প্রধান মন্ত্রীনা জনুৱারী 20-21, 2024দা তমিল নাদুগী মশক নাইরবা লাইশঙ কয়াদা চৎকনি।

জনুৱারী 20গী অয়ুক্কী পুং 10 তাবা মতমদা, প্রধান মন্ত্রীনা তমিল নাদুগী তিরুচিরাপলীগী শ্রী রঙ্গানাথস্বামী লাইশঙদা পাংথোকপা থৌরম অমদা শরুক য়াগনি। প্রধান মন্ত্রীনা লাইশঙ অসিদা তোঙান-তোঙানবা স্কোলরশিংনা কম্বা রমায়নমদগী লৌথোক্তুনা থীবা লাইশোন কয়াসু তাগনি।

মখা তারকপদা, প্রধান মন্ত্রীনা নুংথিলগী পুং 2দা রামেস্বরমদা য়ৌগনি অমসুং শ্রী অরুলমিগু রাম্নাথস্বামী লাইশঙদা দর্শন অমসুং পুজা তৌগনি। প্রধান মন্ত্রীনা হৌখিবা নুমিৎ খরনিসিদা চৎখিবা লাইশঙ কয়াগী খোঙচত্তা লোল কয়াদা (মরাথী, মলায়ালম অমসুং তেলেগু) রমায়নগী লাইশোন শোনবা কয়া তাদুনা লাকখিবগী থৌওংবু মখা চত্থবা ওইনা, মহাক্না মফম অসিদা ‘শ্রী রমায়না পর্য়ানা’ হায়বা থৌরম অমদসু শরুক য়াগনি। থৌরম অসিদা, তোঙান-তোঙানবা ত্রেদিস্নেল মন্দলী নিপান্না সংস্কৃত, অৱধী, কশ্মিরী, গুরুমুখী, অসামি, বেঙ্গালী, মাইথীলি অমসুং গুজরাতী রামকথা (শ্রীরাম্না অয়োধ্যাদা হল্লকপগী তাঙ্ককশিং) থীগনি। থৌওং অসি ‘এক ভারত শ্রেস্থ ভারত’কী ময়োলদা লৈরিবা ভারতকী চৎনবী অমসুং মরী লৈনবগা মরী লৈনবা থৌওং ওইগনি। প্রধান মন্ত্রীনা শ্রী অরুলমিগু রাম্নাথস্বামী লাইশঙদা পাংথোকপা ভজন সন্ধ্যাদা শরুক য়াগনি, অমসুং নুমিদাংগী মতমদা লাইশঙগী কমপ্লেক্স অসিদা লাইশোন ঈশৈ কয়া শকপগী চৎনবীসু লৈবনি।

প্রধান মন্ত্রীনা জনুৱারী 21দা ধনুশকোদীগী কোথন্দরামাস্বামী লাইশঙদা দর্শন অমসুং পুজা তৌগনি। প্রধান মন্ত্রীনা ধনুশকোদীগী মনাক্তা লৈবা অরিচল মুনাইদা চৎকনি অমসুং হায়রিবা মফম অসি রাম সেতু শাখিবা মফম্নি হায়না খন্নরিবা মফম্নি।

শ্রী রঙ্গানাথস্বামী লাইশঙ

ত্রিচীগী শ্রীরঙ্গমদা লৈরিবা লাইশঙ অসিদি লৈবাক অসিগী খ্বাইদগী লিরবা লাইশঙ কমপ্লেক্সশিংগী মনুংদা অমা ওইরিবনি অমসুং পুরান অমসুং সঙ্গমগী য়ুগকী লাইরিক য়াওনা অরিবা লাইরিক কয়াদা মসিগী মতাংদা পল্লি। লাইশঙ অসি য়াম্না নীংথিবা য়ুমশারোল অমসুং মশিং য়াম্লবা অমসুং আইকোনিক ওইরবা গোপুরমগীদমক্তা মমিংসু চৎলিবনি। মফমসিদা নীংলিবা মপুং ওইবা ঈশ্বরদি ভগ্বান বিশ্নুনা ঙাথদুনা লৈবগী মওং চেনবা শ্রী রঙ্গানাথস্বামী অসিনি। লাইশঙ অসিদা লাৎলিবা মুর্তী অসিগা অয়োধ্যাগা মরী লৈনৈ হায়না বৈশ্নবকী স্কৃপচরশিংদা পল্লি। শ্রীরাম অমসুং মহাক্কী মপা মপুশিংনা নীংজবা ভগ্বান বিশ্নুগী শক্তম অসি লঙ্কাদা পুনবগীদমক্তা মহাক্কী মফমদা ভিভিশন্না পীখিবনি হায়না থাজনৈ। লম্বীদা চৎলিঙৈ মতমদা, মুর্তী অসি শ্রীরঙ্গমদা খিনখিবনি।

শক্নাইরবা ফিলোসোফর অমসুং সন্ত অমা ওইরিবা, শ্রী রামানুজাচার্য়াগা লাইশঙ অসিগা অচেৎপা মরী অমা লৈনৈ। মসিদা নত্তনা, লাইশঙ অসিদা অতোপ্পা মরু ওইবা মফম কয়া অমসু লোইরি – খুদম ওইনা পল্লবদা, কমপ্লেক্স অসিগী অখন্নবা মফম অমদা তমিল কবি কম্বন্না মমিং চৎলবা কম্বা রমায়নম অসিবু মীয়ামদা অহানবা ওইনা লান্থোকখিবনি।

রামেশ্বরমদা লৈবা শ্রী অরুল্মিগু রাম্নাথস্বামী লাইশঙ

লাইশঙ অসিদা লাৎলিবা মপুং ওইবা ঈশ্বরদি শ্রী রাম্নাথস্বামীনি অমসুং মহাকপু ভগ্বান শিবগী শাইওন অমনি হায়নসু খন্নৈ। লাইশঙ অসিগী খ্বাইদগী মশক নাইবা লিঙ্গম অসি শ্রী রাম অমসুং ইমা সিতানা খিন্দুনা নীংবা হৌখিবনি হায়না য়াম্না পাক শন্না থাজনবা অমা লৈ লাইশঙ অসিদা খ্বাইদগী শাংবা তেম্পল কোরিদোরশিংগী মরক্তা অমা য়াওই অমসুং হায়রিবা অসি মদুগী নীংথিরবা য়ুমশারোলগীদমক্তা মমিং চৎলি। মসিদি ধাম মরি – বদ্রিনাথ, দ্বার্কা, পুরি অমসুং রামেশ্বরমগী মনুংদা অমসু ওইরিবনি। মসিদি জ্যোতির্লিঙ্গা 12কী মনুংদসু অমা ওইরিবনি।

ধনুশকোদীগী কোথন্দারামাস্বামী লাইশঙ

লাইশঙ অসি শ্রী কোথন্দারামাস্বামীদা কত্থোকপনি। কোথন্দারামা হায়বা মিং অসিদি লিরুং তেন পায়বা শ্রী রাম হায়বনি। মসিদি ধনুশকোদী কৌবা মফম অমদা লৈবনি। মফম অসিদা ভিভিশন্না শ্রী রাম্বু অহানবা ওইনা উন্নদুনা চঙজফম পীবীনবা হায়জখিবা মফম্নি হায়না মীয়াম্না হায়নবা লৈ। শ্রী রাম্না ভিভিশনবু নিংথৌ ওইহনখিবা মফমদুদি মসিগী মফম অসিবুনি হায়না ৱারী খরনা হায়নবসু লৈরি।

***