ভারত লৈঙাক্কী হাউজিং অমসুং অর্বান এফ্যার্স মন্ত্রালয় (মোহুৱা)না সেপ্তেম্বর ২৬-২৭, ২০২৩দা মধ্য প্রদেশগী ইন্দোরদা লৈবা ব্রিলিএন্ত কনভেন্সন সেন্তরদা ইন্দিয়া স্মার্ত সিতিজ কনক্লেব ২০২৩ পাঙথোক্কদৌরি‍। কনক্লেব অসিদা অর্বান ইনোভেসনগী লমদা মাঙজিল থাদুনা ময়োল্লম শেমগৎপগী থবক থৌরমশিংদা অনৌবা অওনবা অমা পুরকপদা মাঙজিল থারিবা স্মার্ত সিতী ১০০না শরুক য়াগদৌরি‍। থৌরম অসিনা ময়োল্লমশিং অসিদা লৈবাকসিদা ময়োল্লমদা অওনবা পুরকপগী তুংগী লম্বী য়াৎপদা মতেং পাংনবগীদমক মিসন অসিগী মখাদা পায়খৎলিবা শিংথানিংঙাই ওইরবা মখোয়গী থবক থৌরমশিং উৎননবা ফম্পাক অমা পীগনি‍।

রাস্ত্রপতী, শ্রীমতী দ্রৌপদী মুরমুনা সেপ্তেম্বর ২৭, ২০২৩দা ইন্দিয়া স্মার্ত সিতিজ এৱার্দ কন্তেস্ত (আই.এস.এ.সি.) ২০২২গী মরিশুবা ইদিসন্দা থোইখিবশিংবু ওক্কনি‍। আই.এস.এ.সি. অসি ২০১৮দগী হৌরগা ভারত লৈঙাক্কী হাউজিং অমসুং অর্বান এফ্যার্স মন্ত্রালয়গী স্মার্ত সিতিজ মিসনগী মখাদা পাঙথোক্তুনা লাকপনি‍। মসি মিসন অসিগী মখাদা, মাঙজিল থাবা লাল্লোং, প্রোজেক্ত অমদি ৱাখল্লোনশিংবু শকখঙদুনা শিংথানিংঙাই ওইনা তৌথোরকপশিং মনা পীননবা, পীর-পীর লর্নিং লৈহন্নবা অমদি খ্বায়দগী ফবা থবক থৌওংশিং পাক শন্না শন্দোক্নবগীদমক পায়খৎবা মরুওইবা থবক থৌরমশিংগী মনুংদা অমনি‍।

কনক্লেব অসিদা মধ্য প্রদেশকী গভর্নর শ্রী মঙ্গুভাই সি. পতেল, মোহুৱা মন্ত্রী শ্রী ঐর্দীপ সিংহ পুরী, মধ্য প্রদেশকী মুখ্য মন্ত্রী শ্রী সিবরাজ সিংহ চৌহান, লেবর অমদি এমপ্লোইমেন্ত, এনভাইরনমেন্ত, ফোরেস্ত অমদি ক্লাইমেৎ চেঞ্জকী কেন্দ্র মন্ত্রী শ্রী ভুপেন্দ্র য়াদব, ইলেক্ত্রোনিক্স অমদি ইনফোর্মেসন তেক্নোলোজী, কম্ম্যুনিকেসন, রেলৱেজকী কেন্দ্র মন্ত্রী শ্রী অস্বিনী বৈষ্ণব, মোহুৱাগী এম.ও.এস. শ্রী কৌসল কিসোর অমদি মধ্য প্রদেশকী অর্বান দিভেলপমেন্ত মন্ত্রী শ্রী ভুপেন্দ্র সিংহ য়াওনা তোঙান তোঙানবা মীথুংশিংনা শরুক য়াগদৌরি‍।

মখোয়গী মথক্তা, মধ্য প্রদেশ লৈঙাক্কী মকোক থোংবা ওফিসরশিং, স্মার্ত সিতী ১০০ মক্কী মেয়র অমদি কম্মিস্নরশিং, ইন্দস্ত্রী খোঙবুশিং, একাদমিয়া অমদি স্মার্ত সিতিজ মিসনগা মরী লৈনবা সিভিল সোসাইতী ওর্গনাইজেসনশিংসু শরুক য়াগনি‍।

