প্রধানমন্ত্রীগী লোইশঙ
ভারতনা সি.ও.পি.-২৮দা য়ু.এ.ই.গা লোইনা গ্লোবল ক্রেদিত ইনিসিয়েতিবকী কো-হোস্ত তৌবা
Posted On:
01 DEC 2023 8:28PM by PIB Imphal
প্রধান মন্ত্রী, নরেন্দ্র মোদীনা য়ু.এ.ই.গী রাস্তর্পতি, শৈখ মোহাম্মদ বি জায়েদ অল নাহয়ানগা লোইননা কো-হোস্ত ওইদুনা দুবাইদা ২০২৩গী দিসেম্বর ১দা, সি.ও.পি.-২৮তা ‘গ্রীন ক্রেদিতস প্রোগ্রাম’গী মতাংদা অৱাংবা থাক্কী থৌরম অমা শিনখ্রে। থৌরম অদুদা স্বিদেনগী প্রধান মন্ত্রী, হিস এক্সেলেন্সী, শ্রী উল্ফ ক্রিস্তর্সন, মোজাম্বিককী রাস্ত্রপতি, ইস এক্সেলেন্সী, শ্রী ফিলিপ ন্যুসি অমসুং য়ুরোপিয়ন কাউন্সিলগী প্রেসিদেন্ত, হিস এক্সেলেন্সী, শ্রী চার্লস মিচেলনা শরুক য়াখি।
প্রধান মন্ত্রীনা মসিগী অনৌবা থৌরাং অসিদা লৈবাক পুম্নমকপু শরুক য়ারনবা হায়রদুনা চেবাউ পীখি।
গ্রীন ক্রেদিত ইনিসিয়েতিব অসি মহৌশাগী ওইবা অইং-অশাদা অহোংবা লাকপনা মরম ওইরগা থেংনরিবা শিংনবশিং অসিগী খ্বাইদগী হেন্নাফবা পাউখুম অমা ওইনা ভোলন্তরী প্রো-প্লানেত এক্সনশিং অদুবু ইন্সেন্তিভাইজ তৌনবা মেকানিজম অমা ওইনা কন্সেপচুৱেলাইজ তৌরকখিবনি। মসিনা মহৌশাগী ওইবা ইকো-সীস্তেমশিং অসিবু অমুক হন্না নৌহৌননা শেমগত্তুনা অমসুং হিংগৎহন্নবা লৈহাও য়াওদ্রবা/ফত্ত্রবা লমশিং অমসুং তুরেল খোংবান মনাক্তা লৈবা ঈশিং তুংবা মফমশিংদা উ-পাম্বি থানবগীদমক্তা গ্রীন ক্রেদিতশিংগী ৱাফমশিং অদুগী মতাংদা ৱাফম হৌদোকখি।
থৌরম অদুদা এনভাইরনমেন্ত-ফ্রেনলী ওইবা থবক-থৌরমশিংবু ইন্সেন্তিভাইজ তৌবা পোলিসীশিং অমসুং খ্বাইদগী হেন্না ফবা প্রক্তিসশিং অদুগী রিপোজিতরী অমা ওইনা মথৌ তৌগদবা ৱেব প্লেতফোর্ম অমসু লোঞ্চ তৌখি (https://ggci-world.in/)।
গ্লোবল ইনিসিয়েতিব অসিনা গ্রীন ক্রেদিতসগুম্বা প্রোগ্রামশিং/মেকানিজমশিংগী খুত্থাংদা নোলেজ, এক্সপরিয়েন্স অমসুং এনভাইরনমেন্ত পোজিতিব ওইবা থবক-থৌরমশিংগী মতাংদা প্লানিং, ইমপ্লিমেন্তেশন অমসুং মোনিতরিংগী মতাংদা খ্বাইদগী হেন্না ফবা প্রক্তিসশিং এক্সচেঞ্জ তৌনদুনা গ্লোবল কোলাবোরেশন, কোওপরেশন অমসুং পার্তনর্শিপপু হেন্না ফগৎহন্নবা পান্দম থম্লি।
*******
(Release ID: 1982064)
Visitor Counter : 63
Read this release in:
Kannada
,
Gujarati
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil
,
Telugu
,
Malayalam