প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দপমদা পাঙথোকপা “বীর বাল দিবস” থৌরমদা ৱা ঙাংখ্রে‍। শ্রী মোদীনা অঙাংশিংনা শৈরেং থিবা অমদি মার্সিএল আর্তস দিস্প্লে অহুম মীৎয়েঙ তাখি‍। থৌরমদুদা, প্রধান মন্ত্রীনা দিল্লীদা পাঙথোকপা নহাশিংগী মার্চ-পাস্ত অমসু লমথাখি‍।

তিল্লিবা মীয়ামগী মফমদা ঙা ঙাংলদুনা, প্রধান মন্ত্রীনা অথৌবা সাহিবজাদাশিংগী লোম্বা নাইদ্রবা কত্থোকপবু লৈবাকসিনা নীংশিংলি অমদি অজাদী কা অমৃৎ মহোৎসব অসিদা ভারতকী বীর বাল দিবসকী অনৌবা পন্দুপ অমা হাংদোকপদা লোয়ননা মখোয়গী থৌনানা পুম্নমক্কী পুক্নিং থৌগৎনফম ওইরি হায়খি‍। প্রধান মন্ত্রীনা মমাঙগী চহিগী নুমিৎ অসিমক্তদা অহানবা বীর বাল দিবস পাঙথোক্তুনা অথৌবা সাহিবজাদাশিংগী মথৌনাগী ৱারীনা লৈবাক পুম্ববু ইথক হৌহনখিববু নীংশিংখি‍। “বীর বাল দিবস অসি ভারত মচা ওইবগী মওং মতৌবু ঙাক্তুনা থম্নবগীদমক হনবা নাইদ্রবা লীচৎকী খুদম অমা ওইরি,” হায়রদুনা পি.এম. মোদীনা “নুমিৎ অসিনা থৌনা ফবগী মতৌ উৎপদা চহি খায়দে হায়বা ঐখোয়দা নীংশিংহল্লি,” হায়না ফোঙদোকখি‍। থৌরমসিবু সিখ গুরুশিংগী পারী পুরীগী লনবু হরাও তয়াম্না পাঙথোকবনি হায়রদুনা, প্রধান মন্ত্রীনা গুরু গোবিন্দ সিংহ জী অমদী মহাক্কী অথৌবা সাহিবজাদা মরিগী থৌনা অমদি ফিদম্না ভারত মচা খুদিংমকপু ঙসি থৌনা হাপ্লি হায়খি‍। “বীর বাল দিবস অসি চাদম্নিংঙাই লৈত্রবা মথৌনা পুবা অথৌবশিংবু পোকপীখিবা মমাশিংদুগী মফমদা লৈবাকসিনা কৎচবা শ্রদ্ধাঞ্জলি অমনি,” হায়না বাবা মোতী রাম মেহরাগী ইমুং মনুং অমদি দিৱান তোদরমালবু নীংজবশিংনা কত্থোকখিববু নীংশিংলদুনা প্রধান মন্ত্রীনা হায়খি‍। গুরুবু পুকচেল শেংনা নীংজবনা লৈবাক নীংবগী মৈরীবুসু চুখৎলি হায়না প্রধান মন্ত্রীনা হায়খি‍।

বীর বাল দিবসকা মরী লৈনবা থৌরমশিং য়ু.এস.এ., য়ু.কে. ওস্ত্রেলিয়া, নিউ জীলেন্দ, য়ু.এ.ই. অমদি গ্রীসতা পাঙথোকপগা লোয়ননা বীর বাল দিবস অসি মালেমগী ওইনা পাঙথোক্নরকপদা প্রধান মন্ত্রীনা হরাওবা ফোঙদোকখি‍। চমকৌর অমদি সিরহিন্দগী লান্ফমগী চাংদম্নিংঙাই লৈত্রবা পুৱারীবু নীংশিংলদুনা, প্রধান মন্ত্রীনা পুৱারী হায়বসি কাউথোকপা য়ারোই হায়খি‍। মহাক্না ভারত মচাশিংনা তমথিবা মীওৎ মীনৈবু ইকায়খুম্নবা ঙাক্না থেংনখিববু নীংশিংখি‍।

