প্রধানমন্ত্রীগী লোইশঙ
প্রধান মন্ত্রীনা ইতালিগী প্রধান মন্ত্রী উনখ্রে
Posted On:
09 SEP 2023 7:57PM by PIB Imphal
নিউ দিল্লিদা জি-২০ মীফমগী নাকলদা প্রধান মন্ত্রী শ্রী নরেন্দ্র মোদীনা ইতালিগী প্রধান মন্ত্রী জর্জিয়া মেলোনিগা লোয়ননা লৈবাক অনিগী ওইবা মীফম অমা পাংথোকখ্র। মার্চ ২০২৩দা মহাক্না ভারত্তা লাক্লম্লবা মতুংদা হন্দক্কী খোঙচৎ অসিনা প্রধান মন্ত্রী মেলোনিগী অনিশুবা ভারত খোঙচৎনি অমসুং খোঙচৎ অদুদা লৈবাক অনিগী মরীশিং স্ত্রাতেজিক পার্তনরশিপকী থাক অমদা পুখৎখি।
ভারতনা জি-২০গী প্রসিদেন্ত ওইবা অসিদা ইতালিনা শৌগৎপদা অমসুং গ্লোবেল বাইওফুয়েল এল্লাইন্স অমসুং ইন্দিয়া-মিদল ইস্ত-য়ুরোপ ইকোনোমিক কোরিদোরদা ইতালি শরুক য়াবদা প্রধান মন্ত্রীনা থাগৎপা ফোঙদোকখি।
লৈবাক অনিগী মরক্তা দিপ্লোমেতকী মরী লৈনরকপা চহি ৭৫ মপুংফারকপদা লুচিংবা অনিনা অপেনবা ফোঙদোকখি। হিরম কয়াদা লৈনরিবা ভারত-ইতালিগী মরীশিং খুমাঙ চাউশিনবগী ফিবম মখোয়না য়েংশিনখি অমসুং ঙাক-শেন অমসুং অনৌবা তেক্নোলোজিশিংদা মতেং পাংনবা হেনগৎহনবা হায়না য়ানখি। মালেমগী হেন্না য়াইফবা ওইনবা জি-৭ অমসুং জি-২০ পুন্না থবক তৌমিন্নবগী দরকার ওইবা অদু মখোয়না য়ানখি।
মাইপাকপা জি-২০ মীফম অমগীদমক প্রধান মন্ত্রী মেলোনিনা প্রধান মন্ত্রী মোদী থাগৎপা ফোঙদোকখি।
*****
(Release ID: 1955955)
Visitor Counter : 167
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam