প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাংদা নেস্নেল রোজগার মেলাদা ৱা ঙাংখ্রে অমসুং তোঙান-তোঙানবা সরকারগী বিভাগশিং অমসুং ওর্গনাইজেসনশিংদা নৌনা থবক চংলকপা মীওইশিংদা এপোইন্তমেন্ত লেত্তর 51,000 হেন্না য়েন্থোকখ্রে‍। লৈবাক শিনবা থুংবদগী খনখিবা রিক্রুৎশিং অদনা রেলৱেজ মন্ত্রালয়, দিপার্তমেন্ত ওফ পোস্তস, গৃহ মন্ত্রালয়, রিভেন্যু বিভাগ, হায়র এজুকেসন বিভাগ, স্কুল এজুকেসন অমসুং লিতরেসী  বিভাগ অমসুং হকশেল অমদি য়াইফ-য়ুম্বাল মন্ত্রালয় য়াওনা তোঙান-তোঙানবা মন্ত্রালয়শিং/বিভাগশিংদা চংলগনি। লৈবাক অসিগী মফম 37না প্রধান মন্ত্রীনা ৱা ঙাংলিঙৈদা মেলা অসিগা কন্নেক্ত তৌখি।

থৌরম অদুদা ৱা ঙাংলদুনা প্রধান মন্ত্রীনা কেন্দ্র অমসুং NDAনা লৈঙাকপা রাজ্যশিং অমসুং য়ুনিয়ন তেরিরোরীশিংদা তোঙান-তোঙানবা রোজগার মেলাশিংদা নহারোল লাখ কয়াদা সরকারগী থবকশিংগী এপোইন্তমেন্ত লেত্তরশিং পীদুনা রোজগার মেলাশিং মমাং চহিগী ওক্তোবরদগী হৌখিবা অসিগা লোয়না রোজগার মেলাগী খোঙচৎনা মরু ওইবা পন্দুপ অমা য়ৌবা ঙমখ্রে হায়না ফোঙদোকখ্রে। ঙসিসু নহারোল 50,000 হেনবদা সরকারগী থবকশিং পীরি। প্রধান মন্ত্রী এপোইন্তীশিং অমসুং মখোয়গী ইমুং-মনুংশিংদা নুংঙাইবা ফোঙদোকখি।

প্রধান মন্ত্রীনা হায়খি মদুদি তোঙান-তোঙানবা রাজ্যশিং অমসুং য়ুনিয়ন তেরিতোরীশিংদা রোজগার মেলাশিং পাঙথোকপা অসিনা মিসন মোদতা থবক পাইখৎতুনা সরকারনা নহারোলগী তুংলমচৎকী মাইকৈদা চংশিল্লি হায়বগী খুদমশিং ওইরি। থবক লৌবগী থৌওংশিংদা নহারোলনা থাজবা হেনগৎলকপগী মতাংদা “ঐখোয়না থবক পীবা খক্তা নত্তনা ত্রান্সপরেন্ত ওইবা সিস্তেম অমা লৈহনবসু ঙম্লি”, হায়না শ্রী মোদীনা ফোঙদোকখি। মহাক্না হায়খি সরকার অসিনা প্রোসেসশিং অসি স্ত্রীমলাইন তৌনবা হোৎনবা খক্তা নত্তনা একজামিনেসন প্রোসিজরদসু রিস্ত্রকচর তৌখি। মহাক্না হায়খি স্তাফ সেলেক্সন সাইকলগী মখাদা থবক লৌবদা চংলম্বা মতম অদুসু শরুক তঙ্খাইদা হন্থহনখি। “থবক লৌবগী নোতিফিকেসনসগী এমপ্লোইমেন্ত লেত্তর পীবগী মরক্তা লৈরিবা অপুনবা মতমদা চাউনা হন্থহনখি” হায়না শ্রী মোদীনা ফোঙদোকখি। SSCগী মখাদা অকক্নবা একজামিনেসন খরগী মতাংদা ৱা ঙাংলদুনা প্রধান মন্ত্রী মোদীনা হায়খি মদুদি একজামশিং অসি হিন্দী অমসুং ইংলিশকী মথক্তা তোঙান-তোঙানবা রিজনেল লোল 13দা পাঙথোক্তুনা এস্পিরেন্তশিংনা লোলগী পল অসি থুগাইবদা লাইহল্লি।

