জি২০ মীফমদা ভারতকী ইনাক কৈরাক খুল্লবা ত্রাইবেলশিংগী ইপা ইপুনা থম্বীরম্বা লনশিং অমসুং খুৎশা হৈবগী পোত্থোকশিং, ত্রাইফেদ (ত্রাইবেল কোওপরেতিব মার্কেতিং দিবেলপমেন্ত ফেদরেসন ওব ইন্দিয়া), ত্রাইবেল এফিয়র্স মন্ত্রালয়না শীন লাংদুনা উৎখ্রে। ভারতকী তোঙান-তোঙানবা মফমশিংদা লৈবা ত্রাইবেল আর্তিসানশিংনা  পুথোকপা তোঙান-তোঙানবা অতাঙবা পোত্থোকশিংনা মালেমগী মফম কয়াদগী লাক্লিবা দেলিগেৎশিংগী পুক্নিং চিংশিনখি। মহাক্না তমখিবা খুদোল কয়াগীদমক শকখঙনরবা শ্রী পরেসভাই জয়তিভাই রথ্বানা মহাক্কী হৈথোই শিংথোইবশিং জি২০ ক্রাফ বাজারদা পিথোরা আর্ত লাইব ওইনা উত্তুনা মীয়ামদা খুদোল তমখি।

"শ্রী পরেসভাই জয়ন্তিভাই রথ্বানা মহাক্কী শীংথানিংঙাই ওইরবা পিথোরা আর্তকী হৈশিংবা উৎপা"

উৎলিবা ময়াম মরক্তগী মখাগী আর্তিকলশ্নগ অসিনা খ্বাইদগী য়াম্না য়েংনখিবা অমসুং দেলিগেৎশিংগী মরক্তা খ্বাইদগী পাম্নখিবশিং ওইখিঃ

1. লোংপী চফুঃ মনিপুরগী লোংপী কৌবা খুঙ্গং অমদগী মমিং লৌদুনা থোনখিবা, তাংখুল নাগা কাংলুপকী ত্রাইবশিংনা হায়রিবা অখন্নবা চফু শাবগী মওং অসি হৌজিক ফাওবা চত্থরি। অতৈ চফুশিংগা খেন্নবা মওংদা, লোংপীদি চফু শাবগী চকা শীজিন্নদে। মওং মতৌ পুম্নমক খুৎতনা য়ৈ য়ৈদুনা শেম্বনি। ৱাউথাংননা মুবা মচু ওইবা চাকথোং চফু, মচিন পানবা কেত্তল, তেংগোৎ, মগ, অমসুং শীৎ নানবা লীনা পায়ফম পানবা পোৎ হাপ্নবা ত্রেশিং অসি লোংপীগী তোপ তোপ্পা পোত্থোকশিংনি, অদুবু হৌজিক্তি মশক মওং অহেনবা হাপচিন্নবগীদমক অনৌবা দিজাইনশিংসু পুথোক্লে।
    
2. ছতিশগরগী বাসিঃ ছতিশগরগী বাস্তরগী গোন্দ ত্রাইবশিংনা পুথোকপা, 'সুলুর' ৱাগী বাসি অসিসু অখন্নবা ঈশৈগী জন্ত্র অমা ওইনা ঙান্থোইখি। অতৈ নাৎকী বাসিশিংগা খেন্ননা, মসিনা খুৎ নাম্মনা পুথোকপা মখোল ওইরি। মসি শাবা মতমদা হৈশিংনা ৱা খনবা, মখুল হুৎপা, অমসুং ঙাগী মওংদা মপান ঈৎপা, জিওমেত্রিক লাইন অমসুং ত্রাইঙ্গল হাপ্পী। ঈশৈদগী হেন্দোক্তুনা, 'সুলুর'না অতোপ্পা শীজিন্নফম কয়া অমসু পীরি, মসিনা ত্রাইবেল নুপাশিংনা উমংদা শা শন হোইবা তানবদসু শীজিন্নরি। মসিগী খুৎশা হৈবগী কলাগা মথৌগা পুনশিনবা অসিনা গোন্দ ত্রাইবশিংগী হৈথোই শিংথোইবশিং তাক্লি।
   
