ঐখোয়না হৌজিক্তা নুংঙাইবা পাউ অমা তাক্রে। ঐখোয়গী তীমশিংনা কন্না হোৎনবা অমসুং ময়ামগী মতেংনা মরম ওইরগা ন্যু দিল্লী G20 লীদর্স সম্মিৎ দেক্লেরেসন অয়াবা ফংজখি।

ঐখোয়না লীদর্স দেক্লেরেসন অসিবু এদোপ্ত তৌনবা ঐহাক্না ফোঙদোকচরি। ঐহাক্না দেক্লেরেসন অসিবু এদোপ্ত তৌনবা হায়জরি।

থৌরম অসিদা ঐহাক্না মসিবু মগুন হাপ্নবা কন্না হোৎনখিবা ঐখোয়গী মন্ত্রী, শেরপা অমসুং ওফিসিএল পুম্নমক্তা নুংঙাইবা ফোঙদোকচরি, অমসুং মসিনা মরম ওইরগা মখোয়বু থাগৎফম থোকই।

য়োর হাইনেসেস,

এক্সিলেন্সীস,

চহি লিশিং কয়াগী মমাংদা ইরমখিবা ঐখোয়গী অরিবা বেদশিংদা – হায়না ইরি, "एको अहम् बहुस्याम्!" মসিগী ৱাহন্থোক্তি “ঐহাক অমা খক্তনি; ঐহাক্না কয়ামরুম থোকপা ঙমজগে”।

ঐখোয়না ক্রিএসন, ইন্নোবেসন অমসুং ভাইএবল সোল্যুসনশিংগীদমক "ঐ" দগী "ঐখোয়"দা চৎপা তাই।

"ঐ" দগী "ঐখোয়" চৎপা হায়বগী ৱাহন্থোক অসি ইশাদগী হৌরগা পুম্নমক্কী খনবা, “ঐহাক” খক্তগী মহুৎ “ঐখোয়গী” য়াইফনবা খনবা হায়বনি। ঐখোয়না মসিদা মীৎয়েং চংবা তাই।

ঐখোয়না মালেমগী কাংলুপ খুদিংমক, লৈবাক খুদিংমক, খুন্নাই খুদিংমক অমসুং লমদম খুদিংমক শম্নহনবা তাই।

অমসুং মসিনা ৱান ফেমিলীগী ৱাখল্লোনগী নুংগী ৱাহন্থোক ওইরি।

ইমুং খুদিংমক্না মশাগী সপ্পোর্ত সিস্তেম লৈবা অদুগুম্না ঐখোয়না পুন্না গ্লোবেল সপ্পোর্ত সিস্তেম অমা শেম্বা মথৌ তাই।

কনাগুম্বা অমনা নুংঙাইবনা ঐখোয়বু নুংঙাইহনবা অমসুং কনাগুম্বা অমগী অৱাবনা ঐখোয়বু চপ মান্ননা অৱাবা পীবা অদুগুম্বা ৱাখল্লোন অমা শেম্বা তাই।

ঐখোয়না ৱান ফেমিলী অমা ওইনা খনবা মতমদা ঐখোয়না মেম্বর অমনা অমবু করম্না শক্তি পীগনি হায়বসু খন্থগদবনি।

মসিগী ৱাখল্লোন অসিদা য়াওরিবা এক্সপরিয়েন্স খুদিংমক ভারতনা মাগী অচৌবা গ্লোবেল ফেমিলীদা শিয়র তৌবা পামজৈ।

ভারত্তা ঐখোয়না তেক্নোলোজী অসি দিবেলপমেন্তবু ইনক্লুসিব অমসুং সস্তেনেবল ওইহন্নবা থোং অমা ওইনা শীজিন্নখি।

বেঙ্ক একাউন্তশিং, আধারগী শক্তাক অমসুং মোবাইল ফোনশিংগী JAM ত্রিনিতীগা লোয়না ভারতনা ইনক্লুজন, ত্রান্সপরেন্সী অমসুং তার্গেতেদ ইন্তর্ভেন্সনশিংগী অনৌবা মোদেল অমা দিবেলপ তৌখি।

চহি 47 চংগদবা অদু JAM ত্রিনিতীনা শুপ্নগী চহি 6 তা ফাইনান্সিএল ইনক্লুজন ফংহনবা ঙমহনখিবা অসিবু ৱর্ল্দ বেঙ্কনসু খঙখি।

মোদেল অসি শীজিন্নদুনা ভারতনা হৌখিবা দিকেদ অসিদা বিলিয়ন দোলর 360পু হকথেংননা মথৌ তারিবা মীওইশিংগী বেঙ্ক একাউন্তশিংদা ত্রান্সফর তৌখি।

মসিনা GDPগী 1.25%গী ময়া ওইরিবা বিলিয়ন দোলর 33রোম লীকেজ তৌগদবদগী ঙাকথোকপা ঙমখি।

তশেংনমক মোদেল অসিনা গ্লোবেল ফেমিলী মরু ওইনা গ্লোবেল সাউথতা চাউনা কান্নবা পীগনি।

মরুপশিং,

ভারতকী নহারোল, ঐখোয়গী হৌগৎলক্লিবা তেলেন্ত অসি ৱান ফেমিলীগী মওংদা মালেমগী য়াইফনবগীদমক্তসু ওইরি।

তুংদা লাক্কদবা মতমশিংদা অচৌবা স্কিল লৈরবা হৌগৎলক্লিবা তেলেন্ত পুল অসিনা গ্লোবেল গ্রোথ লেংদনা থম্নবা মরু ওইরি।

মরম অসিনা ঐখোয়না “গ্লোবেল স্কিল মেপ্পিং” তৌনবা মাইকৈদা চংশিনগদবনি।

মসি গ্লোবেল সাউথকীদমক্তসু মরু ওই।

মরুপশিং,

ঐখোয়না ৱান ফেমিলীগী মতাংদা ৱারী শাবদা ঐখোয়না ঐখোয়গী গ্লোবেল ফেমিলীগী মাংদা লৈরিবা শীংনবশিং অসি খঙনা চৎপসু তঙাই ফদে।

কোবিদকী শকলোন্দা অচৌবা মালেমগী শীংনবা অমা লাকখিবা ঐখোয়না উবা ফংখি, দিকেদ কয়া চংনা শেমগৎলকপা গ্লোবেল সপ্লাই চেনশিং মপুং ফানা কাইথখি।

ৱান ফেমিলীগী ৱাখল্লোন মখাদা ঙসি ঐখোয়না ত্রস্ত অমসুং ত্রান্সপরেন্সী প্রমোৎ তৌরিবা গ্লোবেল সপ্লাই চেন অমা শেম্বা তাই।

মসি ঐখোয়গী অপুনবা থৌদাংনি।

ঐখোয়না লৈবাকশিং অমসুং হ্যুমেনিতীবু শুপ্নগী মার্কেৎশিং ওইনা খক্তা য়েংলোইদবনি।

ঐখোয়না সেন্সিতিব ওইবা অমসুং লোং-তর্ম এপ্রোচ অমা মথৌ তাই।

ঐখোয়না চাউখৎলক্লিবা লৈবাকশিংগী কেপাসিতী বিল্দিংদা অখন্নবা মীৎয়েং চংবা তাই।

মরম অসিনা ভারতকী মেপ্পিং ফ্রেমৱার্ক অমগী প্রপোজেল অসিনা হৌজিক লৈরিবা সপ্লাই চেন মপাঙ্গল কনখৎহনবদা মতেং পাংগনি।

গ্লোবেল সপ্লাই চেনবু ইনক্লুসিব ওইহন্নবা ঐখোয়না অপীকপা বিজিনেসশিংগী এক্তিব রোল অসিবুসু খঙবীবা তাই।

মখোয়না মার্কেৎ অমসুং ই-পাউবু এক্সেস তৌবা তঙাই ফদে মসিনা মখোয়গী ত্রেদ কোস্তশিং হন্থহনগনি।

মরুপশিং,

ৱান ফেমিলীগী মন্ত্র মখা চত্থদুনা ঐখোয়না সেন্সিতিবিতী লৈনা চাউখৎলক্লিবা লৈবাকশিংনা মায়োক্নরিবা দেব ক্রাইসিসসু কোকহনগদবনি।

ঐখোয়না অৱাবা তারবা লৈবাকশিংবু মসি কোকহনবা ঙম্নবা সিস্তেম অমা শেম্বা তাই অমসুং হায়রিবা ক্রাইসিস অদু অমুক হন্না থোক্তনবা থবক পাইখৎকদবনি।

মসিগী লম অসিদা ফাইনান্সিং তৌবা হেনগৎহন্নবা “এক্সন প্লান তু এসেলরেৎ সস্তেনেবল দিবেলপমেন্ত গোল্স”কী মখাদা এগ্রীমেন্ত অমা লৈরিবা অসিদা ঐহাক্না নুংঙাইবা পোকই।

মসিগীদমক ঐহাক্না পুম্নমক্তা তৌবীমল খঙবা উৎচরি।

মরুপশিং,

ৱান ফেমিলী এপ্রোচ অসি “হোলিস্তিক হেল্থ এন্দ ৱেলনেস” সিস্তেমগীদমক্তসু চপ মান্ননা তঙাই ফদে।

