ঙসি পুসাদা লৈবা IARI কেম্পসতা লৌউ-শিংউ অমসুং লৌমীশিংগী য়াইফ থৌরাং মন্ত্রালয়না অহানবা ওইনা পাঙথোকপা একজিবিসন অসিদা G20 মেম্বর ওইরিবা লৈবাকসশিংগী ফর্স্ত লেদীশিং অমসুং মপুরোইবশিংনা ভারতকী লৌউ-শিংউগী মতিক-ময়াই হকথেংননা উবা ফংখি। থৌরম অসিদা মশক নাইবা কুনাল কাপুর, অনাহিতা ধোনদি অমসুং অজয় চোপ্রাগী মিল্লেৎতা য়ুম্ফম ওইবা লাইব কুকিং সেসন লোয়ননা মশক নাইবা ইন্দিয়ন স্তার্ত-অপশিংদগী কত্তিং-এদজ এগ্রিকলচরেল তেক্নোলোজী দিস্প্লে তৌবা , ভারতকী নুপী এগ্রি-কম্পিয়নশিংগা ৱারী শাবা, ‘এগ্রি স্ত্রীৎ’ অসিগুম্বা পুক্নিং চীংশিন্নীংঙাই ওইবা থৌরম কয়া য়াওখি।

লোইনবীশিং/মপুরোইবশিংনা একজিবিসন এরিয়াদা চৎখি মসিগী মমাংদা অচৌবা ‘মিল্লেৎ রঙ্গোলি’ অনি য়াওরিবা ‘রঙ্গোলি এরিয়া’ অমদা ঙাইহাক পিৎস্তোপ তৌখি। ফজরবা আর্তৱার্কশিং অদু মিল্লেৎ গ্রেনশিং অমসুং লমদম অসিগী ভারতকী মোতিফশিং শীজিন্নদুনা শেমখি। অহানবা রঙ্গোলিনা ভারতকী অরিবা লৌউ-শিংউগী চৎনবী উৎলিবা “হরমোনী ওফ হর্ভেস্ত” হায়বা থিম ওইখি। মসি ইনস্তোলেসন তৌবা অসিনা ভারতকী লৌউ-শিংউগী তৌবা ঙম্বা অদু উৎখি, লৌউ শিংউ মপাঙ্গল কনখৎহনবদা লৌরিবা নুপীশিংনা লৌরিবা মরু ওইবা থৌদাং অদুদা মীৎয়েং চংখি। নুপীশিংনা লৌউ-শিংউদা শরুক তম্মিবা কয়া উৎলিবা ইন্দিজিনস তোইশিং মিল্লেৎ, অমসুং রস্তিক তেরসকোত্তা চফুশিংনা নীংথিনা শেম্বা, ফজরবা রঙ্গোলি অসিনা থৌরম অসিগী মেজর হাইলাইৎ ওইকি। অনিশুবা রঙ্গোলি পিচ অসিনা ভারতকী কলচরেল ফিলোসোফী – “দি ৱর্ল্দ ইস ৱান ফেমিলি” তাক্লি, মসিনা গ্লোবেল য়ুনিতীদা মীৎয়েং থমখি। ভারতনা লৌউ-শিংউগী অচৌবা লৈবাক অমা ওইনা গ্লোবেল ফুদ সেক্যুরিতীদা মরু ওইবা থৌদাং অমা লৌরি। অনিশুবা রঙ্গোলি অসিনা অপুনবা অমসুং তুং কোইবগী মাইকৈদা ভারতকী গ্লোবেল কম্মিৎমেন্ত অদু তাকখি।

একজিবিসন এরিয়াদা লোইনবীশিং/মপুরোইবশিংনা দাইনামিক এগ্রি-স্তার্তঅপ ইকোসিস্তেম উবা ফংখি, মসিদা এগ্রি-স্তার্তঅপ 15না গ্রাউন্দ-লেবেলদা থেংনরিবা শীংনবশিং কোকহন্নবা অমসুং এগ্রিকলচর দিজিতাইজ তৌনবা মখোয়গী ইন্নোবেতিব তেক সোল্যুসনশিং উৎখি। ক্লাইমেৎ স্মার্ত এগ্রিকলচর, ইন্নোবেসন ইন এগ্রিকলচর ভেল্যু চেন, এগ্রি-লোজিস্তিক্স এন্দ সপ্লাই চেন, ক্বালিতী এস্যুরেন্স ফোর সস্তেনেবল কঞ্জুম্পসন, অমসুং মিল্লেৎস: সস্তেনিং হেল্থ, এম্পাৱরিং এগ্রিকলচর অসি একজিবিসন অসিদা কোনশিনখিবা থীম খরা ওইরি। অহেনবা ওইনা লৈবাক শিনবা থুংবদগী ফার্মর প্রদ্যুসর ওর্গনাইজেসনশিং (FPO)গী মেম্বর কয়ানা ‘এম্পাৱরিং রুরেল প্রোস্পেরিতী থ্রু কল্লেক্তিব এগ্রিকলচর’ হায়বা থিমগী মখাদা লৈবাক শিনবা থুংবদা মার্কেতেদ তৌরিবা ইদিবল প্রদক্ত কয়ামরুম দিস্প্লে তৌখি।

‘লাইব কুকিং সেসন’ অমনা মিল্লেৎতা য়ুম্ফম ওইবা মথেল লুকোই মখল কয়া উৎখি। থৌরম অসি ইন্তর্নেস্নেল ইয়র ওফ মিল্লেৎস পালন তৌরিবা অসিগী পরিং মখাদা পাঙথোকপনি। মসিদা মশক নাইবা চেফ অহুম – কুনাল কাপুর, অনাহিতা ধোনদি, অমসুং অজয় চোপ্রা য়াওখি, মখোয়বু ITC গ্রুপকী কলিনরী এক্সপর্ত অনি, চেফ কুশা অমসুং চেফ নিকিতাসু য়াওখি। ‘লাইব কুকিং এরিয়া’ অসিদা চেফ মঙানা মিল্লেৎশিংদা অখন্ননা মীৎয়েং থম্বা ‘ফুল কোর্স মীল’ শেম শাখি। মীল অসিদা এপেতাইজর, সলদ, মেন কোর্স অমসুং দেজর্তশিং য়াওখি।

চেফ অনাহিতা, চেফ কুনাল অমসুং চেফ অজয়না স্তার্তর, মেন কোর্স  অমসুং দেজর্তশিং শেম্বগী থৌদাং লৌখি। খুদম ওইনা, চেফ অনাহিতানা পফ অমারন্থনা মথক্তা তোংবা রো বনানা বর্নয়ার্দ মিল্লেৎ তিক্কি শেমখি। অমরোমদা চেফ কুআলনা অহাওবা জোৱর-মুশরুম কিচদা শেমখি। অরোইবদা চেফ অজয়না মিল্লেৎ থেকুৱা অমসুং লেমন শ্রিখান্দ মিল্লে-ফেয়ুল দেজের্ত অমগা লোয়ননা মলতি-কোর্স মিল্লেৎ এক্সপরিয়েন্স লোইশিনখি। একজিবিসন মনুংদা G20 মেম্বর ওইরিবা লৈবাক পুম্নমক্কী মিল্লেৎ-বেজ দিশশিং উৎপা দেদিকেতেদ কলিনরী সেক্সন অমা থৌরম  অসিদা শরুক য়ারিবা লৈবাক খুদিংমকপু ইকাই খুম্নবা উৎপা ওইনা পাঙথোকখি।

একজিসন অসিদা ভারতকী রিসর্চ অমসুং দিবেলপমেন্তগী মাইপাকশিং অদু ইন্দিয়ন কাউন্সিল ওফ এগ্রিকলচরেল রিসর্চ (ICAR)গী স্তোলশিংগী খুত্থাংদা প্রিসিজন এগ্রিকলচর, এগ্রিকলচরেল তেক্নোলোজীদা পুথোকখিবা খ্বাইদগী নৌবা ইন্নোবেসনশিং অমসুং সেক্তরদা গ্রোথ লৈহল্লিবা মেকানাইজেসন এদভান্সমেন্তশিং উৎখি। মরু ওইবা স্তোলশিংনা বাস্মতি রিভোল্যুসনগী খোঙচৎ, বাস্মতি থারিবা লৌমী মিলিয়ন কয়া চাউখৎপদা মসিনা লৌরিবা থৌদাং অমসুং 5 বিলিয়ন USD ফোরেক্স আর্নর অমা ওইরবগী মাগী স্তেতস অসিগুম্বা থিমশিংদা মীৎয়েং চংখি। অতোপ্পা স্তোলনা “লেন্দ ওফ স্পেসিস” ওইনা ভারতকী লৈরিবা স্তেতস উৎখি। থংনবদা ফম্বা স্তোলনা চেঙ্গুমগী ন্যুত্রিস্নেল অমসুং মেদিসিনেলগী ওইবা মরু ওইবশিং, ভারত্তা মখোয়গী এক্সতেন্সিব দাইভর্সিতী লৈরিবা অমসুং এক্সপোর্ত তৌনবগী মখোয়গী পোতেন্সিএলগী মতাংদা খঙহনখি। অহানবা ওইনা ইকাই খুম্নরবা মীথুংলেনশিংনা ICARগী পুক্নিং চীংশিন্নীংঙাই ওইবা একজিবিৎশিংগী মনুংদা লফোইশিংগী ত্রান্সপোর্তেসন স্তোরেজ অমসুং রাইপনিংগী মনুংদা লৈগদবা এনভাইর্নমেন্তেল কন্দিসনশিংগী রিএল-তাইম মোনিতরিং তৌবদা মতেং পাংনবা সেন্সর-বেজ সিস্তেমসু য়েংখি।

