وزیراعظم کا دفتر

وزیر اعظم نے دوارکا سیکٹر 21 سے ’یشوبھومی دوارکا سیکٹر 25‘  تک ایئرپورٹ میٹرو ایکسپریس لائن اسٹیشن کی توسیع کا افتتاح کیا

Posted On: 17 SEP 2023 4:20PM by PIB Delhi

وزیراعظم جناب نریندر مودی نے آج یشوبھومی دوارکا سیکٹر 25 میں ، دوارکا سیکٹر 21 سے ’یشوبھومی دوارکا سیکٹر 25‘ کے ایک نئے میٹرو اسٹیشن تک دہلی ایئرپورٹ میٹرو ایکسپریس لائن کی توسیع کا افتتاح کیا۔ نئے میٹرو اسٹیشن کے تین سب وے  ہیں – ایک 735 میٹر طویل سب وے جو نمائش کے ہالوں، کنونشن سینٹر، اور سینٹرل ایرینا کو مربوط کرتا ہے؛ دوسرا دوارکا ایکسپریس وے پر اینٹری/ایگزٹ کو مربوط کرتا ہے؛ جبکہ تیسرا میٹرو اسٹیشن کو ’یشوبھومی‘ کے مستقبل کے ایگزیبیشن ہالوں کے داخلی دروازے سے مربوط کرتا ہے۔

دہلی میٹرو ایئرپورٹ ایکسپریس لائن پر بھی میٹرو ریل گاڑیوں کی آپریشنل اسپیڈ 90 سے بڑھا کر 120 کلو میٹر فی گھنٹہ کردے گا، اور اس طرح سفر میں صرف ہونے والے وقت میں تخفیف واقع ہوگی۔ ’نئی دہلی ‘ سے ’یشوبھومی دوارکا سیکٹر 25‘ تک کے سفر میں تقریباً 21 منٹ صرف ہوں گے۔

وزیر اعظم میٹرو کے ذریعہ دھولا کنواں میٹرو اسٹیشن سے  یشوبھومی دوارکا سیکٹر 25 میٹرو اسٹیشن پہنچے۔

وزیر اعظم کے دفتر نے ایکس پر پوسٹ کیا:

’’دہلی میٹرو میں مسکراتے چہرے! وزیر اعظم نریندر مودی نے یشوبھومی کنونشن سینٹر کے مرحلہ1 کے افتتاح کے لیے دوارکا کے اپنے سفر کے دوران مختلف شعبہ ہائے زندگی سے تعلق رکھنے والے افراد سے بات چیت کی۔‘‘

وزیر اعظم نے ایکس پر پوسٹ کیا:

’’دوارکا تک اور پھر دوارکا سے واپسی کا ایک یادگار سفر ، مختلف شعبہ ہائے زندگی سے تعلق رکھنے والے بہترین ساتھی مسافرین کے ساتھ اور بھی خاص بن گیا۔‘‘

**********

(ش ح ۔ا ب ن ۔م ف )

U.No:9613



(Release ID: 1958250) Visitor Counter : 80


Read this release in: English , Marathi , Hindi , Bengali , Manipuri , Assamese , Punjabi , Punjabi , Gujarati , Odia , Tamil , Telugu , Kannada , Malayalam