প্রধান মন্ত্রী মোদীনা মালেম অসিনা ঐখোয়গী পারী পুরীগী লনবু ঐখোয়না মতিক চাবা ইকায়খুম্নবা উৎলবা মতমখক্তদা শকখঙলকই হায়বা ৱাফম থমখি‍। “ঙসিদি, ঐখোয়না ঐখোয়গী পারী পুরীগী লন্দা চাউথোকচবা ফাওরবা মতমদা, মালেমগী মীৎয়েঙসু হোংলক্লে,” হায়না মহাক্না হায়খি‍। ঙসিগী ভারতনা মীনায় নাইথাংগী ৱাখল্লোন থাদোক্তুনা মাগী মতিং, পুক্নিং থৌগৎনফমশিং অমদি লৈবাকসিগী মীয়ামদা মপুং ফানা থাজবা থম্নরকপদা শ্রী মোদীনা অপেনবা ফোঙদোকখি‍। “ঙসিগী ভারতকীদমক্তদি, সাহিবজাদাশিংনা কত্থোক্লমবা অদুনা পুক্নিং থৌগৎনফম ওইরি‍।” মতৌ অসুম্না ভগবান বির্সা মুন্দা অমদি গোবিন্দ গুরুনা কত্থোকখিবশিংনসু লৈবাক পুম্ববু পুক্নিং থৌগৎলি‍।

মালেম অসিনা ভারতবু খুদোংচাবশিংগী মফমশিংগী মরক্তা মাঙজিল থানা য়েংলি হায়বা ৱাফম প্রধান মন্ত্রীনা থমখি‍। ভারতনা শেন্মিৎলোন, সাইন্স, থিজিন হুমজিনবা, শান্ন-খোৎনবা অমদি দিপ্লোমেসীগী ওইবা মালেমগী পরৈ চেনবা ৱাফমশিংগী পাম্বৈ পুথোকবদা মরুওইবা শক্লোন লৌরি হায়না পি.এম. মোদীনা ফোঙদোকখি‍। প্রধান মন্ত্রীনা রেদ ফোর্ততগী থমখিবা “মতম অসিনি চপ চারবা মতম অদু” হায়বা খোল্লাউবু অমুক হন্না থমখি‍। “হৌজিক অসি ভারতকী মতম্নি, লাক্কদৌরিবা চহি ২৫ অসিনা ভারতকী তৌবা ঙম্বশিংবু উত্থোক্কদৌরিবনি,” হায়না মহাক্না মখা তাখি‍। মহাক্না ৱাশক মঙাবু ইন্দুনা চৎপা অমদি মীৎকুপ অমত্তা মাঙহন্দনবা হোৎনবগী মথৌ তাবা ৱাফমসু থমখি‍।

প্রধান মন্ত্রীনা ভারতনা হৌজিক চহি লিশিং কয়াগী মনুংদা অমুকখক্তমক লাকপা মতম অমদা চৎলি হায়খি‍। নীং তম্বগী অমৃৎ কাল অসিদা ভারতকী সনা ফুদোংবা মতম পুরক্নবা হীরম কয়া পুন্না চঙশিল্লক্লি হায়না শ্রী মোদীনা হায়খি‍। মহাক্না ভারতকী নহাশিংগী মতিক্তা মরুওইবা ৱাফমশিং ফোঙদোকখি অমদি ঙসিগী লৈবাকসিগী নহা মীশিং অসি নীংতম লালহৌ মতমদা লৈখিবা নহা মীশিংদগী য়াম্না হেল্লি হায়রদুনা হৌজিক্কী নহা মীরোল অসিনা লৈবাক অসিবু ৱাখলনা লাম্বা ফংলুদবা পন্দোল তম্না পুদুনা চৎপা ঙমগনি হায়না থাজবা ফোঙদোকখি‍। মহাক্না ৱাখল লৌশিং তানবদা পল পুম্নমক নমখায়খিবা নচিকেতা, চহি নৌনা ‘চক্রব্যুহ’ চঙখিবা অভিম্যু, ধ্রুব অমসুং মহাক্কী লাই নীংবা, চহি নৌনা অচৌবা লৈবাক লিংখিবা মৌর্য় নীংথৌ চন্দ্রগুপ্তা, এক্লবিয়া অমদি মাগী গুরু দ্রোনাচার্য়গী মফমদা লৈখিবা থৌগল, লৈবাক্কীদমক মপুন্সি কত্থোকখিবা খুদিরাম বোস, বতুকেস্বর দত্ত, কনক্লতা বরুৱা, রানী গাইদিনলিউ, বাজী রাউত অমদি মশিং য়াম্লবা হীরোশিংবুসু মহাক্না পনখি‍।

