য়ুমলৈ-কৈরৈ মন্ত্রালয়
azadi ka amrit mahotsav g20-india-2023

'পুলিস কম্মেমোরেসন নুমিৎ'তা কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা নৈ দিল্লীগী নেসনেল পুলিস মেমোরিএলদা ঙসি থৱাই কৎখ্রবা পুলিস পার্সনেলশিংদা ইকাই খুম্নবা উৎখ্রে


লৈবাক অমহেক্তগী মনুংগী ওইবা সেক্যুরিতী নৎত্রগা ঙমখৈগী সেক্যুরিতী অসি মীৎকুপ নাহুম শিংবা পুলিসকী সিস্তেম য়াওদনা ওইথোক্লোই

হিংশাগী মাইয়োক্তা জিরো তোলরেন্সকী পোলিসী মখা চত্থরদুনা মোদী লৈঙাক অসিনা অকনবা আইন লিংদুনা অমসুং মীয়াম্বু মোদর্নাইজ তৌনবা পুলিস তেক্নোলোজী মিসন লিংখৎপনা মালেমদা খ্বাইদগী ফবা তেরোরিজম থেংনবা ঙম্বা লৈবাক ওইনবা হোৎনবদা লাইহল্লে

তেরোরিজম, মিলিতেন্ত এতেক্ত, নক্সালিজম অমসুং এথনিক ভাইওলেন্সকী থৌদোকসু হৌখিবা চহি তরারোম অসিদা চাদা ৬৫ হন্থরে

মোদী লৈঙাক অসিনা ঐখোয়গী ক্রিমিনেল জস্তিস সিস্তেম অসিবু অহোংবা পুরক্নবা অনৌবা আইন অহুম পুরকখ্রে

হায়রিবা আইন অহুম অসিনা বৃতিশ য়ুগকী আইনশিংগী মহুৎ শিল্লগনি অমসুং মসিনা ভারতকী ওইবা মশক অমা উৎলগনি অমসুং মীপুম খুদিংমক্কী হকপু ভারত সংবিধানগী মশক্কা চুন্ননা ঙাক্তুনা থমগনি

ঐখোয়না পুলিস তেক্নোলোজী মিসন, অনৌবা আইন 3 অমসুং ICJS কী খুত্থাংদা ক্রিমিনেল জস্তিস সিস্তেমদা মনুং মপান ফাওনা উবা অমসুং খোঙজেল য়াঙহনবগী পান্দম ফংবদা মায় পাক্কনি

ভারতনা মালেমদা ঙসি হীরম খুদিংদা খুমাং চাউশিল্লি, মসিগী থৌনা ফনা থৱাই থাখিবদগী হৌরকপনি অমসুং লৈবাক অসিনা কৈদৌনুংদা মখোয়গী কত্থোকপদুবু কাউবা লৈরোই

Posted On: 21 OCT 2023 2:01PM by PIB Imphal

'পুলিস কম্মেমোরেসন নুমিৎ'তা কেন্দ্রগী গৃহ মন্ত্রী অমসুং কোওপরেসন মন্ত্রী শ্রী অমিত শাহনা নৈ দিল্লীগী নেসনেল পুলিস মেমোরিএলদা ঙসি থৱাই কৎখ্রবা পুলিস পার্সনেলশিংদা ইকাই খুম্নবা উৎখ্রে। থৌরম অসিদা কেন্দ্রগী গৃহগী রাজ্যগী মন্ত্রী শ্রী অজয় কুমার মিশ্রা অমসুং কেন্দ্রগী হোম সেক্রেতরীসু শরুক য়াখি।

