প্রধান মন্ত্রী, শ্রী নরেন্দ্র মোদীনা ঙসি নই দিল্লীগী মেজর ধ্যান চন্দা স্তেদিয়মদা এসিয়ন গেম্স 2022দা শরুক য়ারুবা ভারতকী শান্নরোবশিংগী কন্তিঞ্জেন্ততা ৱা ঙাংখ্রে। মহাক্না শান্নরোয়শিংগসু ৱারী শাখি। ভারতনা এসিয়ন গেম্স 2022দা গোল্দ মেদল 28 য়াওনা পুন্না মেদল 107 লৌরক্তুনা মসিনা কন্তিনেন্তেল মলতি-স্পোর্ত ইভেন্তদা ফংলকপা মেদলগী অপুনবা মশিংদা য়েংবদা খ্বাইদগী ফজবা পরফোর্মেন্স ওইহনখ্রে।

কন্তিঞ্জেন্ততা ৱা ঙাংলদুনা প্রধান মন্ত্রীনা প্রজা খুদিংমক্কী মহুৎ শিন্দুনা মখোয়বু তরাম্না ওকখি অমসুং মখোয়গী মাইপাকপদা নুংঙাইবা ফোঙদোকখি। নীংথিনা চান্নরুবা ওইনা এসিয়ন গেমসকী হৌদোকপগী ইদিসন অসি হায়রিবা স্তেদিয়ম অসিমক্তদা 1951দা পাঙথোকখি হায়না প্রধান মন্ত্রীনা নীংশিংখি। প্রধান মন্ত্রীনা হায়খি মদুদি শান্নরোয়শিংআ উৎখিবা থৌনা অমসুং অখাং কনবা অদুনা লৈবাক্কী কাচিন কোয়া  খুদিংমক্তা হরাও নুংঙাইবা পোকহনখি। মেদল 100 হেন্না লৌনবা পান্দম থমখিবা অসিদা হোৎনখিবা অদুবু শীংথারদুনা প্রধান মন্ত্রীনা লৈবাক পুম্বনা চাউথোকচবা পোক্লি হায়না ফোঙদোকখ্রে। মহাক্না কোচশিং অমসুং ত্রেনরশিংদসু নুংঙাইবা ফোঙদোকখি অমসুং ফিজিওশিং অমসুং ওফিসিএলশিংবু মখোয়না শরুক তমখিবশিংগীদমক থাগৎখি। প্রধান মন্ত্রীনা শান্নরোয়শিংগী মমা-মপাদা মকোক নোন্না খুরুমখি অমসুং ইমুং মনুংশিং অসিনা শরুক তমখিবা অমসুং কত্থোকখিবা অদুসু ফোঙদোকখ্রে। “ত্রেনিং গ্রাউন্দদগী পোদিয়ম ফাওবা মমা-মপাশিংগী মতেং য়াওদনা খোঙচৎ অসি ওইথোকপা ঙমলোই,” হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায়খি, “নখোয়না পুৱারী শেমখ্রে। এসিয়ন গেম্স অসিগী মশিং অসি ভারতকী মাইপাকপগী খুদমনি। মসি ঙসি ফাওবগী ওইনা এসিয়ন গেম্সতা ভারতকী খ্বাইদগী ফজবা পরফোর্মেন্স ওইখি। ঐখোয়না অচুম্বা মাইকৈদা চংশিনবা হায়বা অসি চাউথোকচবা পোক্নীংঙাই ওইবা ৱাফম অমনি”। মহাক্না কোরোনা ভেক্সিন পুথোক্নবা হোৎনবা মতমদা চীংনবা পোকখিবা অদু নীংশিংখি অমসুং হায়খি ঐখোয়না পুন্সিশিং কনবদা মাইপাকখিবা অমসুং লৈবাক 250 মতেং পাংবা মতমদা অচুম্বা মাইকৈদা চংশিনবগী চপ মান্নবা ইথিল অসি পোকখি।

মেদল তেল্লী খ্বাইদগী ৱাংবা ওইখি হায়দুনা প্রধান মন্ত্রীনা শুতিং, অর্চরী, স্ক্বাশ, রোৱিং, নুপীগী বোক্সিংদা মেদলশিং খ্বাইদগী ৱাংনা ফংখি অমসুং নুপী  অমদি নুপাগী ক্রিকেৎ ইভেন্তশিং, স্ক্বাশ মিক্স দবল্সতা অহানবা গোল্দ মেদল লৌখি হায়না ফোঙদোকখ্রে। মহাক্না মতম কয়াগী মতুংদা ইভেন্ত খরদা মেদলশিং লৌবা ঙমখি হায়রদুনা নুপীগী শোত পুৎ (চহি 72), 4x4 100 মিতর্স (চহি 61), ইক্বেস্ত্রিয়ন (চহি 41) অমসুং নুপাগী বেদমিন্তন (চহি 40) হায়রবশিং অসি খুদম ওইনা পীখি। “নখোয়না হোৎনখিবনা মরম ওইরগা দিকেদ কয়া ঙাইরকপা অদু ফংবা ঙমখি”, হায়না প্রধান মন্ত্রীনা ফোঙদোকখ্রে।

প্রধান মন্ত্রীনা ভারতনা শরুক য়াখিবা গেম পুম্নমক্তা অয়াম্বনা মেদলশিং লৌরকপা ঙম্বনা ভারতনা কেনভস পাকথোক চাউথোকহনখি হায়না ফোঙদোকখ্রে। য়ামদ্রবদা ইভেন্ত 20দা ভারতনা পোদিয়ম ফিনিশ ঙমখিদবা য়াওখি। “নখোয়না একাউন্ত হাংবা ঙম্বতা নত্তনা হৌরক্লিবা মীরোলদা ইথিল অমা পীনবা লম্বী অমা য়াৎলমখি। মসি এসিয়ন গেম্সতগী হেন্না য়ৌশিনবা ঙমলগনি অমসুং ঐখোয়না ওলিম্পিক্সকী মাইকৈদা চংশিনবদা অনৌবা থাজবা অমা পীরগনি”, হায়না মহাক্না মখা তাখি।

প্রধান মন্ত্রীনা নুপী শান্নরোয়শিংনা শরুক তমখিবশিং অদুদা চাউথোকচবা ফোঙদোকখ্রে অমসুং মসিনা ভারতকী মমোমশিংগী মতিক-ময়াই অদু উৎলি হায়খ্রে। মহাক্না হায়খি লৌরকখিবা মেদল পুম্নমক্কী মনুংদা তঙ্খাই হেনবদি নুপী শান্নরোয়শিংনা লৌখিবনি অমসুং মসিগী মাইপাকপগী স্ত্রিং অসি নুপীগী ক্রিকেৎ তীমদগী হৌখি। মহাক্না হায়খি অয়াম্বা মেদলশিং নুপীনা বোক্সিদা লৌরকখিবনি। মহাক্না নুপীগী এথলেতিক্স তীমবু মখোয়গী ফজরবা পরফোর্মেন্সকীদমক থাগৎলদুনা হায়খি, “ভারতী মমোমশিংনা ত্রেক এন্দ ফিল্দ ইভেন্তশিংদা নম্বর 1দগী তাবা করিগুম্বা অমত্তা পামখিদে”। প্রধান মন্ত্রীনা হায়খি, “মসি অনৌবা ভারতকী থৌনা অমসুং শক্তি অদুনি”। প্রধান মন্ত্রীনা হায়খি অনৌবা ভারতনা ফাইনেলগী ফেব্রী খোঙদ্রিবা ফাওবা অমসুং ৱিন্নর লেপত্রিবা ফাওবা কৈদৌনুংদা চংশিনবা লেপ্পোই। “অনৌবা ভারতনা মতম পুম্বদা মাগী খ্বাইদগী ফজবা অদু উৎনবা হোৎনগনি”, হায়না মহাক্না ফোঙদোকখ্রে।

