ಎಲ್ ಐ ಸಿ ಏಜೆಂಟ್ ರ  ಮತ್ತು ಉದ್ಯೋಗಿಗಳ ಕಲ್ಯಾಣ ಕ್ರಮಗಳನ್ನು ಅನುಮೋದಿಸಿದ ವಿತ್ತ ಸಚಿವಾಲಯ

 ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) ಏಜೆಂಟರು  ಮತ್ತು ಉದ್ಯೋಗಿಗಳ ಅನುಕೂಲಕ್ಕಾಗಿ ವಿತ್ತ ಸಚಿವಾಲಯವು ಇಂದು ಹಲವಾರು ಕಲ್ಯಾಣ ಕ್ರಮಗಳಿಗೆ ಅನುಮೋದನೆ ನೀಡಿದೆ. ಕಲ್ಯಾಣ ಕ್ರಮಗಳಲ್ಲಿ ಎಲ್ಐಸಿ (ಏಜೆಂಟ್ಸ್) ನಿಯಮಗಳು, 2017 ರ ತಿದ್ದುಪಡಿ, ಗ್ರಾಚ್ಯುಟಿ ಮಿತಿ ಹೆಚ್ಚಳ ಮತ್ತು ಕುಟುಂಬ ಪಿಂಚಣಿಯ ಏಕರೂಪ ದರ ಮುಂತಾದವು ಸೇರಿವೆ. 

ಅನುಮೋದಿಸಲಾದ ಎಲ್ಐಸಿ ಏಜೆಂಟ್ ರು ಮತ್ತು ಉದ್ಯೋಗಿಗಳಿಗೆ ಸಂಬಂಧಿಸಿದ ಕಲ್ಯಾಣ ಕ್ರಮಗಳು ಕೆಳಗಿನಂತಿವೆ :

* ಎಲ್‌ಐಸಿ ಏಜೆಂಟ್ ರಿಗೆ ಗ್ರಾಚ್ಯುಟಿ ಮಿತಿಯನ್ನು ರೂ 3 ಲಕ್ಷದಿಂದ ರೂ 5 ಲಕ್ಷಕ್ಕೆ ಹೆಚ್ಚಳ. ಇದು LIC ಏಜೆಂಟರ ಕಾರ್ಯನಿರ್ವಹಣಾ ಸ್ಥಿತಿ ಮತ್ತು ಪ್ರಯೋಜನಗಳಲ್ಲಿ ಗಣನೀಯ ಮತ್ತು ಸ್ಥಿರ ಸುಧಾರಣೆಗಳನ್ನು ತರಲಿದೆ.

* ಮರುನೇಮಕಗೊಂಡ ಏಜೆಂಟರು ನವೀಕರಣಗೊಂಡ ಪಾಲಸಿ ಕಮಿಷನ್ ಗೆ ಅರ್ಹರಾಗುವಂತೆ ಸಕ್ರಿಯಗೊಳಿಸುವುದು, ಇದರಿಂದಾಗಿ ಅವರಿಗೆ ಹೆಚ್ಚಿದ ಆರ್ಥಿಕ ಸ್ಥಿರತೆಯನ್ನು ಒದಗಿಸುವುದು. ಪ್ರಸ್ತುತ, LIC ಏಜೆಂಟರು ಹಳೆಯ ಏಜೆನ್ಸಿಯ ಅಡಿಯಲ್ಲಿ ಪೂರ್ಣಗೊಂಡ ಯಾವುದೇ ವ್ಯವಹಾರದ ನವೀಕರಣದ ಕಮಿಷನ್ ಗೆ  ಅರ್ಹರಾಗಿರುವುದಿಲ್ಲ.

* .ಏಜೆಂಟರಿಗಾಗಿ ಇರುವ ಟರ್ಮ್ ಇನ್ಶೂರೆನ್ಸ್ ಕವರ್ ಅನ್ನು ಅಸ್ತಿತ್ವದಲ್ಲಿರುವ 3,000-10,000 ರೂಪಾಯಿಗಳಿಂದ ರೂ. 25,000-1,50,000 ವರೆಗೆ   ವಿಸ್ತರಿಸಲಾಗಿದೆ. ಟರ್ಮ್ ಇನ್ಶೂರೆನ್ಸ್ ‌ನಲ್ಲಿನ ಈ ಹೆಚ್ಚಳ ಮೃತ ಏಜೆಂಟರ ಕುಟುಂಬಗಳಿಗೆ ಸ್ಥಿರವಾದ ಕಲ್ಯಾಣ ಪ್ರಯೋಜನವನ್ನು ನೀಡುವುದರ ಜೊತೆಗೆ ಗಣನೀಯವಾಗಿ ಉಪಯುಕ್ತವಾಗಲಿದೆ.

* LIC ಉದ್ಯೋಗಿಗಳ ಕುಟುಂಬಗಳ ಕಲ್ಯಾಣಕ್ಕಾಗಿ @30% ಏಕರೂಪ ದರದಲ್ಲಿ ಕುಟುಂಬ ಪಿಂಚಣಿ.

 ಎಲ್‌ಐಸಿಯ ಅಭಿವೃದ್ಧಿಯಲ್ಲಿ ಮತ್ತು ಭಾರತದಲ್ಲಿ ವಿಮೆಯ ಕುರಿತು ಜಾಗೃತಿ ಮೂಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವ 13 ಲಕ್ಷಕ್ಕೂ ಹೆಚ್ಚು ಏಜೆಂಟರು ಮತ್ತು 1 ಲಕ್ಷಕ್ಕೂ ಹೆಚ್ಚು ಖಾಯಂ ಉದ್ಯೋಗಿಗಳು,  ಈ ಕಲ್ಯಾಣ ಕ್ರಮಗಳಿಂದ ಪ್ರಯೋಜನ ಪಡೆಯುತ್ತಾರೆ.

****