থৌরম অদুদা ৱা ঙাংলদুনা শ্রী শাহনা নীংখা তম্লকপদগী লৈবাক অসিগী মনুংগী ওইবা সেক্যুরিতী অমসুং ঙমখৈগী ওইবা সেক্যুরিতীদা থৱাই থাখ্রবা পুলিসমেন 36,250 দা ইকাইখুম্নবা উৎখি। মহাক্না লৈখিদ্রবা পুলিসমেনশিংগী ইমুং মনুংদ হায়খি মদুদি ভারতনা ঙসি মালেমদা হীরম খুদিংমক্তা খুমাং চাউশিল্লি অমসুং থৌনা ফনা থৱাই থাখিবদগী হৌরকপনি অমসুং লৈবাক অসিনা কৈদৌনুংদা মখোয়গী কত্থোকপদুবু কাউবা লৈরোই। শ্রী শাহনা হায়খি মদুদি লৈবাক অমহেক্তগী মনুংগী ওইবা সেক্যুরিতী নৎত্রগা ঙমখৈগী সেক্যুরিতী অসি মীৎকুপ নাহুম শিংবা পুলিসকী সিস্তেম য়াওদনা ওইথোক্লোই। লৈবাক অসিবু সেবা তৌরিবা পাররনেল খুদিংদগী পুলিসমেনশিং অসিনা খ্বাইদগী অরুবা থৌদাং পুরি, অহিং নুংথিল কাংদনা, অইং অশা নাইদনা, কুমহৈ নৎত্রগা লৈতবা মতমদসু, পুলিসমেনশিংদি কুমহৈ হরাও ইমুং মনুংশিংগা পুনবসু ফংদনা সেবা তৌরি। মহাক্না হায়খি মদুদি ঐখোয়গী পুলিস ফোর্সশিং অসিনা মখোয়গী নুংঙাইরবা চহি মতাং অদু ইমুং মনুংদগী লাপ্না লৈবাক অসিগী শাংলবা ঙমখৈদা লৈদুনা লৈবাক অসিবু মখোয়গী মথৌনানা ঙাক্তুনা থম্লি। শ্রী শাহনা হায়খি মদুদি তেরোরিস্ত থেংনববু ওইরো, ক্রাইম থিংববু ওইরো, মী কয়াগী মরক্তা লো অমসুং ওর্দরগী ফিভম ঙাকপা নৎত্রগা কোরোনাগী মতমদবু ওইরো, মীয়াম কনবদা ঐখোয়গী পুলিসমেনশিংনা থৌরম খুদিংদা মখোয়গী থৌনা উৎলি। হৌখিবা চহি ১ রোম অসিদা, সেপ্তেম্বর ১, ২০২২ দগী হৌদুনা ওগস্ত ৩১, ২০২২ ফাওবদা পুলিসমেন ১৮৮না থৌনা লৈনা মখোয়গী মথৌ অমসুং লৈবাজক অসিগী সেক্যুরিতী অমসুং লো এন্দ ওর্দর ঙাকপদা থৱাই থাখ্রে।

কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীনা অমৃত কালগী খোলাও লাওখ্রে। মহাক্না হায়খি মদুদি নীং তম্বগী চহি ৭৫ মপুং ফারকপদগী হৌদুনা চহি চাম্ম য়ৌরকপা ফাওবদা হায়রিবা চহি 25 অসিনা লৈবাক অসিবু হীরম খুদিংমক্তা মকোক থোংনবা হোৎনদুনা লাক্লি। হীরম অসিগীদমক, লৈবাক অসিগী মীওই করোর 130 না অমত্তা ওইনা অমসুং লনাই ওইনা ৱাশক লৌমিন্নরি অমসুং ৱারেপ অসিগা লোইননা কনা অমত্তনা ঐখোয়বু মালেমদা হীরম খুদিংমক্তা মকোক থোংহন্নবা হোৎনবদা অথিংবা পীবা ঙমলোই। শ্রী শাহনা হায়খি মদুদি হৌখিবা চহি তরারোম অসিদা, ঐখোয়গী থৌনা ফরবা পুলিসমেনশিংনা হোৎনদুনা তেরোরিজম, মিলিতেন্ত এতেক্ত, নক্সালিজম অমসুং এথনিক ভাইওলেন্সকী থৌদোকসু হৌখিবা চহি তরারোম অসিদা চাদা ৬৫ হন্থরে।