হায়রিবা থৌরম অসি নুমিৎ নিনিগী থৌরম ওইনা: সেপ্তেম্বর ২৬ অমদি ২৭, ২০২৩দা পাঙথোক্নবা থৌরাং তৌবনি‍। থৌরম অসিগী মচা খায়বা এজেন্দা এনেক্সচর এ দা পীরি‍। কনক্লেব অসিগী অহানবা নুমিত্তা আই.এস.এ.সি. ২০২২গী মখাদা মনা ফংলবা প্রোজেক্তশিং উৎপা একজিবিসন অমা হৌদোক্কনি‍। নুমিৎ অসিদা স্মার্ত সিতীশিংগী চীফ একজিক্যুতিব ওফিসর (সি.ই.ও.)শিংগী ওইবা মীফম অমদি ইন্দোর অমসুং উজেন্দা স্মার্ত সিতিজ মিসনগী মখাদা পায়খৎপা মশক নাইবা প্রোজেক্তশিংগী মফমদা চৎপা খোঙচৎশিংসু লৈগনি‍।

নিনি চনবা নুমিত্তা অথোইবা মীথউংনা আই.এস.এ.সি. ২০২২গী মনাশিং লান্থোকপনা মরুওইবা থৌরম ওইগনি, মসিদা স্তেত/য়ু.তি. ৫ অমদি তোপ তোপ্পা ময়োল্লম ৩১ অমসুং খোঙবু লূপ ৭তা মনা মথুম লান্থোক্তুনা ইকায় খুম্নবা উৎকনি‍। আই.এস.এ.সি. এৱার্দতা অথোইবা ৬৬ য়াওরি, মসিগী মচা খায়বা লিস্ত এনেক্সচর বি দা পীরি‍। মসিগী মথক্তা, স্মার্ত সিতিজ মিসন্না রিপোর্ত মরি মমিং ওইনা আই.এস.এ.সি. ২০২২ এৱার্দ কম্পেন্দিয়ম, রিপোর্ত বাই য়ু.এন. হেবিতেত: স্মার্ত সিতিজ মিসন – লোকেলাইজিং সস্তেনেবল দিভেলপমেন্ত গোল্স, কম্পেন্দিয়ম ওফ নিউজলেত্তর্স ওফ এস.সি.এম. এন্দ আই.এস.এ.সি. ২০২৩ এৱার্দ পমফ্লেৎসু কনক্লেব অসিগী মনুংদা পুথোক্কনি‍। মনা মথুম য়েন্থোকপা অমদি রিপোর্তশিং পুথোক্লবা মতুংদা, মনা ফংলিবা স্মার্ত সিতীশিংগী চীফ একজেক্যুতিব ওফিসর (সি.ই.ও.)শিংনা মখোয়না থেংনরকপশিং অমদি তমশিলহৌবশিং ময়ামগী মফমদা পাউদমগনি‍। নুমিৎ অসিগী থৌরম কল্চরেল থৌরম অমগা লোয়ননা লোইশিনগনি‍।

স্মার্ত সিতিজ মিসনগী চাউরাকপা মশক

জুন ২৫, ২০১৫দা হৌদোকখিবা স্মার্ত সিতিজ মিসন্না ‘স্মার্ত সোলুসন’শিং শীজিন্নদুনা মখোয়গী মীয়ামদা মরুওইবা মচাক মথুম, তরু তরুবা অমদি তুং কোইগদবা মহৌশাগী অকোয়বগী ফীভম অমদি পুন্সিগী মতিং লৈবা মহাউ পীননবা পান্দম থম্লি‍। মসি লৈবাকসিদা ময়োল্লম শেমগৎপগী থবক থৌওংশিংদা তোঙানবা অহোংবা অমা পুরক্নবা পান্দম থম্লিবা অওনবা পুরক্কদবা মিসন অমনি‍। ঙসি ফাওবদা, লুপা করোর লাখ ১.১ হেনবগী প্রোজেক্ত ৫,০০০+ লোইশিনখ্রে অমদি লেমহৌরিবা প্রোজেক্তশিং জুন ৩০, ২০২৪ ফাওবদা লোইশিল্লগনি‍।

