হকশেল অমসুং য়াইফ য়ুম্বালগী কেন্দ্র মন্ত্রী, দা. মনসুখ মন্দাবিয়ানা ঙসি ভারততা কোবিদ-19গী ওইরিবা ফীভম য়েংশিন্নবা অমসুং রাজ্য খরদা কোবিদ-19গী কেসশিং হন্দক হেনগৎলক্লিবা অসি য়েংলগা কোবিদ-19গী সর্ভিলেন্স, কন্তেনমেন্ত অমসুং মেনেজমেন্তগীদমক পব্লিক হেল্থ সিস্তেম শেম-শাদুনা লৈনবা অৱাংবা থাক্কী য়েংশিন মীফম অমগী ময়াই তাংবল লৌখ্রে। মহাক্কা লোয়ননা হকশেল অমসুং য়াইফ য়ুম্বালগী কেন্দ্রগী রাজ্য মন্ত্রীশিং, প্রোফেসর এস পি সিংহ বাঘেল অমসুং দা. ভারতি প্রবিন পাৱর, NITI আয়োগকী মেম্বর (হেল্থ), দা. ভি কে পোলসু শরুক য়াখি।

মীফম অদুদা শরুক য়াখিবা রাজ্যগী মন্ত্রীশিং অদুদা মুখ্য মন্ত্রী অমসুং হকশেল মন্ত্রী শ্রী অলো লিবাং (অরুনাচল প্রদেশ); উপ মুখ্য মন্ত্রী অমসুং হকশেল মন্ত্রী শ্রী ব্রজেশ পথক (উত্তর প্রদেশ); হকশেল মন্ত্রী শ্রী ধন সিংহ রাৱত (উত্তরাখন্দ)না হকথেংননা শরুক য়াখি; হকশেল মন্ত্রী শ্রী দিনেস গুন্দু রাও (কর্নাতকা); হকশেল মন্ত্রী শ্রী অনিল ভিজ (হরিয়ানা); হকশেল মন্ত্রী শ্রীমতি বীনা জোর্জ (কেরালা), হকশেল মন্ত্রী শ্রী বিশ্বাজিৎ প্রতাপ সিংহ রানে (গোৱা); হকশেল মন্ত্রী শ্রী কেশব মহন্তা (অসাম); হকশেল মন্ত্রী শ্রী বন্না গুপ্তা (ঝারখন্দ); হকশেল মন্ত্রী দা. বালবির সিংহ (পঞ্জাব); হকশেল মন্ত্রী শ্রী সৌরব ভারদ্বাজ (দিল্লী); হকশেল মন্ত্রী দা. (কর্নেল) ধানি রাম শান্দিল (হিমাচল প্রদেশ); হকশেল মন্ত্রী প্রোফেসর দা তানজিরাও সাৱন্ত (মহারাস্ত্র); হকশেল মন্ত্রী শ্রী দমোদ রাজানরসিমহা (তেলঙ্গানা); হকশেল মন্ত্রী দা. সাপম রঞ্জন (মনিপুর); হকশেল মন্ত্রী শ্রী নিরনজন পুজারি (ওরিশা); এদমিনিস্ত্রেতর শ্রী রঙ্গাস্বামী (পুদুচেরী)সু শরুক য়াখি।

চিনা, ব্রাজিল, জর্মনী অমসুং য়ুনাইতেদ স্তেৎসগুম্বা মালেমগী লৈবাক খরদা কোবিদ-19 কেসশিংগী মশিং হেনগৎলকপনা থোকহল্লিবা শীংনবশিং অসিগী মতাংদা কেন্দ্রগী হকশেল মন্ত্রীনা মরু ওইনা লাক্কদৌরিবা হরাও কুহ্মৈগী পন্থা অসি য়েংগা কোবিদ-19গী অনৌবা অমসুং থোরক্লিবা স্ত্রেনশিংদগী শেম শাদুনা লৈবা অমসুং চেকশিন্না লৈবা মরু ওই থমখি। কোবিদ অসি লোইদ্রি হায়না নৌনা ফোঙদোক্তুনা মহাক্না রাজ্যশিংদা মতিক চাবা পব্লিক হেল্থ রেস্পোন্স থৌরাং তৌনবা রাজ্যশিংনা কোবিদ-19 কেসশিং, লাইওংশিং অমসুং কেস সিভিয়রিতীগী থোরক্লিবা ইভিদেন্সশিং য়েংশিনগদবনি হায়খি।

