उपराष्ट्रपती कार्यालय
संसदेच्या पवित्र संकुलात काही खासदारांनी केलेल्या अपमानजनक नाट्याबाबत पंतप्रधानांनी उपराष्ट्र्पतींना दूरध्वनी करून खेद व्यक्त केला
''अशा प्रकारच्या अपमानांना आपण गेली वीस वर्षे सामोरे जात आहोत''- पंतप्रधानांनी उपराष्ट्रपतींना सांगितले
उपराष्ट्र्पतींसारख्या घटनात्मक पदावरील व्यक्तीबाबत असे वर्तन घडणे दुर्दैवी - पंतप्रधान
''काही व्यक्तींचे कृत्य आपल्याला आपले कर्तव्य बजावण्यापासून रोखणार नाही''- उपराष्ट्रपती
प्रविष्टि तिथि:
20 DEC 2023 10:40AM by PIB Mumbai
संसदेच्या पवित्र संकुलात काल काही खासदारांनी केलेल्या अपमानजनक नाट्याबाबत पंतप्रधान नरेंद्र मोदी यांनी उपराष्ट्रपती जगदीप धनखड यांना दूरध्वनी करून खेद व्यक्त केला.
आपण स्वत: वीस वर्षांहून अधिक काळ अशा अपमानांना सामोरे जात असल्याचे पंतप्रधानांनी उपराष्ट्रपतींशी दूरध्वनीवरून बोलताना सांगितले. "मात्र उपराष्ट्रपतींसारख्या घटनात्मक पदावरील व्यक्तीसोबत असे वर्तन घडणे आणि तेही संसद परिसरात घडणे, दुर्दैवी आहे, " असे पंतप्रधान म्हणाले.
''काही व्यक्तींनी केलेली चेष्टा आपल्याला आपले कर्तव्य बजावण्यापासून आणि आपल्या राज्यघटनेत अंतर्भूत तत्त्वांचा सन्मान जपण्यापासून रोखू शकणार नाहीत,'' असे उपराष्ट्रपतींनी पंतप्रधानांना सांगितले.
घटनात्मक मूल्यांप्रती वचनबद्धतेचा उपराष्ट्रपतींनी पुनरुच्चार केला. ''कुठलाच अपमान आपल्याला आपल्या मार्गावरून विचलित करू शकणार नाही.'' असे उपराष्ट्रपतींनी म्हटले आहे.
***
SonalT/SonaliK/DY
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 1988533)
आगंतुक पटल : 141