প্রধান মন্ত্রী শ্রী নরেন্দ্র মোদীনা ওক্তোবর ৩১, ২০২৩গী নুমিদাংৱাইরম পুং ৫ রোম তাবা মতমদা কর্তব্য পথতা পাঙথোক্কদবা মেরী মাতি মেরা দেশ কেম্পেনগী অমৃৎ কলাস য়াত্রা লোইশিনবগী থৌরমদা শরুক য়াগদৌরি‍। থৌরম অসিনা অজাদী কা অমৃৎ মহোৎসব লোইশিনবগী থৌরমসু ওইগনি‍।

প্রধান মন্ত্রীনা থৌরম অদুদা অমৃৎ বাতিকা অমদি অমৃৎ মহোৎসব মেমোরিএল শঙ্গাগনি‍। মহাক্না লৈবাক্কী মফম শিনবা থুংবদগী থৌরমদুদা শরুক য়ারগদৌরিবা অমৃৎ কলাস য়াত্রী লিশিং কয়াগী মফমদা ৱা ঙাংগনি‍।

থৌরম অদুগী মনুং চন্না, প্রধান মন্ত্রীনা লৈবাকসিগী নহাশিংগী ওইবা ফম্পাক ‘মেরা য়ুবা ভারত’ (মাই ভারত) সু হৌদোক্কনি‍।

মেরী মাতি মেরা দেশ

মেরী মাতি মেরা দেশ কেম্পেন অসি লৈবাক্কীদমক মথ্বায় কৎখিবা অথৌবা অমদি অথৌবীশিংগী মফমদা কৎপা শ্রদ্ধাঞ্জলি অমনি‍। মীয়াম পুন্না শরুক য়ামিন্নবগী ৱাখল্লোন্দা, কেম্পেন অসিগী মনুং চন্না লৈবাক শিনবা থুংনা পঞ্চায়ত/খুঙ্গং, ব্লোক, অর্বান লোকেল বোদীশিং, স্তেত অমদি লৈবাক্কী থাক্তা থবক অমদি থৌরম কয়া পাঙথোকখি‍। পাঙথোকখিবা থবক থৌরমশিংগী মনুংদা মথ্বায় কৎখ্রবা অথৌবা অথৌবীশিংগী মফমদা তৌবিমল খঙবা উৎপা ওইনা সিলফলকম (নীংশিং খুভম) শেমগৎপা; নীংশিং খুভমশিংদা মীয়াম্না ‘ৱাশক মঙা’ শকমিন্নবা; লম লমগী উ চারা মখলশিং থাবা অমদি ‘অমৃৎ ভাতিকা’ (বসুধ বন্ধন) শেমগৎপা অমদি নীংতম লান্মীশিং অমসুং লৈখিদ্রবা নীংতম লান্মীশিংগী ইমুং মনুংশিং (বীরোং কা বন্ধন) ইকায়খুম্নবা উৎপগী থৌরম অমদি অতৈ কয়া য়াওরি‍।

কেম্পেন অসি, স্তেত/য়ু.তি. ৩৬তা নীংশিং খুভম লাখ ২.৩ হেন্না শেমগত্তুনা; ৱাশক মঙা শকপগী সেল্ফী করোর ৪ রোম থাগৎলক্তুনা; লৈবাক শিনবা থুংনা ‘বীরোং কা বন্ধন’ থৌরম লাখ ২ হেন্না পাঙথোক্তুনা; লম লমগী ওইবা উ চারা করোর ২.৬ হেন্না থাদুনা; অমদি লৈবাক শিনবা থুংনা বসুধ বন্দন থীমগী মখাদা অমৃৎ বাতিকা লাখ ২.৬৩ শেমগত্তুনা চাউনা মায় পাকপা ওইখি‍।

