గౌరవ ప్రధాన మంత్రి శ్రీ నరేంద్ర మోదీ అధ్యక్షతన జరిగిన కేంద్ర మంత్రివర్గం ఆవిష్కరణ హ్యాండ్‌షేక్ ద్వారా ఆవిష్కరణ పర్యావరణ వ్యవస్థలను మెరుగుపరచడానికి యునైటెడ్ స్టేట్స్ ఆఫ్ అమెరికా మరియు రిపబ్లిక్ ఆఫ్ ఇండియా మధ్య అవగాహన ఒప్పందానికి (ఎంఓయూ) ఆమోదం తెలిపింది.

మార్చి 8-10 తేదీల మధ్య  యూఎస్‌ వాణిజ్య కార్యదర్శి గినా రైమోండో పర్యటన సందర్భంగా   భారత్-యు.ఎస్ మధ్య 5వ వాణిజ్య సంభాషణ మార్చి 10, 2023న జరిగింది. ఈ సమావేశంలో కమర్షియల్ డైలాగ్ సరఫరా గొలుసు స్థితిస్థాపకత, వాతావరణం మరియు క్లీన్ టెక్నాలజీ సహకారం, సమగ్ర డిజిటల్ ఆర్థిక వ్యవస్థను అభివృద్ధి చేయడం మరియు ఎస్‌ఎంఈలు మరియు స్టార్ట్-అప్‌ల కోసం పోస్ట్-పాండమిక్ ఆర్థిక పునరుద్ధరణను సులభతరం చేయడంపై వ్యూహాత్మక దృష్టితో నిర్వహించబడింది. ఇది కమర్షియల్ డైలాగ్ కింద టాలెంట్, ఇన్నోవేషన్ మరియు ఇన్‌క్లూజివ్ గ్రోత్ (టిఐఐజీ)పై కొత్త వర్కింగ్ గ్రూప్‌ను ప్రారంభించింది. ఈ వర్కింగ్ గ్రూప్ ఐసీఈటీ లక్ష్యాల కోసం పని చేస్తున్న స్టార్ట్-అప్‌ల ప్రయత్నాలకు ప్రత్యేకించి సహకారానికి నిర్దిష్ట నియంత్రణ అడ్డంకులను గుర్తించడంలో మరియు ఉమ్మడి కార్యకలాపాల కోసం నిర్దిష్ట ఆలోచనల ద్వారా స్టార్ట్-అప్‌లపై దృష్టి సారిస్తుంది. తద్వారా మన ఆవిష్కరణ పర్యావరణ వ్యవస్థల మధ్య ఎక్కువ కనెక్టివిటీని పెంపొందించడంలో కూడా మద్దతు ఇస్తుందని గుర్తించబడింది.

జూన్ 2023లో ప్రెసిడెంట్ బిడెన్ మరియు ప్రధాని మోదీ విడుదల చేసిన సంయుక్త ప్రకటన రెండు వైపుల డైనమిక్ స్టార్టప్ పర్యావరణ వ్యవస్థలను అనుసంధానించే సహకారానికి నిర్దిష్ట నియంత్రణ అడ్డంకులను పరిష్కరించే మరియు ఆవిష్కరణ మరియు ఉద్యోగ వృద్ధిని ప్రోత్సహించే “ఇన్నోవేషన్ హ్యాండ్‌షేక్” ఏర్పాటుకు కేంద్రీకృత ప్రయత్నాలను స్వాగతించింది. క్లిష్టమైన మరియు అభివృద్ధి చెందుతున్న సాంకేతికతలలో (సీఈటీ) ఇన్నోవేషన్ హ్యాండ్‌షేక్ కింద సహకారాన్ని లాంఛనప్రాయంగా చేయడానికి మరియు మార్గదర్శకాన్ని అమలు చేయడానికి  14 నవంబర్ 2023న యూఎస్‌ఏలోని శాన్ ఫ్రాన్సిస్కోలో ఇన్నోవేషన్ హ్యాండ్‌షేక్‌పై భారత్ మరియు యూఎస్‌ మధ్య జీ2జీ అవగాహన ఒప్పందం కుదిరింది.

ఈ సహకారం పరిధిలో భారత్- యూఎస్‌ ఇన్నోవేషన్ హ్యాండ్‌షేక్ ఈవెంట్‌లు, హ్యాకథాన్ మరియు “ఓపెన్ ఇన్నోవేషన్” ప్రోగ్రామ్‌లతో సహా ప్రైవేట్ సెక్టార్‌తో రౌండ్ టేబుల్‌లు, సమాచార భాగస్వామ్యం మరియు ఇతర కార్యకలాపాలు ఉంటాయి. 2024 ప్రారంభంలో భారతదేశం మరియు యునైటెడ్ స్టేట్స్‌లో జరగనున్న రెండు భవిష్యత్ ఇన్నోవేషన్ హ్యాండ్‌షేక్ ఈవెంట్‌లకు ఎంఓయు పునాది వేసింది. ఇందులో యుఎస్ మరియు భారతీయ స్టార్టప్ కంపెనీలు తమ వినూత్న ఆలోచనలు మరియు ఉత్పత్తులను మార్కెట్‌కి తీసుకెళ్లడంలో సహాయపడే లక్ష్యంతో పెట్టుబడి ఫోరమ్ మరియు “హ్యాకథాన్” ఉన్నాయి "సిలికాన్ వ్యాలీలో యూ.ఎస్ మరియు భారతీయ స్టార్టప్‌లు ప్రపంచ ఆర్థిక సవాళ్లను ఎదుర్కోవటానికి సహాయపడే ఆలోచనలు మరియు సాంకేతికతలను పిచ్ చేస్తాయి.

ఈ ఎమ్ఒయు హైటెక్ రంగంలో వాణిజ్య అవకాశాలను గణనీయంగా బలోపేతం చేయడానికి దోహదం చేస్తుంది.
 

***