‘এগ্রিকলচর স্ত্রীৎ’ অসি মন্ত্রালয়না পুথোকখিবা একজিবিসনগী মরু ওইবা মচাক অমা ওইখি, মসিনা ভারতকী লৌউ-শিংউগী লেগেসীগী ফজরবা খোঙচৎ অদু উৎলি অমসুং ফজরবা মাগী মমাং লোয়ননা তুংলমচৎকী ইনসাইৎ পীরি। মসিদা মন্ত্রালয়না এগ্রিকলচরেল প্রেক্তিসশিং উৎখি, এক্সপর্ত, বিজ্ঞানিক অমসুং লৌমীশিংবু রুফ অমগী মখাদা পুনশিনখি। স্ত্রীৎ অসিদা ইন্তরেক্তিব স্তোল মঙা য়াওখি, অমমমদা রস্তিক দেকোরনা লৈতেংখি, মসিনা G20 লৈবাক্কী মকোকশিংগী লোইনবীশিং/মপুরোইবগীদমক পুক্নিং চীংশিনখি। মফম অসিদা মখোয়না মিল্লেৎশিংদা অখন্নবা মীৎয়েং চংবগা লোয়ননা এগ্রিকলচরগী কান্নবা কয়া অদু উৎখি। মসিনা ফুদ অমসুং ন্যুত্রিস্নেল সেক্যুরিতী হেনগৎহন্নবা পান্দম থম্মিবা ভারতকী থৌশিলসু উৎখি। মধ্য প্রদেশকী দিনদোরিদগী নহা ওইরিবা নুপী লৌমী, লাহরি বাইগী একজিবিৎ এগ্রি গল্লীনা ‘মিল্লেৎ ক্বিন ওফ ইন্দিয়া’গী মীংথোল ফংবগা লোয়ননা মহাক্কী কা অনি লৈবা শঙদা মিল্লেৎ মরু মখল 50 য়াওনা ইন্দিজিনস ওইবা মরু মখল 150 হেন্না য়োকখৎতুনা থম্বা অদু উৎলি।

থৌরম অসি লোইরবা মতুংদা G20গী লোইনবীশিং/মপুরোইবশিংনা হেম্পরগী মওংদা তোকন ওফ এপ্রিচিএসন ফংখি। হেম্পরশিং অদুদা নীংথিনা খল্লগা ভারতকী ফজরবা কলচরেল অমসুং আর্তিস্তিক হেরিতেজ উৎলিবা পোৎলমশিং য়াওখি। পোৎলমশিং অদুদা ছত্তিসগরগী সাল ফোরেস্তকী মুগানা শেম্বা খুৎনা শাবা স্তোলশিং, হরাপ্পান সিবিলাইজেসন (3300 BCE দগী 1300 BCE)গী মমিং লৈরবা ‘দান্সিং গর্ল’ শেম্বদা শীজিন্নবা মাংলুরবা ৱেস তেক্নিক অদু শীজিন্নদুনা শেম্বা বেল মেতল ফিগরিন অমসুং চেরিয়ল পেন্তিং য়াওখি।

খোঙচৎ অসিনা ফর্স্ত লেদীশিং অমসুং মপুরোইবশিংদা ভারতনা এগ্রিকলচর সেক্তরদা খুমাং চাউশিল্লিবা অদু খঙহনখি। মিল্লেৎ পুথোক্লিবা রাজ্য 10, রাজস্থান, মহারাস্ত্র, কর্নাতকা, মধ্য প্রদশ, তামিল নাদু, উত্তরাখন্দ, ওরিশা, ছত্তিসগর, বিহার অমসুং অসামদগী বর্তন তৌখিবা নুপী লৌমীশিংনা পুরক্লিবা গ্রাসরুৎ-লেবেলগী অহোংবশিং উৎখি অমসুং মখোয়গা লোয়ননা ফর্স্ত লেদীশিং অমসুং মপুরোইবশিংনা ৱারী  শাদুনা লৈবাক অসিগী হৌগৎলক্লিবা মিল্লেৎ ভেল্যূ চেনগী মরমদসু খঙবা ঙমহনখি। মশক নাইরবা চেফশিংনা মিল্লেৎকী ভর্সেতাইলিতী অমসুং ভারতকী মথেল লুকোইশিং য়াওবা চাকলেন অমা অথোইবা মীথুংলেনশিংগীদমক শেমখি, অমরোমদা স্তার্ত-অপশিং অমসুং ফার্মর প্রদ্যুসর ওর্গনাইজেসনশিংনা মখোয়গী খ্বাইদগী নৌবা তেক্নোলোজীশিং অমসুং প্রদক্তশিং উৎখি।

****.