ঙসি প্রধান মন্ত্রীগী ওফিসতা প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রানা লুচিংদুনা দিল্লি-এন.সি.আরদা নুংশিৎ শেংদবগী মতাংদা অৱাংবা থাক্কী তাক্স ফোর্সকী মীফম পাংথোকখ্রে। নিংথম থা য়ৌরকপগা লোয়ননা দিল্লি-এন.সি.আরদা নুংশিৎকী ফিবম ফৎজিল্লক্ত্রিবা অসি থেংননবা তোঙান-তোঙানবা মরী লৈনবশিংনা থৌরাং তৌরিবা অসি হন্না য়েংশিন্নবা মীফম অসি পাংথোকপনি।

উদোগকী পোল্লুসন, গারিগী পোল্লুসন, য়ুম-কৈ শাবা অমসুং য়ুম শিদোকপগী থবকশিংদগী থোরকপা উফুল, লম্বীশিং অমসুং আর.ও.দব্লিউশিংগী উফুলশিং, মিউনিসিপাল সোলিস ৱেস্ত মৈ থাবা, বাইওমাস অমসুং অতোপ্পা অমোৎপা, চরু মৈ থাবা য়াওনা তোঙান-তোঙানবা নুংশিৎ মোৎহনবগী হৌরকফশিং হন্থহন্নবা পায়খৎলিবা থবকশিংগী মতাংদা মীফম অদুদা প্রিন্সিপাল সেক্রেতরিনা খন্নখি। নুংশিৎ মোৎপা হন্থহন্নবা উ থাবগী থবকশিং পায়খৎনবসু মীফম মনুংদা খন্নখি।

গ্রেদেদ রেসপোন্স এক্সন প্লান(জি আর এ পি), মসি য়েংশিনবা অমসুং থবক ওইনা পায়খৎপা হেনগৎহন্নবগী মতাংদসু প্রিন্সিপাল সেক্রেতরিনা খন্নখি। মহাক্না হায়খি দিল্লি-এন.সি.আরদা নুংশিৎকী ফিবম ফৎজিল্লক্ত্রিবা অসি থেংননবা জি.আর.এ.পিদা য়াওরবা থবকশিং মরী লৈনবশিংনা চপ চানা পায়খৎপা অসি য়াম্না মরুওই।

সি.এ.ক্বিউ.এমগী চিয়ারমেন দোক্তর এম.এম.কুত্তিনা হায়খি এন.সি.আরগী উদোগশিং মৈখু থাংদবা ফুয়েলশিং শীজিন্নবা হৌরে অমসুং উদোগকী মফম ২৪০গী মনুংদা মফম ২১১ হান্ননা সি.এন.জি কন্নেক্সন লৈখ্রে। থাউ শীজিন্নবা উদোগ ৭৭৫৯গী মনুংদা, উদোগ ৭৪৪৯ পি.এন.জি/অয়াবা পীরবা থাউশিং শীজিন্নরে।

সি.এ.ক্বিউ.এমগী চিয়ারমেন্না হায়খি ই-ভেহিকলশিং শীজিন্নবা হেনগৎলক্লে অমসুং হৌজিক এন.সি.আরদা ই-ভেহিকল ৪,১২,৩৯৩ রেজিস্তার তৌরে। ই-বস মশিং অমসুং চার্জ তৌফম স্তেসনশিংগী মশিংশু হেনগৎলে অমসুং হৌজিক দিল্লিদা ই.ভি চার্জ তৌফম ৪৭৯৩ লৈরে।