“লাক্কদৌরিবা চহি ২৫ অসিনা ঐখোয়গী নহাশিংগী অচৌবা খুদোংচাবশিং পুরক্কনি‍। ভারতকী নহাশিংদা, মখোয়না পোক্লুবা মফম নৎত্রগা খুন্নাইগী খেন্নবা লৈতনা, লোইনাইদ্রবা মঙলানশিং লৈরি‍। হায়রিবা মঙলানশিং অসি মঙফাওনহন্নবগীদমক, লৈঙাক্কী মফমদা তশেং তশেংবা লম্বী অমদি মীৎয়েঙ অমা লৈ,” হায়না প্রধান মন্ত্রীনা ময়েক শেংনা ফোঙদোকখি‍। ৱাফম অসিগী মতাঙদা মতিং লৈবা নেস্নেল এজুকেসন পোলিসী, অতল তিঙ্করিং লেপ লিশিং ১০ অমদি মশক মচু থোকপা স্তার্তঅপ কল্চরশিং পন্দুনা মচা খায়না তাকখি‍। মুদ্র য়োজনানা মরম ওইরগা লায়রবা নহা, এস.সি./এস.তি. অমদি শোত্থহৌরবা ফুরুপশিংগী মরক্তগী মচিন তুমখৎলক্লিবা অনৌবা ওন্ত্রপ্রিন্যুর করোর ৮গী মতাঙদসু মহাক্না পনখি‍।

ভারতকী শান্নরোয়শিংনা হন্দক পাঙথোকখিবা মালেমগী ওইবা মশান্নশিংদা মায় পাক্লকখিবশিংগী মতাঙদা পল্লদুনা, প্রধান মন্ত্রীনা শান্নরোয় অয়াম্বা খুঙ্গংগী লমদা লৈবা মিদ্দল-ক্লাস ইমুংশিংদগী ঙাক্তনি হায়বা ৱাফম থমখি‍। মখোয়গী মায় পাকপবু মহাক্না মখোয়গী ময়ুম মনাক্তা হেন্না ফবা শান্ন-খোৎনবা অমদি ত্রেনিংগী ফেসিলিতীশিং ফংহল্লিবা অমদি অরোন অথুপ লৈতবা সেলেক্সনগী থৌওং লৈহল্লিবা খেলো ইন্দিয়া কেম্পেনগী মপান্ননি হায়ন মহাক্না ফোঙদোকখি‍। মসি নহাশিংগী য়াইফনবা লমদা মরুওইবা মীৎয়েঙ থম্বগী মহৈনি হায়না প্রধান মন্ত্রীনা হায়খি‍।

