ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
କପ୍ -୨୮ରେ ୟୁଏଇ ସହ ମିଶି ଗ୍ଲୋବାଲ ଗ୍ରୀନ୍ କ୍ରେଡିଟ୍ ଇନିସିଏଟିଭ୍ ଆୟୋଜନ କଲା ଭାରତ
Posted On:
01 DEC 2023 8:28PM by PIB Bhubaneshwar
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୟୁଏଇର ରାଷ୍ଟ୍ରପତି ଶେଖ୍ ମହମ୍ମଦ ବିନ୍ ଜାୟେଦ୍ ଅଲ୍ ନାହ୍ୟାନଙ୍କ ସହ ମିଶି ୧ ଡିସେମ୍ବର ୨୦୨୩ରେ ଦୁବାଇ ଠାରେ କପ୍-୨୮ରେ 'ଗ୍ରୀନ୍ କ୍ରେଡିଟ୍ ପ୍ରୋଗ୍ରାମ୍' ଶୀର୍ଷକ ଉଚ୍ଚସ୍ତରୀୟ କାର୍ଯ୍ୟକ୍ରମର ସହ-ଆୟୋଜନ କରିଛନ୍ତି। ଏହି କାର୍ଯ୍ୟକ୍ରମରେ ସ୍ୱିଡେନର ପ୍ରଧାନମନ୍ତ୍ରୀ ମହାମହିମ ଶ୍ରୀ ଉଲ୍ଫ କ୍ରିଷ୍ଟିରସନ, ମୋଜାମ୍ବିକର ରାଷ୍ଟ୍ରପତି ମହାମହିମ ଶ୍ରୀ ଫିଲିପ ନ୍ୟୁସି ଏବଂ ୟୁରୋପୀୟ ପରିଷଦର ଅଧ୍ୟକ୍ଷ ମହାମହିମ ଶ୍ରୀ ଚାର୍ଲସ ମିସେଲ ଅଂଶଗ୍ରହଣ କରିଥିଲେ ।
ଏହି ଅଭିଯାନରେ ସାମିଲ ହେବା ପାଇଁ ପ୍ରଧାନମନ୍ତ୍ରୀ ସବୁ ଦେଶକୁ ଆମନ୍ତ୍ରଣ କରିଥିଲେ।
ଜଳବାୟୁ ପରିବର୍ତ୍ତନ ଆହ୍ୱାନର ଏକ ପ୍ରଭାବଶାଳୀ ଜବାବୀ କାର୍ଯ୍ୟାନୁଷ୍ଠାନ ଭାବରେ ସ୍ୱେଚ୍ଛାକୃତ ପୃଥିବୀ-ଅନୁକୂଳ କାର୍ଯ୍ୟକୁ ପ୍ରୋତ୍ସାହିତ କରିବା ପାଇଁ ଗ୍ରୀନ୍ କ୍ରେଡିଟ୍ ଇନିସିଏଟିଭକୁ ଏକ ବ୍ୟବସ୍ଥା ଭାବରେ ପରିକଳ୍ପନା କରାଯାଇଛି । ପ୍ରାକୃତିକ ପରିବେଶ ବ୍ୟବସ୍ଥାର ପୁନରୁଦ୍ଧାର ଏବଂ ପୁନରୁଦ୍ଧାର ପାଇଁ ବର୍ଜ୍ୟବସ୍ତୁ/ଅବକ୍ଷୟ ଜମି ଏବଂ ନଦୀ ଜଳଭଣ୍ଡାର ଅଞ୍ଚଳରେ ବୃକ୍ଷରୋପଣ ପାଇଁ ଗ୍ରୀନ୍ କ୍ରେଡିଟ୍ ଜାରି କରିବାକୁ ଏଥିରେ ପରିକଳ୍ପନା କରାଯାଇଛି।
ଏହି କାର୍ଯ୍ୟକ୍ରମରେ ପରିବେଶ ଅନୁକୂଳ କାର୍ଯ୍ୟକୁ ପ୍ରୋତ୍ସାହିତ କରୁଥିବା ନୀତି ଏବଂ ସର୍ବୋତ୍ତମ ଅଭ୍ୟାସର ଭଣ୍ଡାର ଭାବରେ କାର୍ଯ୍ୟ କରିବାକୁ ଥିବା ଏକ ୱେବ୍ (https://ggci-world.in/) ପ୍ଲାଟଫର୍ମ ଉନ୍ମୋଚନ କରାଯାଇଥିଲା ।
ଗ୍ରୀନ୍ କ୍ରେଡିଟ୍ ଭଳି କାର୍ଯ୍ୟକ୍ରମ/ବ୍ୟବସ୍ଥା ମାଧ୍ୟମରେ ପରିବେଶ ଅନୁକୂଳ କାର୍ଯ୍ୟର ଯୋଜନା ପ୍ରସ୍ତୁତି, କାର୍ଯ୍ୟକାରିତା ଏବଂ ତଦାରଖରେ ଜ୍ଞାନ, ଅଭିଜ୍ଞତା ଏବଂ ସର୍ବୋତ୍ତମ ଅଭ୍ୟାସର ବିନିମୟ ମାଧ୍ୟମରେ ବିଶ୍ୱସ୍ତରୀୟ ସହଯୋଗ, ସହଭାଗିତା ଏବଂ ଭାଗିଦାରୀକୁ ସୁଗମ କରିବା ଏହି ବିଶ୍ୱସ୍ତରୀୟ ପଦକ୍ଷେପର ଉଦ୍ଦେଶ୍ୟ ।
********
P.S.
(Release ID: 1981764)
Visitor Counter : 76
Read this release in:
Kannada
,
Gujarati
,
English
,
Urdu
,
Marathi
,
Hindi
,
Manipuri
,
Assamese
,
Bengali
,
Punjabi
,
Tamil
,
Telugu
,
Malayalam