সেক্তর খুদিংমক্তা অনৌবা থবক্কী খুদোংচাবশিং পীবা ঙমহল্লিবা চাউখৎপগী খোঙজেলগী মতাংদা পনখি। মহাক্না ধোরদো ভিলেজ অসিবু য়ুনাইতেদ নেসন্সনা বেস্ত তুরিজম ভিলেজকী এৱার্দ পীখিবা অমসুং হোইসালা তেম্পেল কমপ্লেক্স অমসুং শান্তি নিকেতনবু ৱর্ল্দ হেরিতেজ সাইৎ ওইনা শকখঙখি হায়না ফোঙদোকখি। মসিগী দিবেলপমেন্তশিং অমসুং হেনগৎলক্লিবা তুরিজম অসিনা নহারোলগীদমক অনৌবা খুদোংচাবশিং পীরি। মতৌ অসুম্না স্পোর্তসকী ওইনসু অনৌবা এভেন্যুশিং শেমগৎলি হায়না মহাক্না ফোঙদোকখি।

“রিন্যুএবল ইনর্জী, স্পেস, ওতোমেসন অমসুং দিফেন্সগুম্বা অনৌবা সেক্তরশিং প্রমোৎ তৌবগা লোয়ননা সরকারনা ত্রেদিস্নেল সেক্তরশিংবু মপাঙ্গল কনখৎহল্লি”, হায়না প্রধান মন্ত্রীনা ফোঙদোকখি। মহাক্না দ্রোন তেক্নোলোজী সেক্তরদা হাংলক্লিবা অনৌবা এভেন্যুশিংগী মতাংদসু পনখি অমসুং মসিগী মতেংগা লোয়ননা পাঙথোক্লিবা ক্রোপ এসেসমেন্ত অমসুং হীদাক চাইবা অসি খুদমশিং ওইনা পীখি। স্বামিত্ব স্কিমগী মখাদা প্রধান মন্ত্রীনা লেন্দ মেপ্পিংগীদমক দ্রোনশিং শীজিন্নরি হায়না ফোঙদোকখি। মহাক্না দ্রোনশিং শীজিন্নদুনা হিমাচল প্রদেশকী লাহৌল স্পিতি রিজনদা হীদাকশিং য়ৌহন্দুনা পুং 2রোম চংলমখিবা অদু মিনিৎ 20-30দা হন্থহনখি হায়না ফোঙদোকখি। স্তার্তঅপশিংনা দ্রোনশিংদগী চাউনা কান্নবা ফংখি অমসুং অনৌবা দিজাইনশিং অমসুং তেক্নোলোজীশিং শেম্বদা মতেং পাংখি।

প্রধান মন্ত্রীনা খাদী নৌনা হিংগৎলক্তুনা হৌখিবা চহি 10গী মমাংদা শুপ্নগী করোর লিশিং 30 ওইরম্বা অদুগা চাংদম্নবদা করোর লাখ 1.25 হেন্না য়োনবা ঙমখি হায়না ফোঙদোকখি। মসিনা খাদী এন্দ ভিলেজ ইন্দস্ত্রী সেক্তরদা মরু ওইনা নুপীশিংদা থবক কয়া পীখি।

পি.এম. মোদীনা হায়খি মদুদি লৈবাক অমা হেক্তগী কম্পিতিতিব এদভান্তেজনা য়ুব শক্তি পুথোকপা মথৌ তাই। মহাক্না অনৌবা খুদোংচাবশিং মপুং ফানা লৌবা ঙম্নবা নহারোলবু স্কিলিং তৌনবা অমসুং স্কিলিং তৌনবগী থোশিলশিংগী মতাংদসু ফোঙদোকখি। অনৌবা নেস্নেল এজুকেসন পোলিসী, অনৌবা মেদিকেল কোলেজশিং, IIT, IIM অমসুং IIIT লিংখৎলকখি অমসুং পি.এম. কৌশাল বিকাস য়োজনাগী মখাদা নহারোল করোর কয়াবু ত্রেনিং পীখি। পি.এম. বিশ্বকর্মা য়োজনা অসি বিশ্বকর্মা মরুপশিংগীদমক হৌদোকখি। রিস্কিলিং অমসুং অপস্কিলিং অসি ওর্দর ওফ দি দে ওইবনা পি.এম. বিশ্বকর্মা য়োকজনা অসি বিশ্বকর্মাশিংবু মোদর্ন তেক্নোলোজী অমসুং তুলশিংগা লোয়ননা লিঙ্ক তৌবনি হায়না পি.এম.না ফোঙদোকখি।