প্রধা মন্ত্রীনা হায়খি ভারত্তা তেলেন্তকী অৱাৎপা লৈতে অমসুং শান্নরোয়শিংনা মমাংদসু নীংথিনা পরফোর্ম তৌখি অদুম ওইনমক শীংনবা কয়ানা মরম ওইরগা ঐখোয়না মেদল লৌবা ঙমদনা লাকখি। মহাক্না 2014গী মতুংদা পাইখৎখিবা মোদর্নাইজেসন অমসুং ত্রান্সফোর্মেসনগী খোঙথাংশিংগী মতাংদা শন্দোক্না হায়খি। মহাক্না হায়খি মদুদি শান্নরোয়শিংদা খ্বাইদগী ফবা ত্রেনিং ফেসিলিতীশিং ফংহনবা, শান্নরোয়শিংদা নেস্নেল অমসুং ইন্তর্নেস্নেল এক্সপোজর য়ারিবা মখৈ ফংহনবা, সেলেক্সন তৌবদা ত্রান্সপরেন্সী লৈহনবা অমসুং খুঙ্গংগী মফমশিংদগী তেলেন্তশিংদা খুদোংচাবা চাউনা পীনবা ভারতকী খোঙথাং অসি লৌখৎখি। মহাক্না হায়খি স্পোর্তসকী বজেৎ অসি চহি মাপনগী মমাংগা য়েংনবদা শরুক অহুম হেনগৎহনখি। খেলো গুজরাতনা রাজ্য অসিগী স্পোর্তিং কলচরদ করম্না অওনবা পুরকখিবগে হায়বা নীংশিংলদুনা প্রধান মন্ত্রীনা “ঐখোয়গী TOPS অমসুং খেলো ইন্দিয়া স্কিমনা গেম চেঞ্জর অমা ওইখি” হায়না ফোঙদোকখ্রে। মহাক্না এদিয়দ কন্তিঞ্জেন্তদাগী শান্নরোয় 125রোমদি খেলো ইন্দিয়া কেম্পেনদগী পুথোকখিবনি, মসিগী মনুংদা 40 হেনবনা মেদলশিং লৌরকখি। “খেলো ইন্দিয়া শন্নরোয় কয়াগী মাইপাকপা অসিনা কেম্পেন অসি অচুম্বা মাইকৈদা চংশিল্লি তাক্লি”, হায়না মহাক্না ফোঙদোকখ্রে। খেলো ইন্দিয়াগী মখাদা শান্নরোয় 300 হেনবনা ত্রেন তৌরি। শান্নরোয়শিং অসিনা চহিদা লুপা করোর লাখ 6 হেনবগী স্কোলরশিপশিং ফংলি। “স্কিম অসিগী মখাদা শান্নরোয়শিংদা হৌজিক লুপা  করোর লিশিং 2.5রোমগী তেংবাং ফংহল্লি। নখোয়না হোৎনবদা শেলগী অৱাৎপা কৈদৌনুংদা লৈহল্লোই হায়না মহাক্না থাজবা পীখি। সরকারনা নখোয়গীদমক অমসুং স্পোর্তসকীদমক মথংগী চহি মঙা অসিদা লুপা করোর লিশিং 3 হেন্না চাদিং তৌরগনি। ঙসি লৈবাক্কী কাচিন কোয়া খুদিংদা নখোয়গীদমক মোদর্ন ইনফ্রাস্ত্রকচর শেমগৎলি”, হায়না শ্রী মোদীনা মখা তাখি।

প্রধান মন্ত্রীনা মেদল লৌরকখিবশিংগী মরক্তা চহি নৌরিবা শান্নরোয়শিং য়াওবদা নুংঙাইবা ফোঙদোকখ্রে। “মসি স্পোর্তিং নেসন অমগী খুদমনি। অনৌবা চহি নৌরিবা ৱিন্নরশিং অসিনা মতম শাংনা লৈবাক্কীদমক শীংথানীংঙাই ওইনা পরফোর্ম তৌরগনি। নৌরিবা ভারতকী অনৌবা ৱাখল্লোন অসি শুপ্নগী ফজবা পরফোর্মেন্স খক্তদা অপেনবা ওইদে মনা মেদলশিং পাম্মি অমসুং থোইবা পাম্মি”, হায়না মহাক্না ফোঙদোকখ্রে।