ভারত্তা লিংখৎখিবা WHO গ্লোবেল সেন্তর ফোর ত্রেদিস্নেল মেদিসিন্না মালেম শিনবা থুংবদা ৱেলনেস প্রমোৎ তৌবদা মপাঙ্গল হাপলগনি।

ঐখোয়না ত্রেদিস্নেল মেদিসিনগী গ্লোবেল রিপোজিতরী অমা শেম্নবা অথুবদা খোঙথাংশিং পাইখৎলগনি হায়বগী ঐহাক্না থাজবা লৈ।

মরুপশিং,

মালেমদা লৈরিবা খুন্নাই খুদিংমক্তা ইমাশিংনা ইমুংগী দ্রাইবিং ফোর্স ওইরি।

ঙসি ভারত্তা সেক্তর খুদিংমক্তা নুপীশিংনা লুচিংবা উবা ফংলি।

ভারত্তা চাউরাক্না STEM (সাইন্স, তেক্নোলোজী, ইঞ্জিনীয়রিং অমসুং মেথমেতিক্স) গ্রেজ্যুৎশিংগী 45% অসি নুপীশিংনা ওইরি।

ঙসি ভারতকী স্পেস প্রোগ্রামগী মরু ওইবা মিসন কয়ামরুম ঐখোয়গী নুপী বিজ্ঞানিকশিংনা পাইরি।

ঙসি ভারতকী খুঙ্গংশিংদা লৈরিবা নুপী মিলিয়ন 90রোমনা সেল্ফ হেল্প গ্রুপ কেম্পেন য়াওদুনা অপীকপা বিজিনেসশিংবু খুমাং চাউশিলহল্লি।

নুপীনা লমজিংবা চাউখৎ খোঙচৎনা 21শুবা চহিচাদা অওনবা পুরক্নবা মরু ওইবা দ্রাইবর অমা ওইরগনি।

মরুপশিং,

ৱান ফেমিলী সেসন অসিদা ঐহাক্না ময়ামদা সজেসন অহুম থমজনীংই।

অহানবদা ঐহাক্না মালেমগী তোপ স্পোর্তস লীগশিংনা মখোয়না ফংলিবা অদুগী 5% গ্লোবেল সাউথকী লৈবাকশিংদা নুপীশিংগীদমক স্পোর্তস ইনফ্রাস্ত্রচরদা ইনভেস্ত তৌনবা হায়জরি।

মসিনা মালেমগী থাক্তা পব্লিক-প্রাইবেৎ পার্তনরশিপকী অনৌবা মোদেল অমা ওইবা য়াগনি।

অনিশুবদা, লৈবাক পুম্নমক্না বিজাগী তোঙান-তোঙানবা কেতগোরীশিং ইসু তৌবা অদুগুম্না ঐখোয়না স্পেসিএল কেতগোরী অমা ওইনা “G20 তেলেন্ত বিজা” শেম্বা য়াগনি।

অসিগুম্বা বিজা মখল অসিনা ঐখোয়গী তোপ সাইন্স অমসুং তেক্নোলোজী তেলেন্তনা মালেমগী খুদোংচাবশিং এক্সপ্লোর তৌবদা চাউনা খুদোংচাবা ফংগনি। মখোয়গী তেলেন্ত অমসুং থবকশিংনা ঐখোয়গী ইকনোমীশিংদা চাউনা শরুক তমগনি।

অহুমশুবদা ঐখোয়না WHOগী মীৎয়েং মখাদা গ্লোবেল বাইও-বেঙ্কশিং লিংখৎনবা খন্নবা য়াই।

বাইও-বেঙ্কশিং অসিনা হর্ত দিজিজ, সিকল সেল এনেমিয়া, এন্দোক্রাইন দিসওর্দরশিং অমসুং ব্রেস্ত কেন্সরগুম্বা লাইনাশিংদা অখন্ননা মীৎয়েং চংবা য়াগনি।

অসিগুম্বা গ্লোবেল বাইও-বেঙ্কশিং ভারত্তা লিংখৎপনা ঐখোয়দা চাউনা অপেনবা পোকহনগনি।

মরুপশিং,

হৌজিক ঐহাক্না ময়ামগী ৱাখল্লোনশিং অমুক তাবা পামজৈ।

খঙহঞ্জবাম - মসি প্রধান মন্ত্রীগী প্রেস স্তেৎমেন্তগী চাউরাকপা ৱাহন্থোক্নি। তশেংবা প্রেস স্তেৎমেন্তদি হিন্দীদা পীখি।

***