য়ুম-কৈ শাবা অমসুং য়ুম শিদোকপগী থবকশিংদগী থোরকপা অমোৎপশিং লোইশিনবগী মতাংদা সি.এ.ক্বিউ.এমনা হায়খি নোংমদা অমোৎপা তন ৫১৫০  লোইশিনবা ঙম্বা য়ুম-কৈ শাবা অমসুং য়ুম শিদোকপগী থবকশিংদগী থোরকপা অমোৎপশিং লোইশিন্নবা মফম ৫ লৈরে অমসুং দিল্লিদা নোংমদা তন ১০০০ লোইশিনবা ঙমগদবা অতোপ্পা সেন্তর অমা থবক হৌরগনি। উত্তর প্রদেসতা নোংমদা অমোৎপা তন ১৩০০ লোইশিল্লি অমসুং অতোপ্পা সেন্তর ২ থবক হৌনবা থৌরাং তৌদুনা লৈরে। হায়রিবা রাজ্যশিং অসিদা য়ুম-কৈ শাবা অমসুং য়ুম শিদোকপগী থবকশিংদগী থোরকপা অমোৎপশিং লোইশিনবগী থবক ফগৎহন্নবা খঙহনখ্রে।

পঞ্জাব, হরিয়ানা অমসুং উত্তর প্রদেসতা চরু মৈ থাবা হন্থহন্নবা পায়খৎলিবা থবকশিংগী মতাংদা প্রিন্সিপাল সেক্রেতরিনা হায়খি ৱাফম অসি রাজ্যশিং অসিগী প্রিন্সিপাল সেক্রেতরিশিংনা য়াম্না কুপ্না য়েংশিল্লি। ক্রোপ রেসিদু মেনেজমেন্ত মেছিনশিং অমসুং বাইও-দিকম্পোজরশিং শীজিন্নদুনা লৌফমদা চরু লোইশিন্নবা থবক পায়খৎকদবনি। ইন্দিয়ান কাউন্সিল ওফ এগ্রিকলচরেল রিছার্সনা তেক্নোলোজি ফগৎহনগদবনি। লৌফমগী ৱাংমদা চরু লোইশিন্নবা, শেন-থুম তানবগী থবকশিংদা চরু শীজিন্নবগী পাম্বৈশিং পুথোক্নবা হোৎনগদবনি। চরু পুন্নবা, পৈদুনা থম্নবা অমসুং লীদুনা থম্নবা মতিক চাবা ইনফ্রাস্ত্রকচর শেমগৎকদবনি। চরু, নাপী  মৈ থাবা অমসুং থর্মেল পৱার প্লান্তশিংগী বাইওমাসশিংগী মথক্তা অকনবা থবক লৌখৎনবসু খন্নখি।

মীফম মনুংদা প্রিন্সিপাল সেক্রেতরিনা হায়খি বাইওমাস পেল্লেতশিং লৈশিনবা, পৱার মিনিস্ত্রিনা পীবা মমল চৎনবা, গ্যাস ইনফ্রাস্ত্রকচর ফগৎহনবা অমসুং মার্চ ২০২৪ ফাওবদা এন.সি.আর লমদম শীনবা থুংনা গ্যস ফংহনবা অমসুং দরকার লৈবা মফমদা বাইওমাস য়াংনা ফংহনবা য়াওনা তোঙান-তোঙানবা পাম্বৈশিং খন্নরে। চহি হেল্লবা গারিশিং অমসুং মৈখু থোকপা উরবা গারিশিং শীন্দোক্নবা অমসুং মরী লৈনবা খুদিংমক্না জি.আর.এ.পিদা য়াওরিবা থবকশিং মপুংফানা পাংথোক্নবা তকশিনখ্রে।

মীফম অদুদা ভারত সরকারগী ইনভাইরোনমেন্ত, এগ্রিকলচর, পৱার, পেত্রোলিয়ম, রোদ ত্রান্সপোর্ত অমসুং হায়ৱেজ, হাওসিং অমসুং অর্বান এফেয়ার্স, এনিমেল হসবেন্দরি অমসুং দাইরিয়িং মিনিস্ত্রিশিংগী সেক্রেতরিশিং, এন.সি.আরগী কম্মিসন ফোর এয়র ক্বালিতি মেনেজমেন্ত, পঞ্জাব, হরিয়ানা, উত্তর প্রদেস, রাজস্থান অমসুং দিল্লি এন.সি.আরগী চীফ সেক্রেতরিশিং, সেন্ত্রেল পোল্লুসন কন্ত্রোল বোর্দ অমসুং স্তেৎ পোল্লুসন কন্ত্রোল বোর্দশিং শরুক য়াখি।

****