Ka Tnat Kam pla tyngka jong ka sorkar pdeng mynta ka sngi ka la mynjur ia ki sienjam ba bun ba iadei bad ka bha ka miat jong ki agent Life Insurance Corporation of India (LIC) bad ki nongtrei. Kine ki sienjam ba iadei bad ka bha ka miat ki iadei bad ki jingpynkylla ia ka LIC (Agents) Regulations, 2017, ka jingkyntiew ia u pud jong ka Gratuity, bad ka Uniform Rate of Family Pension bad kiwei kiwei.

Harum kilong ki sienjam ba la mynjur ba iadei bad ka bha ka miat jong ki agent LIC bad ki nongtrei:

• Ka jingkyntiew ia u pud jong ka gratuity na ka T. 3 lak sha ka T. 5 lak na ka bynta ki agnent LIC. Kan wanrah ka jingbha ha ka rukom treikam bad ki jingmyntoi ia ki agent LIC.
• Ka jinglah ban thung biang ia ki agent kiba lah ban ioh ia ka renewal commission, ka ban wanrah ka jingshngain shuh shuh ia ki ha ki kam pisa. Mynta, ki agent LIC kim lah ban pynthymmai ia ka commission halor kano kano ka jingpyndep ia ka kam hapoh ka agency barim.
• La pyniar ia ka samoi jong ka insurance na ka bynta ki agent na kaba rim kaba long T.3,000- T. 10,000 sha ka T. 25,000 – T. 1,50,000. Kane ka jingkyntiew ha ka samoi jong ka insurance kan long ka jingmyntoi ia kiba haiing jong ki agent ba la khlad noh, ka ban ai jingmyntoi shuh shuh ia ki.
• Ka bai bam tymmen ka longiing ha ka dor kaba ryntih kaba @70% na ka bynta ka bha ka miat jong kiba haiing jong ki nongtrei LIC.

Palat 13 lak ki agent bad palat 1 lak ki nongtrei, kiba don ka bynta kaba kongsan ha ka jingkiew ka LIC bad ka jingkhlain ka jingdon ka insurance ha India, kin ioh jingmyntoi na kine ki sienjam.

****