3. "বাসি অসি গোন্দ ছতিশগরগী বাস্তর ত্রাইবশিংনা শেম্বা নিংথিজরবা পোৎশক অমনি"
4. গোন্দগী অয়েকপা লাইঃ গোন্দ ত্রাইবশিংগী খুৎশা হৈবগী হৈশিংবশিং অসি মখোয়গী নীংথিরবা অয়েকপা লাইশিংনা মহৌশাগা নাৎকগী মরক্তা অচেৎপা মরী অমা পীরিবা অসিনা তাক্লি। হায়রিবা অয়েকপা লাইশিং অসিনা মালেম পুম্বদা লৈরিবা কলাবু পামজবশিংগী পুক্নিং চিংশিন্নিঙাই ওইবা ৱারী কয়া লীরি। গোন্দ আর্তিস্তশিং অসিনা কন্তেম্পোররী মীদিয়মশিংসু শীজিন্নদুনা অখন্নবা তেক্নিকশিং পুশিল্লি। বিন্দু শীজিন্নদুনা মখোয়না লাই অদুগী চাউবগী চাং লেপ্পী, মসিদগী মপান্থংবা মওং অদু মচু কয়ানা অমুক লেপকনি। মখোয়গী খুন্নাইগী হৌরক্লোন্না ইথিল পীরিবা হায়রিবা কলা অসিনা নোংমগী শীজিন্নরিবা পোৎলমশিংবু হৈশিংনা হোংদোকই। গোন্দগী অয়েকপা লাইশিং অসিনা ত্রাইব অসিগী আর্তিস্তিক ওইবা হৈশিংবশিং অমসুং মখোয়গী অকোইবগা নীংথিজবা মরী অমা লৈনরিবদুবু ময়েক শেংনা উৎলি।
   
   "খুৎথা খুদিংদা ময়েক শেংনা ৱারীএ লীরিঃ গোন্দ আর্তকী মালং"
5. গুজরাত হেংগিংসঃ  দাহোদ গুজরাতকী ভিল অমসুং পতেলিয়া ত্রাইবশিংনা শেম্বা গুজরাতি ৱাল হেংগিংস, অসিসু অরিবা গুজরাতকী আর্তকী মওং অমদগী হৌরকপা য়াম্না নুংশিনবা ফক্লাংশিংবু শুমহৎনবা পোৎলম অমনি। নোংচুপ থংবা গুজরাতকী ভিল ত্রাইবশিংনা শাবা অয়ানবা লাইশিং অসি অহানবদা লাই ফদিবী অমসুং উচেকশিং ওইদুনা লশিংগী লং অমসুং হন্না শেমদোকপা য়াবা পোৎলমশিং শীজিন্নরি। হৌজিক্তি, মখোয়না মিরর ৱার্ক, জারি, নুং, লিক্লাংশিংনা নাৎ য়োকখৎপগা লোইননা মতম অসিগী ফেসনগা চুনহল্লি।
    
   "গুজরাতকী হেঙ্গিংস, গুজরাতকী দাহোদকী ভিল অমসুং পতেলিয়া ত্রাইবশিংনা শাবা"
6. য়াও মতুগী স্তোলঃ  মহৌশানা অঙৌবা, অমুবা অমসুং ৱাউথাংনবা মচু ওইরিবা, ত্রাইবেল ক্রাফমেনশিপকী মালংদা অহোংবা অমা পুরকপা উরি। মচু অনিগী দিজাইনশিংনা হৌজিক্তি চাউখৎলক্লিবা কৈথেলগী অপাম্বা ওইনরক্লে। হিমাচল প্রদেশ/জম্মু অমসুং কাশ্মিরগী বোধ, ভুতিয়া অমসুং গুজর বকরৱাল ত্রাইবশিংনা মখোয়গী হৈশিংবশিং য়াওগী অশেংবা শামতুনা শেম্বা তোঙান তোঙানবা ফিরোলশিং, জেকেত্তগীনা শাল অমসুং স্তোল ফাওবা শাদুনা উৎলি। মসিগী থৌওং অসি নুংশিবা য়াওনা হোৎনৈ অমসুং, মসিদা খুৎনা শাবা খোঙনেৎফম মরি পানবা ইয়োং অমসুং ফোৎনবা মেচিনশিং য়াওরি। য়াওগী শামতু মতু অসি দাইমন্দ, প্লেন অমসুং হেরিংবোন মওংদা তুই।
    
