প্রধানমন্ত্রীগী লোইশঙ
জি-২০ মীফম লোইশিনবা থৌরমদা ফোঙদোকখিবা প্রধান মন্ত্রীগী ৱারোল
Posted On:
10 SEP 2023 2:03PM by PIB Imphal
মরুপশিং,
ঐখোয়না ত্রোইকা স্পিরিত্তা মপুংফানা থাজবা থম্লি।
ঐখোয়গী ব্রাজিলদা মপুংফানা শৌগৎকনি অমসুং মখোয়গী লুচিংবদা থাজবা থম্লি অমসুং জি-২০না মখা তানা ঐখোয়গী পান্দমশিং ফংহনগনি।
ব্রাজিলগী রাস্ত্রপতি অমসুং ঐগী মরুপ লুলা দা সিলভাগী মফমদা ঐগী য়াইফ-পাউজেল পীজরি।
প্রসিদেন্ত ওইনবগী গাভেল ঐনা মহাক্কী মফমদা শীন্নজরে।
মহাক্কী ৱাখল্লোন ফোঙদোক্নবা খুদোংচাবা অসি লৌনবা ঐনা রাস্ত্রপতি লুলাদা হায়জরি।
শক্নাইরবশিং,
অদোম্না খঙলে, নবেম্বরদগী জি-২০গী প্রসিদেন্ত ওইবগী থৌদাং ভারতনা লৌদুনা লাক্লি। হৌজিক থা অনি মখায় ৱাৎলি।
নুমিৎ নিনি অসিদা, অদোম্না ৱাফম কয়া পুখৎখি, পাউতাক কয়া পীখি অমসুং ৱাফম কয়া খন্নখি।
লৈবাকশিংগী চাউখৎপা খোঙজেল য়াংখৎনবা পাউতাকশিং খন্নবা হায়বসি ঐখোয়গী থৌদাংনি।
নবেম্বর লোইশিল্লকপদা ঐখোয়না জি-২০ মীফমগী অতোপ্পা ভর্চুএল সেসন অমা পাংথোক্নবা ৱাফম ঐনা হৌদোক্লি।
হায়রিবা সেসন অদুদা হন্দক্কী মীফম অদুদা ৱারেপ লৌখিবা হিরমশিং ঐখোয়না হন্না য়েংশিনগনি।
ঐখোয়গী কাংবুনা হায়রিবা থবকশিং অদুগী অকুপ্পা মরোলশিং অদোমগী মফমদা খঙহল্লক্কনি।
মসিদা অদোম শরুক য়াগনি হায়না ঐনা থাজবা থম্লি।
শক্নাইরবশিং,
মসিগা লোয়ননা, জি-২০ মীফম লোইশিল্লে হায়না ঐনা লাউথোকচরি।
মালেম অমা, ইমুং অমা, তুংলমচৎ অমগী লম্বী অফবা ওইরসনু।
শ্বাস্তি অস্তু বিশ্বস্য !
মসিনা হায়রি, মালেম শীনবা থুংনা থাজবা অমসুং শান্তি লৈগদবনি।
ভারতমচা করোর ১৪০গী য়াইফ-পাউজেলগা লোয়ননা ময়াম পুম্নমক থাগৎচরি!
***
(Release ID: 1956021)
Visitor Counter : 159
Read this release in:
English
,
Gujarati
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam