جی 20 سربراہی اجلاس میں ہندوستان کے بھرپور قبائلی ورثے  اور دستکاری  نمائش کے دوران توجہ کی مرکز رہی ،جسے قبائلی امور کی وزارت کے ٹرائبل کوآپریٹیوں مارکیٹنگ ڈیولپمنٹ فیڈریشن آف انڈیا(ٹرائیفیڈ) کی جانب سے تیار کیاگیا تھا اور اسے پیش کیا گیا تھا۔ ہندوستان کے مختلف خطوں کے قبائلی کاریگروں کے ہاتھ سے تیار کردہ کئی شاندار مصنوعات نے دنیا بھر کے مندوبین کی توجہ  اپنی طرف راغب کی اور اس سلسلے میں سبھی سے ستائش اور تعریف حاصل کی۔ ان کی شاندار شراکت کے اعتراف میں جناب  پریش بھائی جینتی بھائی راٹھوا نے جی20 دستکاری بازار میں پتھورا فن  کے براہ راست مظاہرے کے ساتھ اپنی شاندار صلاحیتوں کو پیش کیا۔

’’جناب پریش بھائی جینتی بھائی راٹھوا پتھورا فن کے اپنے غیر معمولی اور شاندار صلاحیت کی نمائش کرتے ہوئے‘‘

پیشکش میں درج ذیل سازوسامان  سب سے زیادہ پہنچے اور  جس نے مندوبین کے درمیان بے پناہ دلچسپی پیدا کی:

1. لونگپی مٹی کے برتن: منی پور کے گاؤں لونگپی کے نام پر رکھا گیا تھا، تنگ کھول ناگا قبائل اس غیر معمولی مٹی کے برتنوں کا استعمال کرتے ہیں اور اسے تیار بھی کرتے ہیں۔ زیادہ تر مٹی کے برتنوں کے برعکس، لونگپی کمہار پہیے کا سہارا نہیں لیتا۔لونگپی مٹی کے برتنوں کی تمام شکل سازی ہاتھ سے اور سانچوں کی مدد سے کی جاتی ہے۔ خاصیت والے بھوری رنگ کے سیاہ برتن، مضبوط کیتلی، عجیب و غریب پیالے، مگ اور نٹ ٹرے، بعض اوقات باریک چھڑی کے ہینڈل کے ساتھ لانگپی کے ٹریڈ مارک ہوتے ہیں، لیکن اب مصنوعات کی رینج کو بڑھانے کے لیے نئے ڈیزائن کہ اشیاء متعارف کروائے جا رہے ہیں۔ ساتھ ہی ساتھ موجودہ مٹی کے برتنوں کو آراستہ کیا جارہا ہے۔

’’لونگپی مٹی کے برتن ایک فن کی شکل ہے، جو کہ ایک وقت میں ایک برتن، ورثے کی شکل دے رہا ہے‘‘

2. چھتیس گڑھ کی وِنڈ فلیوٹس( ہوا کی بانسری): چھتیس گڑھ میں بستر کے گونڈ قبیلے کے ذریعہ تیار کردہ،’سُلور‘بانس وِنڈ فلیوٹ(بانسری) کی ایک منفرد موسیقی کی تخلیق کے طور پر نمایاں کی گئی ہے۔ روایتی بانسری کے برعکس، یہ ایک ہاتھ سے ایک سادہ گھومنے کے ذریعے دھنیں تیار کرتی ہے۔ دستکاری میں بانس کا پیچیدہ انتخاب، سوراخوں کی کھدائی اور مچھلی کے نشانات، ہندسی لکیروں اور مثلثوں کے ساتھ سطح کی نقاشی شامل ہے۔ موسیقی کے علاوہ،’سُلور‘مفید مقاصد کو پورا کرتا ہے، جس سے قبائلی مردوں کو جانوروں سے بچنے اور مویشیوں کو جنگلوں میں رہنمائی کرنے میں مدد ملتی ہے۔ یہ فنکاری اور فعالیت کا ہم آہنگ امتزاج ہے، جو گونڈ قبیلے کی ذہین کاریگری کو ظاہر کرتا ہے۔

’’چھتیس گڑھ میں بستر کے قبیلے کے ذریعے وِنڈ فلیوٹ ایک خوبصورت تخلیق ہے‘‘

3. گونڈمصوری: گونڈ قبیلے کی فنکارانہ خوبی ان کی پیچیدہ مصوری کے ذریعے دکھائی دیتی ہے، جو فطرت اور روایت سے ان کے گہرے تعلق کی عکاسی کرتی ہے۔ یہ مصوری ان کہانیوں کو بیان کرتی ہیں، جو دنیا بھر میں آرٹ کے شائقین کے لیے گونجتی ہیں۔ گونڈ فنکاروں نے منفرد تکنیکوں کو استعمال کرکے عصری وسیلوں کو باریکی سے اپنے مطابق ڈھالا ہے۔ وہ نقطوں سے شروع کرتے ہیں، تصویر کے حجم کا حساب لگاتے ہیں، جسے وہ پھر متحرک رنگوں سے بھری بیرونی شکلوں سے جوڑتے ہیں۔ یہ فن پارے اپنے سماجی ماحول سے بہت متاثر ہوتے ہیں، روزمرہ کی چیزوں کو فنی طور پر تبدیل کرتے ہیں۔ گونڈ مصوری قبیلے کی فنکارانہ صلاحیت کا ایک جیتا جاگتا ثبوت ہے اور ان کا اپنے آس پاس کے علاقوں کے ساتھ  غیر معمولی  رابطہ رہتا ہے۔

’’ہر اسٹروک میں جیتی جاگتی کہانیاں:گونڈ فن کی دنیا‘‘

4. گجرات ہینگنگس: گجرات کے داہود میں بھیل اور پٹیلیا قبیلے کی جانب سے تیار کردہ، گجراتی وال ہینگنگس، جو اپنی دیواروں کی دلکشی بڑھانے کے لیے بہت پسندیدہ ہیں، جو گجرات کے قدیم  فن  کی شکل سے نکلی ہیں۔ مغربی گجرات کے بھیل قبائلیوں کی جانب سےتیار کردہ یہ ہینگنگس ابتدائی طور پر گڑیوں  اور جھولنے والے پرندے،خاص سوتی کپڑے اور ری سائیکل میٹریلز ہیں۔ اب وہ اس روایت کا تحفظ کرتے ہوئے اپنے عصری فیشن کو   برقرار رکھتے ہوئے  شیشے کے کام، زری، پتھروں اور موتیوں پر فخر کرتے ہیں۔

’’گجرات کے داہود میں بھیل اور پٹیلیا قبیلے کی جانب سے تیار کردہ گجرات ہینگنگس‘‘

5. بھیڑ کے اون کے چوغے: اصل میں سفید، سیاہ اور سرمئی رنگ کی یک رنگی اسکیموں کی خصوصیت کے ساتھ قبائلی دستکاری کی دنیا ایک تبدیلی کا مشاہدہ کر رہی ہے۔ دوہرے رنگوں کے ڈیزائن اب  پوری طرح غالب ہیں، جو اُبھرتی ہوئی مارکیٹ کی ترجیحات کی آئینہ دار ہیں۔ ہماچل پردیش/جموں وکشمیر کے بودھ، بھوٹیا اور گوجر بکروال قبائلی فرقے کے لوگ خالص بھیڑ کے اون کے ساتھ اپنی حکمت کا مظاہرہ کرتے ہیں، جیکٹوں سے لے کر شالوں اور چوغوں تک مختلف قسم کے ملبوسات تیار کرتے ہیں۔ یہ عمل محبت اور لگن کو ظاہر کرتا ہے، چار پیڈل اور سلائی مشینوں کے ساتھ ہاتھ سے چلنے والے کرگھوں پر احتیاط سے تیارکیاجاتا ہے۔ بھیڑ کے اون کے دھاگے پیچیدہ ہیرے، سادہ اور ہیرنگ بون کے نمونوں میں بنے ہوئے ہیں۔