মিসন অসিদা ফংবা ঙম্লবা খ্বায়দগী শিংথানিংঙাই ওইরবা পন্দোল হায়রগদি স্মার্ত সিতী ১০০ মক্তা মথৌ তৌবা হৌখ্রবা ইন্তিগ্রেতেদ কম্মান্দ এন্দ কন্ত্রোল সেন্তর (আই.সি.সি.সি.) শিং অসিনি‍। হায়রিবা আই.সি.সি.সি.শিং অসিনা ময়োল্লমগী মেনেজমেন্তকীদমক তেক্নোলোজী শীজিন্নরিবা সিতী ওপরেসনগী থোপ অমদি নর্ভস সিস্তেম ওইনা থবক তৌরি‍। অর্বান সর্ভিসশিং অসিনা ক্রাইম ত্রেক্কিং, মীয়ামগী সেফ্তী অমদি সিক্যুরিতী, ত্রান্সপোর্ত মেনেজমেন্ত, সোলিদ ৱেস্ত মেনেজমেন্ত, ঈশিং থাদোক থাজিন তৌবা, দিজাস্তর মেনেজমেন্তনচিংবা খেন্নবা হীরমশিংদা মশক থোক্না ফীভম ফগৎহল্লে‍।

স্মার্ত সিতী ১০০না মোবিলিতী, ইনর্জী, ঈশিং, সেনিতেসন, সোলিদ ৱেস্ত মেনেজমেন্ত, মশক মচু থোকপা মীয়ামগী মফম, খুন্নাইগী মচা মথুম, স্মার্ত ওইবা লৈঙাক্লোন্নচিংবা খেন্নবা লমশিংদা প্রোজেক্তশিং পায়খৎলে‍। খুদম ওইনা, স্মার্ত মোবিলিতীগী লমদা লুপা করোর ২৪,২৬৫কী ওইগদবা প্রোজেক্ত ১,১৯২ লোইশিনখ্রে অমদি লুপা করোর ১৬,৯০৫গী ওইগদবা অতোপ্পা প্রোজেক্ত ৪৯৪গী থবক পায়খৎলি‍। স্মার্ত ইনর্জীগী লমদা, প্রোজেক্ত ৫৭৩ লোইশিনখ্রে অমদি ৯৪না থবক পায়খৎলি‍। ৱাতর সপ্লাই, সেনিতেসন অমদি হায়জীন (ৱাস)কী লমদা, লুপা করোর ৩৪,৭৫১গী ওইগদবা প্রোজেক্ত ১,১৬২ হেন্না লোইশিনখ্রে ঐমদি লুপা কর,র ১৮,৭১৬কী ওইগদবা অতোপ্পা প্রোজেক্ত ৩৩৩ পায়খৎলি‍। স্মার্ত সিতী ১০০না লুপা করোর ৬,৪০২গী ওইগদবা মীয়ামগী ওইবা মফম ১,০৬৩ হেন্না শেমগৎখ্রে অমদি লুপা কর,র ৫,৪৭০গী ওইগদবা অতোপ্পা প্রোজেক্ত ২৬০ পায়খৎলি‍। মখা তানা, লুপাক র,র ৮,২২৯গী ওইগদবা পব্লিক প্রাইভেত পার্ত্নরসিপ (পি.পি.পি.) প্রোজেক্ত ১৮০ লোইশিনখ্রে অমদি অতোপ্পা প্রোজেক্ত ২৭ পায়খৎলি‍। কৈথেল তৌনা শেমগৎপা অমদি স্তার্ত-অপ ইনকুবেসন সেন্তরনচিংবা শেন্মিৎলোনগী মচাক মথুমগা মরী লৈনবা প্রোজেক্ত ৬৫২ লোইশিনখ্রে অমদি অতোপ্পা প্রোজেক্ত ২৬৭সু পায়খৎলি‍। খুন্নাইগী মচাক মথুমগী লমদা (হকশেল, মহৈ মশিং, য়ুম-কৈ শাবনচিংবা) প্রোজেক্ত ৬৭৯ লোইশিনখ্রে অমদি ১৫৩না হৌজিক পায়খৎলি‍।

