) হায়রিবশিং অসিদা মেদিকেল এসিস্তেন্স পীখি। হন্দক্তা তর্কী অমসুং সিরিয়াদা ফেব্রুৱারী 2023দা মেগনিচুদ 7.8কী য়ুহার হাখিবা অদুদা য়ুনিৎ অদু খোঙলৈ থুনা মেম্বর 99গী তীম অমা শেমখি অমসুং রিসোর্সকী অৱাৎপশিং অমসুং লোলগী পল থেংনদুনা তর্কীদা ভারতকী লেবেল-2 মেদিকেল ফেসিলিতী শাদুনা হাতে প্রোবিন্সকী স্কুল বিল্দিংদা ফমুং 30গী হোস্পিতাল অমা হাংদোকখি। য়ুনিৎ অসিনা মীকনবা, ত্রিয়াস, সর্জরী, দেন্তেল ত্রীৎমেন্ত, X রে অমসুং লেব ফেসিলিতীশিং য়াওনা মেদিকেল সর্ভিস মখল কয়া পীখি অমসুং ‘ওপরেসন দোস্ত’কী শরুক ওইনা নুমিৎ 12গী মতমগী মনুংদা পেসেন্ত 3600দা কিয়র ফংহনখি।

*****