’’ہماچل پردیش/جموں و کشمیر کےبھیڑ کے اون کی مصنوعات کی نمائش‘‘

6. اراکو ویلی کافی: آندھرا پردیش کی خوبصورت وادی اراکو سے تعلق رکھنے والی یہ کافی اپنے منفرد ذائقوں اور پائیدار کاشتکاری کے طور طریقوں کے لیے مشہور ہے۔ یہ ہندوستان کے قدرتی نعمت کا ذائقہ پیش کرتا ہے۔ اعلیٰ درجے کی کافی کی پھلیوں کی کاشت کرتے ہوئے وہ کٹائی سے لے کر گودا بنانے اور بھوننے تک پورے عمل کی پوری احتیاط سے نگرانی کرتے ہیں، جس کے نتیجے میں ایک ناقابل تلافی مرکب نکلتا ہے۔ اراکو ویلی عرابیکا کافی، جو نامیاتی طور پر تیار کی جاتی ہے، اپنے بھرپور ذائقے، حوصلہ افزا مہک اور بے مثال پاکیزگی کے لیے ایک ممتاز شہرت رکھتی ہے۔

’’اراکو کافی اور دیگر قدرتی مصنوعات کی نمائش‘‘

7. راجستھان کی فن  کی نمائش: موزیک لیمپ، امباباری میٹل ورک اور میناکاری دستکاری:

راجستھان سے تعلق رکھنے والےیہ دستکاری کے عجائبات ایک بھرپور قبائلی وراثت  کی عکاسی کرتی ہے۔

شیشے کی موزیک برتن موزیک فن کے انداز کو اپنی گرفت میں لے لیتی ہے، جس کو احتیاط سے لیمپ شیڈز اور کینڈل ہولڈرز میں تیار کیا گیا ہے۔ جب روشن ہوتا ہے، تو وہ رنگوں کا کلیڈواسکوپ اتارتے ہیں، جس سے کسی بھی جگہ میں ارتعاش شامل ہوتا ہے۔

میناکاری دھات کی سطحوں کو متحرک معدنی مادوں سے سجانے کا ایک فن ہے، یہ تکنیک مغلوں نے متعارف کرائی تھی۔ راجستھان کی یہ روایت غیر معمولی مہارت کا تقاضا کرتی ہے۔ نازک ڈیزائنوں کو دھات پر کھینچا جاتا ہے، جس سے رنگوں کے اندر گھسنے کے لیے نالی پیدا ہوتی ہے۔ ہر رنگ کو انفرادی طور پر نکالا جاتا ہے، جس سے پیچیدہ، تامچینی سے آراستہ ٹکڑے ہوتے ہیں۔

میناقبائلیوں کےذریعہ تیار کردہ میٹل امباباری کرافٹ، تامچین کو بھی اپناتا ہے، یہ ایک پیچیدہ عمل ہے، جو دھات کی سجاوٹ کو بلند کرتا ہے۔ آج یہ سونے سے آگے چاندی اور تانبے جیسی دھاتوں تک پھیلا ہوا ہے۔ ہر ٹکڑا راجستھان کی بھرپور مالا مال ثقافتی میراث اور دستکاری کی عکاسی کرتا ہے۔

’’راجستھان سے ہوم ڈیکور مصنوعات کی نمائش‘‘

یہ فنی مصنوعات نہ صرف آرائشی اشیاء ہیں، بلکہ ہندوستان کی بھرپور مالا مال ثقافتی تنوع اور ورثت کہ زندہ مثال ہیں۔

************

ش ح۔ح ا۔ن ع

(11.09.2023)

(U: 9364)