হৌরক্লিবা মীরোলশিংগী মরক্তা শীজিন্নরিবা কম্মন লিঙ্গোগী মতাংদা “ঐখোয়গী শান্নরোয়শিং অসি লৈবাক্কীদমক 'GOAT' হায়বদি গ্রেতেস্ত ওফ ওল তাইম ওইরি”, হায়না প্রধান মন্ত্রীনা ফোঙদোকখ্রে। হৌরক্লিবা মীরোলশিংদা শান্নরোয়শিংনা পীরিবা ইথিলগী মতাংদা প্রধান মন্ত্রীনা নহারোল কয়াগা কন্নেক্ত তৌদুনা পোজিতিব ইনর্জী অসি নীংথিনা শীজিন্ননবা হায়খ্রে। শান্নরোয়শিংদা স্কুলশিংদা চৎনবা অমসুং অঙাংশিংগা ৱারী ৱাতাই শানবা মহাক্কী সজেসন অদু নীংশিংলদুনা প্রধান মন্ত্রীনা শান্নরোয়শিংদা নিশাগী ফত্তবশিং অমসুং মখোয়না কেরিয়র অমদি পুন্সি করম্না মাংহনবগে হায়বগী মতাংদা নহারোলশিংদা এৱের্নেস পীনবা হায়খি। লৈবাক অসিনা নিশাগী মায়োক্তা অকনবা লান অমা শোক্নরি হায়না ফোঙদোক্লদুনা মহাক্না শান্নরোয়শিংদা নিশা অমসুং ফত্তবা হীদাক লাংথংশিংগী মরমদা মখোয়না খুদোংচাবা ফংবদা ঙাংনবা হায়খ্রে। মহাক্না মখোয়না নিশাগী মায়োক্তা চত্থরিবা লান অসি মপাঙ্গল কনখৎহন্নবা অমসুং দ্রগ-ফ্রী ইন্দিয়া ওইহন্নবা মিসন মাংদা পুনবসু হায়খ্রে।

প্রধান মন্ত্রীনা মশা-মউ ফনা লৈনবা সুপর-ফুদশিংগী মরু ওইবা অদুসু থমলদুনা শান্নরোয়শিংদা লৈবাক্কী অঙাংশিংদা মচি ওইবা চীঞ্জাক চাবদা মরু ওইবা মীৎয়েং থম্নবা এৱের্নেস পীনবসু হায়খ্রে। মহাক্না মখোয়দা অঙাংশিংগা কন্নেক্ত তৌদুনা অচুম্বা চাবা থকপগী হৈনবীশিংগী মরমদা ৱারী শাবীনবা হায়খি অমসুং মখোয়না মিল্লেৎ মুফমেন্ত অমসুং পোশন মিসনদা অচৌবা থৌদাং লৌনবা হায়খি।

প্রধান মন্ত্রীনা স্পোর্তিং এরেনাদা মাইপাকপা অসিবু লৈবাক্কী ওইনা মাইপাকপশিংগী অচৌবা কেনভসকা লিঙ্ক তৌখি। “ঙসি ভারতা মালেমগী ফম্পাক্তা মরু ওইবা মফম অমা কনবা ঙম্লে, নখোয়না স্পোর্তসকী লমদসু মসি উৎপা ঙমখি। ঙসি ভারতনা মালেমগী তোপ-3 ইকনোমী ওইনবা মাইকৈদা চংশিল্লি, ঐখোয়গী নহারোলনা মসিদগী হকথেংননা কান্নবা ফংলি”, হায়না মহাক্না ফোঙদোকখ্রে। মহাক্না হায়খি মান্নবা মাইপাকপশিং স্পেস, স্তার্তঅপশিং, সাইন্স অমসুং তেক্নোলোজী অমসুং ওন্তপ্রিনোর্শিপতসু ফংবা ঙম্লে। “ভারতকী নহারোলগী মতিক-ময়াই অসি সেক্তর খুদিংমক্তা উবা ফংই”, হায়না মহাক্না ফোঙদোকখ্রে।

