ਅਕਤੂਬਰ, 2023 ਦੇ ਮਹੀਨੇ ਵਿੱਚ ਕੁੱਲ ਜੀਐੱਸਟੀ ਮਾਲੀਆ ₹1,72,003 ਕਰੋੜ ਹੈ, ਜਿਸ ਵਿੱਚੋਂ ₹30,062 ਕਰੋੜ ਸੀਜੀਐੱਸਟੀ, ₹38,171 ਕਰੋੜ ਐੱਸਜੀਐੱਸਟੀ, ₹91,315 ਕਰੋੜ (ਵਸਤਾਂ ਦੇ ਆਯਾਤ ਤੋਂ ਇਕੱਠੇ ਕੀਤੇ ₹42,127 ਕਰੋੜ ਸਮੇਤ) ਆਈਜੀਐੱਸਟੀ ਅਤੇ ₹12,456 ਕਰੋੜ (ਵਸਤਾਂ ਦੇ ਆਯਾਤ ਤੋਂ ਇਕੱਠੇ ਕੀਤੇ ₹1,294 ਕਰੋੜ ਸਮੇਤ) ਸੈੱਸ ਹੈ।

ਸਰਕਾਰ ਨੇ ਸੀਜੀਐੱਸਟੀ ਰਾਹੀਂ ₹42,873 ਕਰੋੜ; ਅਤੇ ਆਈਜੀਐੱਸਟੀ ਤੇ ਐੱਸਜੀਐੱਸਟੀ ਰਾਹੀਂ ₹36,614 ਕਰੋੜ ਇਕੱਠੇ ਕਰਨਾ ਤੈਅ ਕੀਤਾ ਸੀ। ਨਿਯਮਤ ਨਿਪਟਾਰੇ ਤੋਂ ਬਾਅਦ ਅਕਤੂਬਰ, 2023 ਦੇ ਮਹੀਨੇ ਵਿੱਚ ਕੇਂਦਰ ਅਤੇ ਰਾਜਾਂ ਦਾ ਕੁੱਲ ਮਾਲੀਆ ਸੀਜੀਐੱਸਟੀ ਲਈ ₹72,934 ਕਰੋੜ ਅਤੇ ਐੱਸਜੀਐੱਸਟੀ ਲਈ ₹74,785 ਕਰੋੜ ਰਿਹਾ ਹੈ।

ਅਕਤੂਬਰ, 2023 ਦੇ ਮਹੀਨੇ ਲਈ ਕੁੱਲ ਜੀਐੱਸਟੀ ਮਾਲੀਆ ਪਿਛਲੇ ਸਾਲ ਦੇ ਇਸੇ ਮਹੀਨੇ ਨਾਲੋਂ 13% ਵੱਧ ਹੈ। ਮਹੀਨੇ ਦੇ ਦੌਰਾਨ, ਘਰੇਲੂ ਲੈਣ-ਦੇਣ (ਸੇਵਾਵਾਂ ਦੇ ਆਯਾਤ ਸਮੇਤ) ਤੋਂ ਮਾਲੀਆ ਵੀ ਪਿਛਲੇ ਸਾਲ ਦੇ ਇਸੇ ਮਹੀਨੇ ਦੌਰਾਨ ਇਨ੍ਹਾਂ ਸਰੋਤਾਂ ਤੋਂ ਹੋਏ ਮਾਲੀਏ ਨਾਲੋਂ 13% ਵੱਧ ਹੈ। ਵਿੱਤ ਵਰ੍ਹੇ 2023-24 ਵਿੱਚ ਔਸਤ ਮਾਸਿਕ ਜੀਐੱਸਟੀ ਕਲੈਕਸ਼ਨ ਹੁਣ 1.66 ਲੱਖ ਕਰੋੜ ਰੁਪਏ ਹੈ ਅਤੇ ਪਿਛਲੇ ਵਿੱਤ ਵਰ੍ਹੇ ਦੀ ਇਸੇ ਮਿਆਦ ਦੇ ਮੁਕਾਬਲੇ 11% ਵੱਧ ਹੈ।

ਹੇਠਾਂ ਦਿੱਤਾ ਚਾਰਟ ਮੌਜੂਦਾ ਸਾਲ ਦੌਰਾਨ ਮਾਸਿਕ ਕੁੱਲ ਜੀਐੱਸਟੀ ਮਾਲੀਏ ਵਿੱਚ ਰੁਝਾਨ ਦਿਖਾਉਂਦਾ ਹੈ। ਹੇਠਾਂ ਦਿੱਤੀ ਸਾਰਣੀ ਅਕਤੂਬਰ 2023 ਦੇ ਮਹੀਨੇ ਤੱਕ ਹਰੇਕ ਰਾਜ ਦੇ ਨਿਪਟਾਰੇ ਤੋਂ ਬਾਅਦ ਦੇ ਜੀਐੱਸਟੀ ਮਾਲੀਏ ਦੇ ਰਾਜ-ਵਾਰ ਅੰਕੜੇ ਦਰਸਾਉਂਦੀ ਹੈ।

ਚਾਰਟ: ਜੀਐੱਸਟੀ ਕਲੈਕਸ਼ਨ ਵਿੱਚ ਰੁਝਾਨ

ਸਾਰਣੀ: ਰਾਜਾਂ/ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਨੂੰ ਸੈਟਲ ਕੀਤਾ ਗਿਆ ਆਈਜੀਐੱਸਟੀ ਦਾ ਐੱਸਜੀਐੱਸਟੀ ਅਤੇ ਐੱਸਜੀਐੱਸਟੀ ਹਿੱਸਾ

ਅਪ੍ਰੈਲ-ਅਕਤੂਬਰ (ਰੁਪਏ ਕਰੋੜਾਂ ਵਿੱਚ)

**********

ਐੱਨਬੀ/ ਵੀਐੱਮ/ ਕੇਐੱਮਐੱਨ

[1] ਪੋਸਟ-ਸੈਟਲਮੈਂਟ ਜੀਐੱਸਟੀ ਰਾਜਾਂ/ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਜੀਐੱਸਟੀ ਮਾਲੀਏ ਦਾ ਸੰਚਤ ਹੈ ਅਤੇ ਰਾਜਾਂ/ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਨੂੰ ਸੈਟਲ ਕੀਤੇ ਆਈਜੀਐੱਸਟੀ ਦਾ ਐੱਸਜੀਐੱਸਟੀ ਹਿੱਸਾ ਹੈ।