প্রধান মন্ত্রী শ্রী নরেন্দ্র মোদীনা ওক্তোবর ২০গী অয়ুক পুং ১১:১৫ রোম তাবা মতমদা উত্তর প্রদেশগী সাহিদবাদ রেপিদএক্স স্তেসনদা দিল্লী-গাজিয়াবাদ-মীরুত আর.আর.তি.এস. কোরিদোরগী প্রাইওরিতী সেক্সন শঙ্গাগনি‍। মহাক্না ভারত্তা রীজনেল রেপিদ ত্রাঞ্জিৎ সিস্তেম (আর.আর.তি.এস.) হৌদোকপা ওইনা সাহিদবাদতগী দুহাই দিপো ফাওবা শম্নহনগদবা রেপিদএক্স ত্রেনসু লমথাগনি‍। নুমিৎ য়ুংবা পুং ১২ রোম তারকপাম তমদা, প্রধান মন্ত্রীনা সাহিদবাদতা মীয়ামগী থৌরম অমদা থৌরম মপু ওইনা শরুক য়াদুনা লৈবাকসিদা আর.আর.তি.এস. হৌদোকপগী থৌরমদুদা তিল্লিবা মীয়ামগী মফমদা ৱা ঙাঙগনি‍। মখা তানা, মহাক্না বেঙ্গলুরু মেত্রোগী ইস্ত ৱেস্ত কোরিদোরগী পরিং অনিবুসু লৈবাক মীয়ামগী মফমদা কত্থোক্কনি‍।

দিল্লী-গাজিয়াবাদ-মীরুৎ আর.আর.তি.এস. কোরিদোর

শঙ্গাগদৌরিবা দিল্লী-গাজিয়াবাদ-মীরুত আর.আর.তি.এস. কোরিদোরগী কিলোমিতর ১৭ শাংবা প্রাইওরিতী সেক্সন অসিনা লম্বীদা গাজিয়াবাদ, গুলধর অমদি দুহাইগী স্তেসনশিং ফাওদুনা সাহিদবাদতগী ‘দুহাই দিপো’ ফাওবা শম্নহনগনি‍। দিল্লী-গাজিয়াবাদ-মীরুৎ কোরিদোর অসিগী উরেপ উয়ুং প্রধান মন্ত্রীনা মার্চ ৮, ২০১৯দা তমখিবনি‍।

অনৌবা মালেমগী থাক্কী ত্রান্সপোর্ত ইনফ্রাস্ত্রকচরশিং শেমগৎ শাগত্তুনা লৈবাকসিগী রীজনেল কন্নেক্তিবিতীদা অওনবা পুরক্নবা প্রধান মন্ত্রীগী মঙলান পরিংদা, রীজনেল রেপিদ ত্রাঞ্জিৎ সিস্তেম (আর.আর.তি.এস.) প্রোজেক্ত অসি শেমগৎখিবনি‍। আর.আর.তি.এস. হায়বসি অনৌবা রেলদা য়ুম্ফম ওইবা, সেমি-হায়-স্পীদ, হায়-ফ্রিক্বেন্সী কম্মুতর ত্রাঞ্জিৎ সিস্তেম অমনি‍। পুংদা কিলোমিতর ১৮০গী দিজাইন তৌবা খোঙজেলগা লোয়ননা, আর.আর.তি.এস. অসি মিনৎ ১৫ খুদিংগী ময়োল্লমশিংগী মরক্তা চত্থোক চৎশিনগীদমক হায়-স্পীদ ত্রেন ফংহন্নবা, মথৌ তারবদি মিনিৎ ৫ খুদিংগী চেলহনবসু য়াবা, অওনবা পুরক্কদবা, রীজনেলগী ওইবা চাওখৎ থৌরাং অমনি‍।

এন.সি.আর. মনুংদা শেমগৎনবগীদমক আর.আর.তি.এস. কোরিদোর পুন্না নিপান মশক খঙদোকপগী মনুংদা, দিল্লী – গাজিয়াবাদ – মীরুৎ কোরিদোর; দিল্লী – গুরুগ্রাম – এস.এন.বি. – অলৱার কোরিদোর; অমদি দিল্লী – পানিপৎ কোরিদোর হায়রিবা কোরিদোর অহুম অসি ফেজ-১দা পায়খৎনবগীদমক মরুওইবা মীৎয়েঙ থমখিবনি‍। দিল্লী-গাজিয়াবাদ-মীরুৎ আর.আর.তি.এস. অসি লুপা করোর ৩০,০০০ হেনবগী শেঞ্জংগা লোয়ননা শেমগৎপনি অমদি মসিনা গাজিয়াবাদ, মুরদনগর, অমদি মোদীনগরগী ময়োল্লমশিং ফাওদুনা দিল্লীদগী মীরুৎ ফাওবদা পুং অমা ফাদবা খোঙচৎনা শম্নহনগনি‍।

লৈবাকসিদা শেমগৎলিবা আর.আর.তি.এস. অসি মালেমগী খ্বায়দগী ফবশিংগা চাংদম্নবা য়াবা স্তেত-ওফ-দি-আর্ত রীজনেল মোবিলিতীগী পাম্বৈ অমনি‍। মসিনা শাফবা, থাজনিংঙাই ওইবা অমদি মতমগা চুনবা ইন্তরসিতী কম্মুতিং সোলুসন লৈবাকসিদা ফংহনগনি‍। পি.এম. গতিশক্তী নেস্নেল মাস্তর প্লানগী পরিংদা, আর.আর.তি.এস. নেতৱর্ক অসিদা রেলৱে স্তেসনশিং, মেত্রো স্তেসনশিং, বস সর্ভিসনচিংবশিংগা পাক চাউবা মল্তি-মোদেল ইন্তিগ্রেসন লৈগনি‍। আর.আর.তি.এস. শেমগৎপনা শেন্মিৎলোনগী থবক থৌওংশিংদা ইনোৎ হাপকনি; থবক পীবা, মহৈ মশিং অমদি হেল্থকেয়রগী খুদোংচাবশিং হেন্না ফবা মওংদা ফংহনগনি; অমদি গারী চিনবা অমসুং নুংশিৎ মোৎশিলহনবগী চাং মশক থোক্না হন্থহনগনি‍।

বেঙ্গলুরু মেত্রো

প্রধান মন্ত্রীনা ফোর্মেল ওইনা লৈবাক্কী মফমদা কত্থোক্কদৌরিবা মেত্রো পরিং অনিসিনা বাইয়াপ্পনাহল্লিদগী কৃষ্ণরাজাপুরা ফাওবা অমদি কেঙ্গেরীদগী চল্লঘত্তা ফাওবা শম্নহনগনি‍। হায়রিবা মেত্রো পরিং অনি অসি ফোর্মেল ওইনা শঙ্গাবা ঙাইদনা কোরিদোর অসিদা মীয়াম চত্থোক চৎশিন্দা খুদোং চাহন্নবগীদমক ওক্তোবর ৯, ২০২৩দগী পব্লিক সর্ভিসকীদমক হাংদোকখ্রবনি‍।

***