দা, মন্দাবিয়ানা কেন্দ্র অমসুং রাজ্যশিংগী মরক্তা “হোল ওফ গভর্নমেন্ত” এপ্রোচকা লোয়ননা ওইরক্লিবা ফীভম অসি লাকশিন্নবা পুন্না খোঙথাংশিং লৌখৎপা মথৌ তাই হায়না ফোঙদোকখি। মহাক্না লৈবাক অসিদা শন্দোরক্লিবা অনৌবা ভেরিয়েন্তশিং মতম চানা খঙদোক্নবা ইন্দিয়া SARS-CoV-2 জেনোমিক্স কনসোর্তিয়ম (INSACOG) নেৎৱার্ক্কী খুত্থাংদা ভেরিয়েন্তশিং ত্রেক তৌনবা পোজিতিব কেস সেম্পলশিংগী হোল জিনোম সিক্বেন্সীং তৌনবগীদমক সর্ভিলেন্স সিস্তেম মপাঙ্গল কনখৎহন্নবা য়াথং পীখি। মসিনা মতম চানা মতিক চাবা পব্লিক হেল্থ মিজরশিং পাইখৎপদা মতেং পাংগনি হায়না মহাক্না ফোঙদোকখি। রাজ্যশিং/UTশিংদা কোবিদ-19 পোজিতিব কেসশিং অমসুং ন্যুমোনিয়া গুম্বা লাইনাশিংগী তেস্ত তৌবা হেনগৎহন্নবা অমসুং সিক্বেন্সীগীদমক, অনৌবা ভেরিয়েন্তশিং ত্রেক তৌনবা নুমিৎ খুদিংগী INSACOG জিনোম সিক্বেন্সী লেবোরেতোরীশিং (IGSLs)দা সেম্পলশিং মশিং য়াম্না রিফর তৌনবা হায়খি।

কেন্দ্রগী হকশেল মন্ত্রীনা রাজ্যশিংদা চেকশিন্না লৈনবা, সর্ভিলেন্স হেনগৎহন্নবা অমসুং হীদাক-লাংথকশিং, ওক্সিজেন সিলিন্দরশিং অমসুং কনসেন্ত্রেতরশিং, ভেন্তিলেতরশিং অমসুং ভেক্সিনশিংগী স্তোক মরাং কাইনা থম্নবা হায়খি। মহাক্না ওফিসিএলশিংদা PSA প্লান্তশিং, ওক্সিজেন কনসেন্ত্রেতরশিং অমসুং সিলিন্দরশিং, ভেন্তিলেতরশিং অসিনচিংবগী ফঙ্কস্নেলিতী এসেস তৌনবা কেন্দ্র অমসুং রাজ্যগী থাক অনিমক্তা থা অহুম খুদিংগী মোক দ্রিলশিং তৌনবা হায়খি অমসুং খ্বাইদগী ফবা প্রেক্তিসশিং শিয়র তৌনবা পুক্নিং থৌগৎখি। মহাক্না রাজ্যশিংদা রেস্পিরেতরী হাইজীনগী মরমদা এৱের্নেস পীনবা অমসুং অচুম্বা মরিক চুম্বা ই-পাউ শন্দোক্নবা অমসুং ইনফোদেমিক মেনেজ তৌনবা অরানবা পাউশিং লাকশিন্নবা অমসুং পাখৎপা হন্থহন্নবসু হায়খি। কেন্দ্রগী হকশেল মন্ত্রীনা রাজ্যশিং/UTশিংদা কেসশিং, তেস্তশিং, পোজিতিবিতীনচিংবগী মতাংদা মতম চানা মোনিতর তৌনবা অমসুং পব্লিক হেল্থ মিকরশিং পাইখৎনবা কোবিদ পোর্তেলদা রিএল তাইমদা ই-পাউ শিয়র তৌনবা হায়খি। মহাক্না রাজ্য পুম্নমক্তা কেন্দ্রদগী তেংবাং পীগনি হায়না থাজবা পীখি।