‘মেরী মাতি মেরা দেশ’ কেম্পেন্দা, খুঙ্গংগী লমগী খুলশিং অমদি ময়োল্লমগী মফমশিংদগী ৱার্দ লাখ ৬ হেনবদগী লৈবাক মচেৎ অমদি চেঙ মরূশিং খোমগত্তুনা, মদুবু ব্লোক্কী থাক্তা থাগৎলগা (ব্লোক্তা খুঙ্গং পুম্নমক্কী লৈবাকশিং তাশিল্লগা) অমদি স্তেতকী থাক্তা অমুক পুনশিল্লগা পুরকপগী থৌরম অমা ওইরিবা অমৃৎ কলাস য়াত্রাসু য়াওরি‍। স্তেতকী থাক্তা তাশিন্দুনা পুরকপা লৈবাকশিং লৈবাক্কী কোনুংদা অমৃৎ কলাস য়াত্রী লিশিং কয়ানা পুরকপনি‍।

ওক্তোবর ৩০, ২০২৩দা, অমৃৎ কলাস য়াত্রাগী মনুং চন্না স্তেত অমদি য়ু.তি. পুম্নমক্তগী মরী লৈনবা ব্লোক অমদি অর্বান লোকেল বোদীশিংদগী পুরকপা লৈবাকশিং ‘এক ভারত শ্রেস্থ ভারত’কী ৱাখল্লোন্দা অচৌবা অমৃৎ কলাস অমদা হাপকনি‍। ওক্তোবর ৩১দা, প্রধান মন্ত্রীনা লৈবাক শিনবা থুংবদগী শরুক য়ারগদৌরিবা অমৃৎ কলাস য়াত্রী লিশিং কয়াগী মফমদা ৱা ঙাংগনি‍।

প্রধান মন্ত্রীনা শঙ্গাগদৌরিবা অমৃৎ বাতিকা অমদি অমৃৎ মহোৎসব মেমোরিএল অসি লৈবাক্কী মফম খুদিংদগী খোমগৎলকপা লৈবাকশিংনা কর্তব্য পথতা শাবনি‍।

মেরী মাতি মেরা দেশ কেম্পেন ‘অজাদী কা অমৃৎ মহোৎসব’ লোইশিনবগী থৌরম অমা ওইনা মীৎয়েঙ থমদুনা পায়খৎপনি‍। অচাদী কা অমৃৎ মহোৎসব মার্চ ১২, ২০২১দগী ভারতকী নীংতম্বগী চহি ৭৫বু হরাও তয়াম্না পাঙথোক্নবা হৌখিবনি‍। মসিগী মনুং চন্না লৈবাক পুম্বদা মীয়াম্না ইচঙ থৌনা শরুক য়াদুনা থৌরম লাখ ২ হেন্না পাঙথোকখ্রে‍।

মাই ভারত

মেরা য়ুবা ভারত (মাই ভারত) লৈবাকসিগী নহাশিংগী ওইবা ৱন স্তোপ হোল-ওফ-গভর্নমেন্ত ফম্পাক অমা ওইনা থবক তৌননবা মনীং মখা তম্বা বোদী অমা ওইনা লিংখৎপনি‍। লৈবাকসিগী নহা খুদিংদা মান্নবা খুদোংচাবা ফংহনবা হায়বা প্রধান মন্ত্রীগী মঙলান পরিংদা, মাই ভারতনা নহাশিংনা মখোয়গী অপাম্বশিং ফংবা ঙমহন্নবা অমদি চাওখৎপা ভারত অমা শেমগৎপদা থৌদাং য়াবা ঙমহন্নবগীদমক লৈঙাক্কী মশা মরেং পুম্বদা ইনেব্লিং মেকানিজম অমা পীননবা তেক্নোলোজী শীজিন্নগনি‍। মাই ভারতকী পান্দমদি নহাশিংবু খুন্নাইদা অহোংবা পুরক্নবা এজেন্ত অমদি লৈবাক শেমগৎকদবা মীওইশিং ওইহন্নবা পুক্নিং থৌগৎপা অমদি মখোয়গী লৈঙাক অমদি মীয়ামগী মরক্তা ‘নহাশিংগী থোং’ অমা ওইনা থবক তৌবা ঙমহনবনি‍। ৱাখল্লোন অসিদা, ‘মাই ভারত’না লৈবাকসিদা ‘নহাশিংনা লমজিংবা চাওখৎ থৌরাং’দা অচৌবা ইনোৎ অমা হাপকনি‍।

***