ইন্নোবেসনগী খুৎশম্নবা অমগী খুৎথাংদা ইন্নোবেসন ইকোসিস্তেম ফগৎহন্নবা য়ুনাইতেদ স্তেৎস ওফ অমেরিকা অমসুং ভারতকী মরক্তা মেমোরেন্দম ওফ অন্দরস্তেন্দিং (এম.ও.য়ু) লৈনবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

মার্চ ৮-১০ ফাওবগী মনুংদা পাংথোকখিবা য়ু.এস সেক্রেতরি ওফ কম্মর্স গিনা রাইমোন্দোগী খোঙচৎ মনুংদা মার্চ ১০,২০২৩ দা ৫শুবা ইন্দিয়া-য়ু.এস কম্মর্সিএল দাইলোগ পাংথোকখি। মীফম অদুদা, সপ্লাই চেন অৱাবা খাংনবা, ক্লাইমেত অমসুং ক্লিন তেক্নোলোজিগী মতেং পাংননবা, দিজিতেল ইকোনোমি চাউখৎনবা অমসুং লাইচৎ মতুংদা এস.এম.ইশিং অমসুং স্তার্দ-অপশিং শেন-থুমগী ফিবম অমুক ফগৎলক্নবা মীৎয়েং থমদুনা কম্মর্সিএল দাইলোগ অমুক হন্না হৌদোকখি। মসিদা কম্মর্সিএল দাইলোগকী মখাদা তেলেন্ত, ইন্নোবেসন অমসুং ইনক্লুসিপ গ্রোথকী অনৌবা ৱার্কিং গ্রুপ অমা হৌদোকখি। মসিগী ৱার্কিং গ্রুপ অসিনা আই.সি.ই.তিগী পান্দমশিং ফংনবা মাইকৈদা স্তার্দ-অপশিংগী থবকশিং শৌগৎকনি অমসুং ঐখোয়গী ইন্নোবেসন ইকোসিস্তেমশিংগী  মরক্তা মতেং পাংনবদা থেংনরিবা  খুদোংচাদবশিং মশক খঙদোক্কনি।

জুন ২০২৩দা রাস্ত্রপতি বাইদেন অমসুং প্রধান মন্ত্রী মোদীনা থোকখিবা অপুনবা ৱারোল অদুনা “ইন্নোবেসন হেন্দসেক” অমা লিংখৎনবা থবকশিং তরাম্না ওকখি অমসুং মসিনা নাকল অনিগী স্তার্দ-অপ ইকোসিস্তেমশিং শম্নহনগনি অমসুং মরুওইবা অমসুং অনৌবা তেক্নোলোজিশিংদা মতেং পাংনবা, ইন্নোবেসন য়োকখৎপা অমসুং থবক ফংহনবদা থেংনরিবা খুদোংচাদবশিং কোকহনবা ঙমগনি। ইন্নোবেসন হেন্দসেক্কী মখাদা মতেং পাংনবা থবক ওইনা পাংথোক্নবা য়ু.এস.এগী সান ফ্রান্সিসকোদা নবেম্বর ১৪,২০২৩দা ভারত অমসুং য়ু.এসকী মরক্তা G2G এম.ও.য়ু অমা খুৎয়েক পীনখ্রে।

মতেং পাংনবগী থবকশিংগী মনুংদা ইন্দিয়া-য়ু.এস ইন্নোবেসন হেন্দসেক থৌরম পরেং অমা পাংথোকপা, প্রাইভেদ সেক্তরগা লোয়ননা রাউন্দ তেবলশিং পাংথোকপা, হেক্কাথোন অমসুং ওপন ইন্নোবেসন য়াওনা থৌরমশিং পাংথোকপা য়াওরি। ২০২৪গী অঙনবা শরুক্তা ভারত অমসুং য়ু.এসগী মরক্তা ইন্নোবেসন হেন্দসেক থৌরমশিং পাংথোক্নবা এম.ও.য়ুনা থৌরাং তৌরে।

অৱাংবা থাক্কী তেক্নোলোজি সেক্তরদা ললোন-ইতিক্কী থবকশিং মপাঙ্গল কনখৎহনবদা এম.ও.য়ু অসিনা চাউনা মতেং পাংগনি।

****