প্রজেন্তেসন অমগী খুত্থাংদা শ্রী সুধান্স পেন্ত, কেন্দ্রগী হকশেল মন্ত্রালয়গী সেক্রেতরীনা কেন্দ্রগী হকশেল মন্ত্রীদা মালেমগী কোবিদ-19গী ওইরিবা ফীভম অমসুং লমদম অসিগী ফীভমগী মতাংদা পাউদমখি। ভারত্তা এক্তিব কেসশিংগী মশিং অসি মালেমগা য়েংনবদা য়াম্না নেম্মি, হৌখিবা চয়োল অনি অসিদা এক্তিব কেসশিং অসি দিসেম্বর 6, 2023দা 115 ওইরম্বদগী ঙসি 614দা হেনগৎলকখি হায়না পাউদমখি। কেসশিংগী 92.8% অসি হোম আইসোলেসন্দা লৈরি, মসিনা মাইল ওই তাক্লি। কোবিদ-19না মরম ওইদুনা হোস্পিতেলাইজেসন তৌবগী মশিং হেনগৎলকপা উবা ফংদে, হোস্পিতেলাইজ তৌরকখিবা কেসশিং অসি অতৈ মেদিকেল কন্দিসনশিংনা মরম ওইরগনি – কোবিদ-19 অসি ইন্সিদেন্তেল ফাইন্দিং অমনি। কেরালা, মহারাস্ত্র, ঝারখন্দ অমসুং কর্নাতকাগুম্বা রাজ্য খরদা নোংমগী পোজিতিবিতী রেত হেনগৎলকপা উবা ফংখি।

SARS-CoV-2গী অনৌবা JN.1 ভেরিয়েন্তগী মতাংদা ভেরিয়েন্ত অসি হৌজিক্কী ওইনা কন্না সাইন্তিফিক স্ক্রুতিনী তৌরি অদুনি খুদক্কী ওইনা অকনবা মীৎয়েং চংবগী মথৌ তাদে হায়খি। JN.1 না মরম ওইরগা ভারত্তা কেসশিংগী ক্লস্তরিং তৌবা থেংনরে অমসুং কেস পুম্নমক মাইল্দ ওই অমসুং মখোয় পুম্নমক কমপ্লিকেসন লৈতনা রিকবর তৌখি।

দা. ভি কে পোলনা নৌহোনা কোবিদ কেসশিং হেনগৎলক্লিবা অমসুং অনৌবা ভেরিয়েন্ত অমা থোরক্লিবা অসিনা থোকহল্লিবা শীংনবা লাকশিন্নবা হোল-ওফ-গভর্নমেন্ত এপ্রোচ অমগী মথৌ তাই হায়না ফোঙদোকখি। মহাক্না হায়খি মদুদি ভারত্তা সাইন্তিফিক কম্ম্যুনিতীনা অনৌবা ভেরিয়েন্ত অসি কুপ্না য়েংশিল্লি অদুবু তেস্ত তৌবা হেনগৎহন্নবা অমসুং মখোয়গী সর্ভিলেন্স সিস্তেম মপাঙ্গল কনহনবা মথৌ তাই হায়না রাজ্যশিংদা হায়খি।

দিপার্তমেন্ত ওফ হেল্থ রিসর্চকী সেক্রেতরী, অমসুং DG, ICMR দা. রাজিব বাহলবা হায়খি হৌজিক ICMRনা অনৌবা JN.1 ভেরিয়েন্তগী জিনোম সিক্বেন্সী তৌনবা হোৎনরি। মহাক্না রাজ্যশিংদা কোবিদ-19গী ফীভম য়েংশিন্নবা অমসুং RT-PCR তেস্তশিং তৌবা হেনগৎহন্নবা হায়খি অদুবু মসি পাখৎনীংঙাইদে ওইদে হায়খি।

রাজ্যগী হকশেল মন্ত্রীশিংনা কেন্দ্রদগী ফংলিবা সপ্পোর্ত অমসুং গাইদেন্স অসিবু থাগৎখি। মখোয়না রাজ্য খরদা কেসশিং হেনগৎলক্লিবা অসি য়েংলগা তেস্ত তৌবা অমসুং সর্ভিলেন্সকী খোঙথাংশিং হেনগৎহনগনি থাজবা পীখি।

মীফম অদুদা কেন্দ্রগী হকশেল মন্ত্রালয়গী এদিস্নেল সেক্রেতরী, শ্রীমতি এল. এস. চাংসন; হকশেল মন্ত্রালয়, ICMR, অমসুং NCDCগী মকোক থোংবা ওফিসিএলশিংনা শরুক য়াখি।

****