   "হিমাচল প্রদেস/জম্মু অমসুং কাশ্মিরদগী য়াওগী শামতু উৎপা"
7. অরাকু তম্পাক্কী কোফীঃ  নীংথিজরবা অন্ধ্র প্রদেশকী অরাকু তম্পাক্তগী হৌরকপা কোফী অসি মশাগী নুংশিবা মনম অমসুং লোকপদা চুন্নবা তুং কোইনা চৎপা য়াবা ফিভমগীদমক শীংথানৈ। মসিনা ভারতকী মহৌশাগী ওইবা লনগী মহাও পীরিই। মমল তাঙবা কোফী লোক্লদুনা মখোয়না লোকপদগীনা লৌবা ফাওবদা চঙলিবা থৌওংশিং অসি কাওনৈ। অরাকু তম্পাক্কী অরাবিয়া কোফী অসি ওর্গানিক ওইনা পুথোকই অমসুং মহাও লৈবগীদমক, মনম নুংশিবগীদমক অমসুং চাংদম্নিংঙাই লৈতনা শেংবগীদমক শীংথানৈ।
    
   "অরাকু কোফী অমসুং মহৌশাগী পোত্থোকশিং উৎপা"
8. রাজস্থানগী আরররতিস্ত্রী উৎপাঃ মোজাইক থাউমৈ, অম্বাবরি মেতাল ৱার্ক অমসুং মীনাকরি ক্রাফঃ

রাজস্থাদগী হৌরক্তুনা হায়রিবা খুৎশা হৈবগী পোত্থোওকশিং অসসিনা ইনাক খুল্লবা ত্রাইবেলগী হেরিতেজ অদু তাক্লি।

গ্লাস মোজাইক পোত্তরি না মোজাইক আর্ত স্তাইলগী ফজবা উৎলি, মসি লেম্প শেদ অমসুং কেন্দল খিনফম ওইনা শেম্মি। ঙালহনবা মতমদা, মখোয়না মচু কয়াগী কেলৈদোস্কোপ অমগী শক্তম উত্তুনা মফম খুদিংদা মচু নাইহল্লি।

মীনাকরি হায়বসি য়োৎকী লৈমাইবু মুঘলশিংনা পুথোক্লম্বা তেক্নিক শীজিন্নদুনা মিনরেলগী পোৎশিংনা ফজহনবগী থবক্নি। হায়রিবা রাজস্থানগী চৎনবী অসিদা য়াম্না খুৎশা হৈবগী হৈথোওই শিংথোইবা অমা চঙহল্লি। থোৎ নৌরবা দিজাইন কয়া য়োৎশিংদা হকই, মসিনা মচু কয়া নাইহল্লি। থোক্লিবা মচু খুদিংমক য়োৎ অদুদা হকচিনবনি, মসিনা অখন্নবা ইনামেল তৈরবা পোৎশক অমা ওইহল্লি।

মেতাল অম্বাবরি ক্রাফ অসি মীনা ত্রাইবশিংনা শেম্বনি, মসিসু ইনামেল তৈবা চঙলি, মসিনা য়োৎশিংগী ফজবা হেনগৎহল্লি। ঙসিদি, মসিসু শনা অমসুং চান্দি অমসুং কোরি ফাওবা য়াওনা পাঙথোকপা য়ারে। পোৎশক খুদিংমক্না রাজস্থানগী ইনাক খুল্লবা নাৎকী ফজবা অমসুং হৈশিংবা উৎলি।
  
"য়ুমদা লৈতেং ওইনা থম্বা য়াবা রাজস্থানগী পোত্থোকশিং উৎপা"
হায়রিবা আর্তিস্তশিংগী পোত্থোকশিং অসি লৈতেংগী পোৎলম অমখক ওইবতা নত্তনা ভারতকী ইনাক খুল্লবা পাক শন্না লৈরিবা লনশিংগী শক্তম তাক্লি।

*****