আই.এস.এ.সি. এৱার্দতা মীৎয়েঙ

মমাঙদা, আই.এস.এ.সি. অসি ২০১৮, ২০১৯ অমদি ২০২০দা অহুমলক পাঙথোকখ্রে‍। আই.এস.এ.সি.না স্মার্ত সিতী ১০০ শিনবা থুংনা তুং কোইগদবা চাওখৎপগী থৌওং য়োকখৎলিবা ময়োল্লমশিং, প্রোজেক্তশিং অমদি অনৌবা ৱাখল্লোনশিং শকখঙদুনা মনা মথুম লান্থোকই, লোয়ননা পুম্নমক কোনশিনবা, থোং মান্নবা, শাফবা, মশা মউ ফবা অমদি খুৎশম্ননা চৎমিন্নবা ময়োল্লমশিং য়োকখত্তুনা পুম্নমক্কী হিংবগী মহাও হেনগৎহল্লি‍। আই.এস.এ.সি.গী মরিশুবা ইদিসন এপ্রিল ২০২২দা সুরত্তা পাঙথোকখিবা ‘স্মার্ত সিতিজ-স্মার্ত অর্বানাইজেসন’ থৌরমদা হৌদ়োকখিবনি‍। আই.এস.এ.সি. ২০২২ এৱার্দতা, ময়োল্লমদুগী তৌথোরক্লিবা থবক থৌওংশিং মপুং ওইনা য়েংশিনবগী থবক থৌরমশিং য়াওবা ‘ক্বালিফাইং স্তেজ’, অমদি মখাদা পীরিবা অসিগুম্না মনাগী কাঙলুপ তরুক্তা স্মার্ত সিতীশিংনা মখোয়গী নোমিনেসন থাজিনগদবা ‘প্রপোজেল স্তেজ’ হায়রিবা তাঙ্কক অনিগী থাজিনবগী থৌওং অসি য়াওরি‍।

• প্রোজেক্ত এৱার্দ: খেন্নবা থীম ১০,
• ইনোভেসন এৱার্দষ খেন্নবা থীম ২,
• সিতী এৱার্দষ থীম ২: নেস্নেল অমদি জোনেল
• স্তেত এৱার্দ,
• য়ু.তি. এৱার্দ, অমসুং
• পার্ত্নর্স এৱার্দ, খেন্নবা থীম ৩

ক্বালিফাইং সিতী ৮০দগী আই.এস.এ.সি. ২০২২গীদমক পুন্না নোমিনেসন ৮৪৫ ফংখি‍। হায়রিবা এন্ত্রীশিং অসি তাঙ্কক ৫দা ইভালুএত তৌখি‍। অহানবা তাঙ্কক্তা, প্রপোজেল ৮৪৫গী প্রী-স্ক্রীনিং তৌখি‍। মখোয়গী মনুংদগী ৫০% (প্রপোজেল ৪২৩) মথঙগী তাঙ্ক্তা চঙখি‍। অনিশুবা তাঙ্কক্তা, মনা কাঙলুপ খুদিংগী মকোক থংবা প্রপোজেল ১২ নেস্নেল ইন্সতিত্যুৎ ওফ অর্বান এফ্যার্স (এন.আই.য়ু.এ.)গী জুরী অমনা খনগৎখ‍ি‍। অহুমশুবা তাঙ্কক্তা, প্রপোজেল থাগৎলক্লিবা খুদিংমক্না সবজেক্ত এক্সপর্তশিংগী পেনেল অমদা প্রজেন্তেসন অমমম পীদুনা, মকোক থংবা প্রপোজেল ৬ খনগৎলি‍। অকোনবদা, মরিশুবা তাঙ্কক্তা, মকোক থংবা প্রপোজেল ৬না মোহুৱা দাইরেক্তরনা লুচিংবা অমদি সবজেক্ত মেত্তর এক্সপর্তশিং য়াওবা জুরী অমদা মচা খায়বা প্রজেন্তেসন অমমম উৎলি‍। হায়রিবা মরিশুবা তাঙ্কক অসিগী মতুংদা, স্মার্ত সিতিজ মিসনগী এপেক্স কম্মিতীনা মনা কাঙলুপ খুদিংগী মকোক থংবা প্রপোজেল ৩ খনগৎলি‍। মনা কাঙলুপ মঙাগী মখাদা ফংখিবা অপুনবা এপ্লিকেসন ৮৪৫কী মনুংদা, অকোনবগী অথোইবা ৬৬ – প্রোজেক্ত এৱার্দতা ৩৫,ইনোভেসন এৱার্দতা ৬, নেস্নেল/জোনেল সিতী এৱার্দতা ১৩, স্তেত/সিতী এৱার্দতা ৫ অমদি পার্ত্নর এৱার্দ কাঙলুপ্তা ৭, মশক খঙদোকখি‍। অথোইবা ৬৬কী মপুং ফাবা লিস্ত এনেক্সচর বি দা ফংবিগনি‍।

*****