চহি অসিগী এসিয়ন গেম্সকীদমক খনখিবা স্লোগান ‘100 পার’গী মতাংদা পল্লদুনা “লৈবাক অসিনা শান্নরোয় পুম্নমক্তা চাউনা থাজবা থম্মি”, হায়না প্রধান মন্ত্রীনা ফোঙদোকখ্রে। শ্রী মোদীনা রেকোর্দ অসি মথংগী ইদিসন্দসু হেন্না হেনগৎহনবা ঙমগনি হায়বগী থাজবা ফোঙদোকখি। পেরিস ওলিম্পিক্স অসি লাক্কদৌরে হায়না ফোঙদোক্লদুনা প্রধান মন্ত্রীনা মখোয়দা মথৌ পুক্নিং চংনা শেম-শানবা হায়খ্রে। মহাক্না হন্দক মাইপাকপা ঙমহৌদ্রবা শান্নরোয় পুম্নমকপুসু থৌগৎখি অমসুং মখোয়গী অশোইবশিংদগী তমশিন্দুনা নৌনা হোৎননবা হায়খ্রে। শ্রী মোদীনা ওক্তোবর 22দা পাঙথোক্কদৌরিবা পেরা এসিয়ন গেম্সকী শান্নরোয় পুম্নমক্তা মহাক্না য়াইফ মঙ্গোলসু পীখ্রে।

থৌরম অসিদা কেন্দ্রগী য়ুথ এন্দ স্পোর্তস এফিয়র্স মন্ত্রী, শ্রী অনুরাগ সিংহ থাকুরসু শরুক য়াখি।

বেকগ্রাউন্দ

এসিয়ন গেম্সতা মখোয়গী অখন্নবা মাইপাকপা অদুগীদমক শান্নরোয়শিং থাগৎপা ফোঙদোক্নবা অমসুং তুংগী কম্পিতিসনশিংগীদমক মখোয় পুক্নিং থৌগৎনবা প্রধান মন্ত্রীনা লমজিংদুনা থৌরম অসি পাংথোকপনি। এসিয়ন গেম্স 2022দা ভারতনা সনাগী মেদল 28 য়াওনা অপুনবা মেদল ১০৭ ফংখি। হন্দক্কী এসিয়ন গেম্স অসি ভারতনা মেদল মশিং খ্বাইদগী য়াম্না ফংবা গেমসনি।

এসিয়ন গেম্সকী ভারত কন্তিঞ্জেন্ততগী শান্নরোয়শিং, মখোয়গী কোচশিং, ইন্দিয়ান ওলেম্পিক এসোসিএসনগী ওফিসিএলশিং, নেসনেল স্পোর্তস ফেদেরেসনশিংগী মীহুৎশিং অমসুং য়ুথ এফেয়ার্স অমসুং স্পোর্তস মিনিস্ত্রিগী ওফিসিএলশিং থৌরম অসিদা শরুক য়াখি।

Interacting with our incredible athletes who represented India at the Asian Games. Their outstanding performances exemplify true spirit of sportsmanship. https://t.co/SAcnyJDTlc

— Narendra Modi (@narendramodi) October 10, 2023

The entire country is overjoyed because of the outstanding performance of our athletes in the Asian Games. pic.twitter.com/lo6bdvJLVn

— PMO India (@PMOIndia) October 10, 2023

India's best performance in the Asian Games. pic.twitter.com/gckrEc49QW

— PMO India (@PMOIndia) October 10, 2023

India's Nari Shakti has excelled in the Asian Games. pic.twitter.com/RwddVWXu1h

— PMO India (@PMOIndia) October 10, 2023

भारत की बेटियां, नंबर वन से कम में मानने को तैयार नहीं हैं। pic.twitter.com/No2AJvONhk

— PMO India (@PMOIndia) October 10, 2023

Our players are the 'GOAT' i.e. Greatest of All Time, for the country. pic.twitter.com/51w118A0B1

— PMO India (@PMOIndia) October 10, 2023

*****