প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতি ওন ইকনোমিক এফিয়র্স (CCEA)না দিপার্তমেন্ত ওফ ৱাতর রিসোর্সেস, রিভর দিবেলপমেন্ত এন্দ গঙ্গা রিজুবনেসনগী প্রধান মন্ত্রী কৃশি সিঞ্চাই য়োজনা – এসেলরেতেদ ইরিগেসন বেনিফিৎ প্রোগ্রাম (PMKSY-AIBP)গী মখাদা উত্তরাখন্দগী জামরানি দাম মলতিপর্পস প্রোজেক্ত  য়াওহনবদা অয়াবা পীখ্রে।

মার্চ 2028 ফাওবদা লুপা করোর 2,584.10গী চংগনি পানবা শেনফমগা লোয়ননা প্রোজেক্ত অসি লোইশিন্নবগীদমক উত্তরাখন্দদা লুপা করোর 1,557.18 সেন্ত্রেল সপ্পোর্ত ওইনা পীবদা CCEAনা অয়াবা পীখ্রে।

প্রোজেক্ত অসিনা উত্তরাখন্দগী নৈনীতাল জিলাগী রাম গঙ্গা তুরেলগী ত্রিব্যুতরী ওইরিবা গোলা তুরেল মথক্তা জামরানি খুঙ্গংগী মনাক্তা দাম অমা শানবা পান্দম থম্মি। দাম অসিনা 1981দা শাবা লোইশিনখিবা হৌজিক লৈরিবা গোলা বারেজকী 40.5 kmগী অশাংবা ওইবা কেনেল সিস্তেম অমসুং 244 km শাংবা কেনেল সিস্তেমগী খুত্থাংদা চেনগনি।

প্রোজেক্ত অসিনা উত্তরাখন্দগী নৈনীতাল অমসুং উধম সিংহ নগর জিলাশিং অমসুং উত্তর প্রদেশকী রামপুর অমসুং বরেলী জিলাশিংদা 57,065 ha (উত্তরাখন্দদা 9,458 ha অমসুং উত্তর প্রদেশতা 47,607 ha)গী অহেনবা ইরিগেসন লৈহন্নবা পান্দম থম্মি। অনৌবা ফীদর কেনেল অনি শাবগী মথক্তা প্রোজেক্ত অসিগী মখাদা হৌজিক লৈরিবা 207kmগী কেনেলশিং অসি নৌনা শেমজিনগনি অমসুং 278km গী পক্কা ফিল্দ চেনেলশিং অসি শেমগৎকনি। মসিগী মথক্তা প্রোজেক্ত অসিনা 14 MWগী হাইদ্রো পাৱর জেনরেসন শানবা লোয়ননা হলদ্বানি অমসুং মনাক নকপা মফমশিংদা মীশিং লাখ 10.65 হেনবদা কান্নবা পীদুনা থক্নবা ঈশিং 42.70 মিলিয়ন ক্যুবিক মিতর(MCM)গী প্রোবিজন থম্নবা পান্দমসু থমখি।

প্রোজেক্ত অসিগী ইরিগেসনগী কান্নবশিংগী চাউরবা শরুক অমনি উত্তর প্রদেশকী থংনবা রাজ্যদা চেনগনি অমসুং রাজ্য অনিগী মরক্তা শেনফম/কান্নবা য়েন্থোক্নবা অসি 2017দা খুৎয়েক পীখিবা MoU অমগী মতুং ইন্না তৌগনি। অদুম ওইনমক থক্নবা ঈশিং অমসুং পাৱরগী কান্নবশিংদি উত্তরাখন্দদা পুন্না ফংহনগনি।

বেকগ্রাউন্দ:

প্রধান মন্ত্রী কৃশি সিঞ্চাই য়োজনা (PMKSY) অসি এস্যুর্দ ইরিগেসনগী মখাদা লৌবুকশিংদা ঈশিং য়ৌহনবা অমসুং লৌ উবা য়াবা মফম পাকথোক চাউথোকহনবা, ওন-ফার্ম ৱাতর য়ুজকী ইফিসিএন্সী হেনগৎহনবা, সস্তেনেবল ৱাতর কঞ্জর্বেসন প্রেক্তিসনচিংবা খঙহনবগী পান্দমগা লোয়ননা 2015-16দা হৌদোকখি। লুপা করোর 93,068.56 (লুপা করোর 37,454গী সেন্ত্রেল এসিস্তেন্স)গী অপুনবা আউৎলেগা লোয়ননা 2021-26কী মনুংদা PMKSY ইমপ্লিমেন্ত তৌবদা ভারত সরকারনা অয়াবা পীখি। PMKSYগী এসেলরেতেদ ইরিগেসন বেনিফিৎস প্রোগ্রাম (AIBP) কম্পোনেন্ত অসি মেজর অমসুং মিদিয়ম ইরিগেসন প্রোজেক্তশিংগী খুত্থাংদা ইরিগেসন পোতেন্সিএল লৈহন্নবা শেমখি। হৌজিক ফাওবদা PMKSY-AIBPগী মখাদা প্রোজেক্ত 53 পাইখৎতুনা লোইশিনখ্রে অমসুং লাখ 25.14 হেক্তরগী এদিস্নেল ইরিগেসন পোতেন্সিএল লৈহনখ্রে। 2021-22দগী PMKSY 2.0গী AIBP কম্পোনেন্তগী মতুংদা প্রোজেক্ত তরুক য়াওহনখ্রে। জামরানি দাম মলতিপর্পস প্রোজেক্ত অসি লিস্ত অসিদা হাপচিনখিবা তরেৎশুবা প্রোজেক্ত ওইখি।

******