প্রধান মন্ত্রীনা অহুমশুবা খ্বায়দগী চাউবা শেন্মিৎলোন ওইরক্নবগী মঙলানগী ৱাহন্থোকপু মচা খায়না তাকখি‍। মসিনা নহাশিংদা খ্বায়দগী হেন্না কান্নবা পীগনি অমদি হেন্না ফবা হকশেল, মহৈ মশিং, খুদোংচাবশিং, থবক, পুন্সিগী মহিং অমদি পোত্থোক ফংহনগনি হায়না মহাক্না হায়খি‍। পি.এম. মোদীনা থৌরমদুদা শরুক য়াখিবা নহাশিংগী মফমদা চাওখৎপা ভারতকী মঙলান অমদি ফিরেপশিংগা নহাশিংগী মরী শম্নহন্নবা লৈবাক পুম্বদা চত্থরিবা কেম্পেনগী মতাঙদা পাউদমখি‍। মহাক্না নহা খুদিংমকপু মাই-ভারত পোর্তেলদা রেজিস্তর তৌনবা ৱাফম থমখি‍। “পোর্তেল অসি হৌজিক্তি লৈবাকসিগী নহা ওইরিবা ইচানুপা অমদি ইচানুপীশিংগী অচৌবা ইন্সতিত্যুসন অমা ওইরে,” হায়না মহাক্না হায়খি‍।

প্রধান মন্ত্রীনা হকশেল হায়বসিনা পুন্সিগী পান্দমশিং ফংনবা হোৎনবদা মরু ওইবনা নহাশিংগী মফমদা মখোয়গী হকশেলগী মতাঙদা মরুওইবা মীৎয়েঙ থম্নবা ৱাফম থমখি‍। মখোয় মশাগী ওইবা পরম খরা শেম্ননবা অমদি মদু ঙাক্না চৎনবা ৱাফম থম্লদুনা, হকচাঙ শাজেল, দিজিতেল দিতোক্স, পুক্নিং ৱাখল ফনা থম্বা, মরাঙ কায়না তুম্বা অমদি মখোয়গী চীঞ্জাক্তা শ্রী অন্ন হায়বদি চনান য়াওহন্নবা ৱাফমসু থমখি‍। প্রধান মন্ত্রী মোদীনা খুন্নাইদা দ্রগনা পীরিবা চৈথেংগী মতাঙদু পনখি অমদি মসিবু লৈবাক অমদি খুন্নাই অমত্তা ওইনা পুনশিন্দুনা থেংনমিন্নবা মথৌ তাই হায়খি‍। মহাক্না লাইনীংগী লুচিংবশিংবু লৈঙাক অমদি মীয়ামগা লোয়ননা দ্রগকী মায়োক্তা অকনবা কেম্পেন অমদা চঙশিনমিন্ননবা ৱাফমসু থমখি‍। “পুম্নমক্না হোৎনমিন্নবা হায়বসি মতিং লৈবা অমদি মপাঙ্গল কনবা নহাশিংগী মতিক পুরকপদা মরুওই,” হায়রদুনা প্রধান মন্ত্রীনা ঐখোয়গী ইফমদা গুরুশিংনা তাকপিরম্বা পুন্না হোৎনমিন্নবা হায়বসিনা ভারতপু চাওখৎপা লৈবাক অমা ওইহনগনি হায়না প্রধান মন্ত্রীনা হায়খি‍।

ৱুমেন এন্দ চাইল্দ দিভেলপমেন্তকী কেন্দ্র মন্ত্রী, শ্রীমতী স্মৃতী জুবিন ইরানী, এজুকেসনগী কেন্দ্র মন্ত্রী, শ্রী ধরমেন্দ্র প্রধান, ইনফোর্মেসন অমদি ব্রোদকাস্তিংগী কেন্দ্র মন্ত্রী, শ্রী অনুরাগ সিংহ থাকুরসু থৌরমদুদা শরুক য়াখি‍।

বেকগ্রাউন্দ

বীল বাল দিবস থৌরমগা মরী লৈননা, সাহিবজাদাশিংগী ফিদম্নিংঙাই ওইরবা থৌনাগী ৱারীশিং লৈবাক মীয়াম পুম্বদা, মরুওইনা অঙাংশিংদা খঙহন্নবগীদমক লৈঙাক্না লৈবাক শিনবা থুংনা মীয়াম্না শরুক য়াগদবা থৌরমশিং পাঙথোক্লি‍। সাহিবজাদাশিংগী পুন্সি ৱারী অমদি কত্থোকখিবশিংবু মচা খায়না উৎপা দিজিতেল একজিবিসন অমা লৈবাক শিনবা থুংনা স্কুল অমদি চাইল্দকেয়র ইন্সতিত্যুসনশিংদা উৎকনি‍। লৈবাক শিনবা থুংনা ‘বীর বাল দিবস’কী ফিল্মসু উৎকন‍ি‍। ইন্তরেক্তিব কুইজনচিংবা তোঙান তোঙানবা ওনলাইন কম্পিতিসনশিংসু মাইভারত অমদি মাইগোব পোর্তেলশিংগী খুত্থাঙদা পাঙথোক্কনি‍।

শ্রী গুরু গোবিন্দ সিংহ জীগী প্রকাস পুরব নুমিৎ জনুৱারী ৯, ২০২২দা, প্রধান মন্ত্রীনা দিসেম্বর ২৬পু শ্রী গুরু গোবিন্দ সিংহগী মচানুপা সাহিবজাদা বাবা জোরাৱর সিংহ জী অমদি বাবা ফতেহ সিংহ জীনা মথৱায় কৎখিববু নীংশিংবা ওইনা ‘বীর বাল দিবস’ হায়না পাঙথোক্নবা ৱাফম লাউথোকখিবনি‍।

Addressing a programme on Veer Baal Diwas. https://t.co/GHK0Btr4WL

— Narendra Modi (@narendramodi) December 26, 2023

वीर बाल दिवस भारतीयता की रक्षा के लिए, कुछ भी कर गुजरने के संकल्प का प्रतीक है: PM @narendramodi pic.twitter.com/dk0Fnyu4sw

— PMO India (@PMOIndia) December 26, 2023

माता गुजरी, गुरु गोबिंद सिंह और उनके चारों साहिबजादों की वीरता और आदर्श, आज भी हर भारतीय को ताकत देते हैं: PM @narendramodi pic.twitter.com/QR5oVFlRy5

— PMO India (@PMOIndia) December 26, 2023

हम भारतीयों ने स्वाभिमान के साथ अत्याचारियों का सामना किया: PM @narendramodi pic.twitter.com/KZnuhHy64F

— PMO India (@PMOIndia) December 26, 2023

आज जब हम अपनी विरासत पर गौरव कर रहे हैं, तब दुनिया का नज़रिया भी बदला है: PM @narendramodi pic.twitter.com/MgaWsJW2B0

— PMO India (@PMOIndia) December 26, 2023

आज के भारत को अपने लोगों पर, अपने सामर्थ्य पर, अपनी प्रेरणाओं पर भरोसा है: PM @narendramodi pic.twitter.com/35BXZ2WOY7

— PMO India (@PMOIndia) December 26, 2023

आज पूरी दुनिया भारतभूमि को अवसरों की भूमि मान रही है: PM @narendramodi pic.twitter.com/YLunplAJm8

— PMO India (@PMOIndia) December 26, 2023

आने वाले 25 साल भारत के सामर्थ्य की पराकाष्ठा का प्रचंड प्रदर्शन करेंगे।

और इसके लिए हमें पंच प्राणों पर चलना होगा, अपने राष्ट्रीय चरित्र को और सशक्त करना होगा।

हमें एक पल भी गंवाना नहीं है, हमें एक पल भी ठहरना नहीं है। pic.twitter.com/JQZZw9SoJh

— PMO India (@PMOIndia) December 26, 2023

आने वाले 25 साल हमारी युवा शक्ति के लिए बहुत बड़ा अवसर लेकर आ रहे हैं। pic.twitter.com/BqprkFA2xo

— PMO India (@PMOIndia) December 26, 2023

साल 2047 का विकसित भारत कैसा होगा, उस बड़े कैनवस पर बड़ी तस्वीर हमारे युवाओं को ही बनानी है।

सरकार, एक दोस्त के रूप में आपके साथ मज़बूती से खड़ी हुई है: PM @narendramodi pic.twitter.com/vDMaoPXW3i

— PMO India (@PMOIndia) December 26, 2023

***