ইকাই খুম্নরবা প্রধান মন্ত্রী শ্রী নরেন্দ্র মোদীনা 106শুবা ‘মন কী বাত্তা’ মীয়ামদা হরাও-কুহ্মৈগী মতমদা অমসুং অখন্নবা থৌরমশিংদা লোকেল ওইনা শাজবা পোৎলমশিং লৈনবা অপীল তৌখি। মহাক্কী লুচিং মখাদা অমসুং ‘ভোকেল ফোর লোকেল’গী ৱাখল্লোনবু শক্তি পীরদুনা খাদী এন্দ ভিলেজ ইন্দস্ত্রীজ কম্মিসন (KVIC)গী চিয়রমেন, শ্রী মনোজ কুমারনা ঙরাং নই দিল্লীগী কন্নোত প্লেসতা লৈবা খাদী লোঞ্জতা নুমিৎ মঙানিগী ‘দিৱালী উৎসব’ গ্রামশিল্পা হৌদোকখ্রে।

দিল্লীগী মীয়ামবু প্রধান মন্ত্রীগা অপীল অদুগা কন্নেক্ত তৌহন্নবা, মীচম মীয়ামদা লোকেল ওইনা পুথোকপা পোৎলমশিং হেন্না-হেন্না ফংহন্নবা ‘দিৱালি উৎসব’ মনুংদা লোকেল পোৎলমশিংগী অখন্নবা মখল কয়া ফংহনগনি। খাদীগী পোৎলমশিং য়োনবদা মসিনা ভারতকী খুঙ্গংদা লৈরিবা আর্তিসানশিংদা শেন্মীৎলোন্দা মীপাল তাংদবা ঙমহল্লি।

থৌরম অসিদা শ্রী মনোজ কুমারনা হায়খি “বজেৎ খুদিংমক্তা খাদী পামজবা মীওইশিংগীদমক মফম অসিদা লোকেলগী পোৎলম মখল কয়া ফংহল্লি। দিল্লীগী চফু শাবশিংনা শাজবা লুপা 50দগী লুপা 1000 পীবা ক্লে দিয়াশিংগুম্বদগী হৌরগা লক্ষ্মী অমসুং গনেশকী ফজরবা মীতমশিং, ক্লেনা শাবা মন্দিরশিং, ভিলেজ ইন্দস্ত্রীজ অমসুং PMEGP য়ুনিৎশিংগী মিল্লেৎকী পোত্থোক, কেন্দল, অগরবত্তি, খাদী আর্তিসানশিং অমসুং দিজাইনরশিংনা তুবা খাদী জেক্কেৎশিং অমসুং ফেশনেবল ওইবা খাদীগী ফিরোল মখল কয়াসু ফংগনি।”

দিৱালী উৎসব অমসুং আত্মনির্ভর ভারতকী অখন্নবা ৱাখল্লোন অদু থৌগৎলদুনা নই দিল্লীগী কন্নোত প্লেস্তা লৈবা দখাদী গ্রামোদ্যোগ ভবনদা খাদী প্রদক্তশিংদা 20% ফাওবগী ওফ অমসুং ভিলেজ ইন্দস্ত্রীজ প্রদক্তশিংদা 10% ওফ য়াওনা অখন্নবা দিস্কাউন্তশিং পীরি।

প্রধান মন্ত্রী শ্রী নরেন্দ্র মোদীগী অখন্নবা লুচিং মখাদা “খাদী এন্দ ভিলেজ ইন্দস্ত্রীজ প্রদক্তশিংগী সেল্স অসি মমাংগী শেনবা চহিদা ইতিহাস শেম্বা ঙমখি, লুপা করোর লাখ 1.34 হেনখি অমরোমদনা শেনবা চহি অমা খক্তদা অনৌবা থবক খ্বাইদগী য়াম্না পীবা ঙম্বা ওইনা থবক লাখ 9.54 পীদুনা রেকোর্দ থম্বা ঙমখি” হায়না শ্রী কুমারনা ফোঙদোকখি।

মহাক্না হায়খি মদুদি ওক্তোবর 2, 2023দা গান্ধী জয়েন্তী নুমিৎতা নোংমগী খাদী প্রদক্তশিংগী সেল্স লুপা করোর 1.52 তৌবা ঙমখি। KVICনা ইন্দিজিনস প্রদক্তশিং থৌগৎনবা লেপ্পা লৈতনা হোৎনখি। মহাক্না মীপুম খুদিংমক্তা কুহ্মৈগী মতমদা ইন্দিজিনস খাদী প্রদক্তশিং লৈবীদুনা খুঙ্গংগী মফমশিংদা লৈরিবা KVICগা লোয়ননা খুৎশম্নরিবা আর্তিসান মিলিয়ন কয়াদা হিংনবগী লম্বী পীবা ঙম্নবা মসিবু লৈবীনবা অপীল তৌখি।

থৌরম অসিদা খাদী এন্দ ভিলেজ ইন্দস্ত্রী কম্মিসনগী চীফ একজিক্যুতিব ওফিসর, শ্রী বিনিৎ কুমার য়াওনা ওফিসরশিং অমসুং স্তাফশিংনা শরুক য়াখি।

****