শ্রী অমিত শাহনা হায়খি মদুদি হৌখিবা চহি খরা অসিদা, NDRF কী খুথাংদা, তোঙান-তোঙানবা পুলিস ফোর্সকী লান্মীশিংনা ইকাইখুম্ননিংঙাই ওইবা মিংচৎ কয়া ফংখ্রে অমসুং লৈবাক অসিদতা নত্তনা মালেমগী ফম্বাক্তা দিজাস্তর মেনেজমেন্তকী হীরমদা মায় পাকপা কয়া পুরকখ্রে। মহাক্না হায়খি মদুদি ঐখোয়না ভারতকী নীংতম্বগী অমৃত কালদা চঙশিল্লি, প্রধান মন্ত্রী শ্রী নরেন্দ্র মোদীজিগী লুচিং মখাদা, অনৌবা আইন অহুম লিংখ্রে মসিনা ঐখোয়গী ক্রিমিনেল জস্তিস সিস্তেমদা মপুং ফানা অহোংবা পুরক্লগনি। মাহক্না হায়খি হায়রিবা আইন অহুম অসিনা বৃতিশ য়ুগকী চহি 150 শুরবা আইনশিংগী মহুৎ শিল্লগনি অমসুং মসিনা ভারতকী ওইবা মশক অমা উৎলগনি অমসুং মীপুম খুদিংমক্কী হকপু ভারত সংবিধানগী মশক্কা চুন্ননা ঙাক্তুনা থমগনি হায়খি। মহাক্না মখা তারদুনা হায়খি মদুদি, প্রধান মন্ত্রী নরেন্দ্র মোদীজিনা কোর্তশিংদা লোইশিন্দনা লৈরিবা কেসশিং অসি লোইশিন্নবা তকশিল্লি। মহাক্না হায়খি, প্রধান মন্ত্রী মোদীজিগী লুচিং মখাদা, ঐখোয়না পুলিস তেক্নোলোজী মিসন, অনৌবা আইন 3 অমসুং ICJS কী খুত্থাংদা ক্রিমিনেল জস্তিস সিস্তেমদা মনুং মপান ফাওনা উবা অমসুং খোঙজেল য়াঙহনবগী পান্দম ফংবদা মায় পাক্কনি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি হিংশাগী মাইয়োক্তা জিরো তোলরেন্সকী পোলিসী মখা চত্থরদুনা মোদী লৈঙাক অসিনা অকনবা আইন লিংদুনা অমসুং মীয়াম্বু মোদর্নাইজ তৌনবা পুলিস তেক্নোলোজী মিসন লিংখৎপনা মালেমদা খ্বাইদগী ফবা তেরোরিজম থেংনবা ঙম্বা লৈবাক ওইনবা হোৎনবদা লাইহল্লে। মহাক্না হায়খি মদুদি পুলিস পার্সনেলশিংগী য়াইফনবগীদমক, প্রধান মন্ত্রী মোদীনা লুচিংবা লৈঙাক অসিনা অয়ুশ্মন-CAPF, হাউসিং স্কিম, CAPF e-আৱাজ ৱেব পোর্তেল, প্রধান মন্ত্রী স্কোলারশিপ স্কিম, সেন্ত্রেল এক্স-গ্রাসিয়া, দিসএবিলিতী এক্স গ্রাসিয়া, এয়র কোরিয়র সর্বিস অমসুং সেন্ত্রেল পুলিস ৱেলফিয়র স্তোরদা মতম চানা অহোংবা পুরকখ্রে।

শ্রী অমিত শাহনা হায়খি মদুদি পুলিস মেমোরিএল অসি ইচম চম্না সিম্বোলিক ওইবদা নত্তনা মসি ঐখোয়গী পুলিস পার্সনেলশিংনা লৈবাক শেমগৎপা মতমদা কত্থোকপা কয়াবু শকখঙবীবা অমনি। মহাক্না হায়খি মদুদি লৈঙাক অসিনা মপুং ফানা পুলিস পার্সনেলশিং অমসুং মখোয়গী ইমুং মনুং মীওইশিংগী য়াইফনবগীদমক অচেৎপা ফিরেপ লৌরি। 

***



(Release ID: 1969785) Visitor Counter : 68