وزیر اعظم جناب نریندر مودی 20 اکتوبر کو صبح تقریباً 11:15 بجے اتر پردیش کے صاحب آباد ریپڈ ایکس اسٹیشن پر دہلی-غازی آباد-میرٹھ آر آر ٹی ایس کوریڈور کے ترجیحی حصے کا افتتاح کریں گے۔ وہ ہندوستان میں ریجنل ریپڈ ٹرانزٹ سسٹم (آر آر ٹی ایس) کے آغاز کے موقع پر صاحب آباد سے دوہائی ڈپو کو جوڑنے والی ریپڈ ایکس ٹرین کو بھی جھنڈی دکھائیں گے۔ دوپہر 12 بجے کے قریب، وزیر اعظم صاحب آباد میں ایک عوامی پروگرام کی صدارت کریں گے جہاں وہ ملک میں آر آر ٹی ایس کے آغاز کے موقع پر حاضرین سے خطاب   بھی کریں گے۔ اس کے علاوہ، وہ بنگلورو میٹرو کے مشرقی مغربی کوریڈور کے دو حصوں کو بھی قوم کے نام وقف کریں گے۔

دہلی-غازی آباد-میرٹھ آر آر ٹی ایس کوریڈور

جس  17 کلو میٹر طویل ترجیحی دہلی-غازی آباد-میرٹھ آر آر ٹی ایس کوریڈور کا افتتاح کیا جائے گا، وہ صاحب آباد کو 'دوہائی ڈپو' سے جوڑ ے گا۔ راستے میں غازی آباد، گلدھر اور دوہائی کے اسٹیشن آئیں گے ۔دہلی-غازی آباد-میرٹھ کوریڈور کا سنگ بنیاد وزیر اعظم نے 8 مارچ 2019 کو رکھا تھا۔

نئے عالمی معیار کے ٹرانسپورٹ انفرااسٹرکچر کی تعمیر کے ذریعے ملک کے  علاقائی رابطوں میں یکسر تبدیل کرنے کے وزیر اعظم کے وژن کے مطابق، ریجنل ریپڈ ٹرانزٹ سسٹم (آر آر ٹی ایس) منصوبہ تیار کیا جا رہا ہے۔ آر آر ٹی ایس ایک نیا ریل پر مبنی، نیم تیز رفتار، ہائی فریکوئنسی مسافر ٹرانزٹ سسٹم ہے۔ 180 کلومیٹر فی گھنٹہ کی ڈیزائن اسپیڈ والا آر آر ٹی ایس ایک یکسر  تبدیلی لانے والا علاقائی ترقیاتی اقدام ہے، جو ہر 15 منٹ میں انٹرسٹی سفر کے لیے تیز رفتار ٹرینیں فراہم کرنے کے لیے ڈیزائن کیا گیا ہے، جو ضرورت کے مطابق ہر 5 منٹ کی فریکوئنسی پر چلائی  جا سکتی ہے۔

این سی آر میں تیار کیے جانے والے کل آٹھ آر آر ٹی ایس راہداریوں کی نشاندہی کی گئی ہے، جن میں سے  پہلے مرحلے میں تین راہداریوں کو نفاذ کے لئے  ترجیح دی گئی ہے  جن میں دہلی – غازی آباد – میرٹھ کوریڈور، دہلی – گروگرام – ایس این بی – الور کوریڈور اور دہلی – پانی پت کوریڈور شامل ہیں۔ دہلی-غازی آباد-میرٹھ آر آر ٹی ایس کوریڈور  کو 30,000  کروڑ روپے سے زیادہ کی لاگت سے تیار کیا جا رہا ہے جو غازی آباد، مراد نگر اور مودی نگر کے شہری مراکز سے گزرتے ہوئے ایک گھنٹے سے بھی کم وقت میں دہلی کو میرٹھ سے جوڑ ے گا۔

آر آر ٹی ایس ملک میں تیار کیا جا رہا  جدید ترین علاقائی نقل و حرکت کا ایک نظام  ہےجس کا موازنہ دنیا کے بہترین نظاموں سے کیا جا سکتا ہے۔ یہ ملک میں محفوظ، قابل بھروسہ اور جدید انٹرسٹی کمیوٹنگ سولیوشن فراہم کرے گا۔ پی ایم گتی شکتی نیشنل ماسٹر پلان کے مطابق، آر آر ٹی ایس نیٹ ورک میں ریلوے اسٹیشنوں، میٹرو اسٹیشنوں، بس خدمات وغیرہ کے ساتھ  وسیع ملٹی موڈل  انٹریگریشن ہوگا۔اس طرح کا یکسر تبدیلی لانے والا علاقائی نقل و حرکت کا نظام  خطے  میں معاشی سرگرمیوں کو فروغ دے گا، روزگار، تعلیم اور حفظان صحت  کےمواقع تک بہتر سہولت فراہم کرے گا اور فضائی آلودگی کو نمایاں طور پر کم کرنے میں مدد کرے گا۔

بنگلورو میٹرو

دو میٹرو اسٹریچیز جو باضابطہ طور پر وزیر اعظم کے ذریعہ قوم کے نام وقف کئے جائیں  گے  ،بیپاناہلی کو کرشن راج پورہ سے اور کینگیری کو چلاّگھٹہ سے جوڑیں گے۔ یہ دونوں میٹرو اسٹریچز 9 اکتوبر 2023 سے عوامی خدمت کے لیے کھول دیے گئے تھے تاکہ رسمی افتتاح کا انتظار کیے بغیر اس راہداری پر عوام کو سفر کی سہولت فراہم کی جا سکے۔

**********

ش  ح۔ م م  ۔ ج

UNO-10968