নহারোলগীদমক থবক্কী খুদোংচাবশিং পীবা অসি লৈবাক শেমগৎপগী থৌওংগী মরু ওইবা শরুক অমনি মরমদি মসিনা ভারতপু চাউখৎপা লৈবাক অমা ওইহন্নবা লম্বী য়াৎলি হায়রদুনা প্রধান মন্ত্রীনা রিক্রুৎশিং অসিনা সরকারগী স্কিমশিংবু মাংদা পুখৎকনি অমসুং গ্রাউন্দ লেবেলদা ইমপ্লিমেন্ত তৌগনি হায়খি। “ঙসি নখোয়না ঐখোয়গী জাতি শেমগৎপগী খোঙচৎ অসিগী মরু ওইবা মরুপশিং ওইরি” হায়রদুনা প্রধান মন্ত্রীনা মখোয়না ভারতকী পান্দমশিং থুংহন্নবা মখোয়গী শক্তিগা লোয়ননা শরুক তম্নবা হায়খি। মহাক্না মখোয়দা মখোয়গী তমশিনবগী থৌওং মখা চত্থনবা অমসুং iGOT কর্ময়োগী পোর্তেল শীজিন্ননবা হায়খি। “নখোয়গী খোঙথাং খুদিংমক্না লৈবাক অসিবু চাউখৎপগী লম্বেলদা মাংদা খোঙজেল য়াংশিনহনবদা মতেং ওইগনি” হায়না মহাক্না ফোঙদোকখি। ৱারোল পীবা লোইশিল্লদুনা প্রধান মন্ত্রীনা শরদ পুর্নিমাগী য়াইরবা নুমিৎ অসিদা রিক্র্যুৎশিংদা লৈবাক্কী মনুংদা থবক পীনবগী পাম্বৈ অমসু ওইরিবা ভোকেল ফোর লোকেলগী পাউজেল শন্দোক্নবা হায়খ্রে।

বেকগ্রাউন্দ

রোজগার মলে লৈবাক শিনবা থুংনা মফম 37তা পাঙথোক্কনি‍। থৌরাং অসিবু শৌগৎলদুনা কেন্দ্র লৈঙাক্কী দিপার্তমেন্তশিং লোয়ননা রাজ্যশিং/UT লৈঙাকশিংনসু থবক লৌরি‍। লৈবাক শিনবা থুংবদগী নৌনা থবক খল্লক্লবশিং অসিনা রেলৱেজ মন্ত্রালয়, দিপার্তমেন্ত ওফ পোস্ত, গৃহ মন্ত্রালয়, দিপার্তমেন্ত ওফ রিভিন্যু, দিপার্তমেন্ত ওফ হাইয়র এজুকেসন, দিপার্তমেন্ত ওফ স্কুল এজুকেসন এন্দ লিতরেসী অমদি হকশেল অমসুং য়াইফ-য়ুম্বাল মন্ত্রালয়নচিংবা কয়া য়াওনা তোঙান তোঙানবা মন্ত্রালয়/দিপার্তমেন্তশিংদা লৈঙাক্কী থবক পুবা হৌগদৌরি‍।

রোজগার মেলা প্রধান মন্ত্রীনা থবক পীবদা খ্বায়দগী অহেনবা মীৎয়েঙ থম্লিবা খোঙফম অসিবু ফংহন্নবগী মায়কৈদা থাংজিনবা খোঙথাং অমনি‍। রোজগার মেলানা মখা তানা থবক পীননবগী অমদি নহাশিংবু মপাঙ্গল হাপ্নবা অমসুং লৈবাক চাওখৎহনবদা শরুক য়াহন্নবগীদমক ৱাহন্থোক লৈবা খুদোংচাবশিং পীননবগী মরুওইবা পাম্বৈ অমা ওইরক্কনি হায়না থাজনরি‍।

নৌনা থবক হাপ্লবা মীওইশিংনা মশাবু, ‘এনীৱ্যের এনী দিভাইস’ লর্নিং ফোর্মেত্তা ই-লর্নিং কোর্স 750 হেন্না ফংহল্লিবা iGOT কর্ময়োগী পোর্তেলদা লৈবা ওনলাইন মোদ্যুল অমা ওইরিবা, কর্ময়োগী প্রারম্ভকী খুত্থাঙদা ত্রেন তৌজগদৌরি‍।

Addressing the Rashtriya Rozgar Mela. Best wishes to the newly inducted appointees. https://t.co/IRZUeVQ5yl

— Narendra Modi (@narendramodi) October 28, 2023

Our government is working in mission mode keeping in mind the future of the youth. pic.twitter.com/rv1pasJOGa

— PMO India (@PMOIndia) October 28, 2023

Today, India's trajectory and the pace of its progress are generating new employment prospects across all sectors. pic.twitter.com/nCkd9hWxmq

— PMO India (@PMOIndia) October 28, 2023

Today, India is equipping its youth with skills and education to harness emerging opportunities. pic.twitter.com/HKthTqqqRp

— PMO India (@PMOIndia) October 28, 2023

*****