প্ৰধানমন্ত্ৰীৰ কাৰ্যালয়
২৭ অক্টোবৰত মধ্যপ্ৰদেশৰ চিত্ৰকূট ভ্ৰমণ কৰিব প্ৰধানমন্ত্ৰীয়ে শ্ৰীসদগুৰু সেৱা সংঘ ট্ৰাষ্টত একাধিক কাৰ্যসূচীত অংশগ্ৰহণ কৰিব প্ৰধানমন্ত্ৰীয়ে
ৰঘুবীৰ মন্দিৰত পূজা অৰ্চনা আৰু দৰ্শন কৰিব প্ৰধানমন্ত্ৰীয়ে
প্ৰয়াত শ্ৰী অৰবিন্দ ভাই মাফতলালৰ জন্ম শতবাৰ্ষিকী উদযাপন উপলক্ষে ৰাজহুৱা অনুষ্ঠানত অংশগ্ৰহণ কৰিব প্ৰধানমন্ত্ৰীয়ে
তুলসী পীঠ পৰিদৰ্শন; কাঞ্চ মন্দিৰত পূজা অৰ্চনা আৰু দৰ্শন কৰিব প্ৰধানমন্ত্ৰীয়ে
Posted On:
26 OCT 2023 8:02PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে ২৭ অক্টোবৰ, ২০২৩ত মধ্যপ্ৰদেশ ভ্ৰমণ কৰিব।
প্ৰায় ১:৪৫ বজাত প্ৰধানমন্ত্ৰীয়ে ছাটনা জিলাৰ চিত্ৰকূটত উপস্থিত হৈ শ্ৰী সদগুৰু সেৱা সংঘ ট্ৰাষ্টত একাধিক কাৰ্যসূচীত অংশগ্ৰহণ কৰিব। তেওঁ ৰঘুবীৰ মন্দিৰত পূজা অৰ্চনা আৰু দৰ্শন কৰিব; শ্ৰী ৰাম সংস্কৃত মহাবিদ্যালয় ভ্ৰমণ; প্ৰয়াত শ্ৰী অৰবিন্দ ভাই মাফতলালৰ সমাধিত পুষ্পাঞ্জলি অৰ্পণ কৰাৰ লগতে জাংকিকুণ্ড চিকিৎসালয়ৰ নতুন শাখা উদ্বোধন কৰিব।
প্ৰধানমন্ত্ৰীয়ে প্ৰয়াত শ্ৰী অৰবিন্দ ভাই মাফতলালৰ জন্ম শতবাৰ্ষিকী উদযাপনৰ ৰাজহুৱা অনুষ্ঠানতো অংশগ্ৰহণ কৰিব। শ্ৰী সদগুৰু সেৱা সংঘ ট্ৰাষ্ট ১৯৬৮ চনত পৰম পূজ্য ৰাঞ্চোদাসজী মহাৰাজে প্ৰতিষ্ঠা কৰিছিল। শ্ৰী অৰবিন্দ ভাই মাফতলালে পৰম পূজ্য ৰাঞ্চোদাসজী মহাৰাজৰ পৰা অনুপ্ৰাণিত হৈ ট্ৰাষ্ট প্ৰতিষ্ঠাত গুৰুত্বপূৰ্ণ ভূমিকা পালন কৰিছিল।
শ্ৰী অৰবিন্দ ভাই মাফতলাল স্বাধীনোত্তৰ ভাৰতৰ আগশাৰীৰ উদ্যোগী আছিল, যিয়ে দেশৰ বিকাশৰ কাহিনীত গুৰুত্বপূৰ্ণ ভূমিকা পালন কৰিছিল।
চিত্ৰকূট ভ্ৰমণৰ সময়ত প্ৰধানমন্ত্ৰীয়ে তুলসী পীঠতো পৰিদৰ্শন কৰিব। বিয়লি প্ৰায় ৩:১৫ বজাত তেওঁ কাঞ্চ মন্দিৰত পূজা অৰ্চনা আৰু দৰ্শন কৰিব। তেওঁ তুলসী পীঠৰ জগদগুৰু ৰামানন্দাচাৰ্যৰ আশীৰ্বাদ বিচাৰি ৰাজহুৱা অনুষ্ঠানত অংশগ্ৰহণ কৰিব, য’ত তেওঁ তিনিখন গ্ৰন্থ-‘অষ্টধ্যায়ী ভাষ্য’, ‘ৰামানন্দাচাৰ্য চৰিতম’ আৰু ‘ভগৱান শ্ৰী কৃষ্ণ কী ৰাষ্ট্ৰলীলা’ উন্মোচন কৰিব।
তুলসী পীঠ মধ্যপ্ৰদেশৰ চিত্ৰকূটৰ এক গুৰুত্বপূৰ্ণ ধৰ্মীয় আৰু সমাজসেৱা অনুষ্ঠান। ১৯৮৭ চনত জগদগুৰু ৰামভদ্ৰাচাৰ্যই প্ৰতিষ্ঠা কৰা এইখন হিন্দু ধৰ্মীয় সাহিত্যৰ অন্যতম আগশাৰীৰ প্ৰকাশক তুলসী পীঠ।
***
DS/LP/DB/BM
(Release ID: 1972308)
Visitor Counter : 77
Read this release in:
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam