মন্ত্রীমন্দল

দিজিতাইজেসন অমসুং ইলেক্ত্রোনিক মেনুফেকচরিংগী লমদা মতেং পাংন্নবা ভারত অমসুং সাউদি অরাবিয়াগী মরক্তা মেমোরেন্দম ওফ কোওপরেসন খুৎয়েক পীনবা মন্ত্রীমন্দলনা অয়াবা পীরে

Posted On: 15 DEC 2023 7:36PM by PIB Imphal

দিজিতাইজেসন অমসুং ইলেক্ত্রোনিক মেনুফেকচরিংগী লমদা মতেং পাংন্নবা ভারতকী ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রি অমসুং সাউদি অরাবিয়াগী কম্মুনিকেসন অমসুং ইনফোর্মেসন তেক্নোলোজি মিনিস্ত্রি অনিগী মরক্তা ওগস্ত ১৮, ২০২৩ দা খুৎয়েক পীনখিবা মেমোরেন্দম ওফ কোওপরেসন( এম ও সি) অমা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

মেমোরেন্দম ওফ কোওপরেসন অদুনা দিজিতাইজেসন, ইলেক্ত্রোনিক মেনুফেকচরিং, ই-গভর্নান্স, স্মার্দ ইনফ্রাস্ত্রকচর, ই-হেল্থ অমসুং ই-ইজুকেসন, দিজিতেল ইন্নোবেসন অমসুং আর্তফিসিএল ইন্তিলিজেন্স, ইন্তরনেত ওফ থিংস, রোবোত, ক্লাউদ কম্পুতিং অমসুং ব্লোকচেনগুম্বা অনৌবা তেক্নোলোজিশিং শীজিন্নবগী লমদা মতেং পীনবা হেনগৎহন্নবা পান্দম থম্লি। দিজিতাইজেসন অমসুং ইলেক্ত্রোনিক মেনুফেকচরিংগী লমদা মতেং পাংনবা অমসুং ভারত অমসুং সাউদি অরাবিয়াগী মরক্তা মরুপ-মপাংগী মরী শেমগৎনবা মেমোরেন্দম ওফ কোওপরেসন অসিনা ফ্রেমৱার্ক অমা শেমগনি।

দিজিতাইজেসন অমসুং ইলেক্ত্রোনিক্স মেনুফেকচরিংদা ই-তিচিং, ই-লার্নিং অমসুং একচেঞ্জ প্রোগ্রামশিংগী খুৎথাংদা অনৌবা ত্রেনিং  অমসুং চাউৎপা পুরক্নবা এম.ও.সি অসিনা পান্দম থম্লি অমসুং কেপাসিতি বিল্দিংগী অপুনবা ত্রেনিং প্রোগ্রামশিং পাংথোক্কনি অমসুং ইনফোর্মেসন অমসুং কম্মুনিকেসন তেক্নোলোজিশিংগী লমদা হৈথোই-শিংথোইরবা মীওইশিংদগী তমগনি অমসুং বিজিনেস এসেলেতরশিং, ভেঞ্চর কেপিতেল অমসুং তেক্নোলোজি স্তার্দ-অপশিংগী তেক্নোলোজি ইনকুবেতরশিংগী ই-পাউ শরুক য়ামিন্নদুনা এস.এম.এস অমসুং স্তার্দ-অপ ইকোসিস্তেম মপাঙ্গল কনখৎহনগনি অমসুং মসিনা নাকল অনিমক্তা নাকোইননা থবক ফংনবগী খুদোংচাবশিং পীগনি।

এম.ও.সি অসিগী মখাদা মতেং পীনবগী থবকশিং অসিনা অত্মানির্ভর ভারতকী পান্দমশিং ফংনবা দিজিতাইজেসন অমসুং ইলেক্ত্রোনিক মেনুফেকচরিংগী লমদা মতেং পাংনবা পুক্নিং থৌগৎকনি।

*****



(Release ID: 1987007) Visitor Counter : 29