ప్రధాన మంత్రి కార్యాలయం
మొరాకో భూకంపంలో ప్రాణనష్టంపై ప్రధానమంత్రి సంతాపం
ఈ క్లిష్ట పరిస్థితుల్లో అన్నివిధలా చేయూతనిస్తామని ఆ దేశానికి భరోసా
Posted On:
09 SEP 2023 8:39AM by PIB Hyderabad
మొరాకో భూకంపం ఫలితంగా పెద్ద సంఖ్యలో ప్రాణనష్టం సంభవించడంపై ప్రధానమంత్రి శ్రీ నరేంద్ర మోదీ తీవ్ర దిగ్భ్రాంతి వ్యక్తం చేశారు. ఇలాంటి కష్ట సమయంలో నేపథ్యంలో వీలైనంత మేర చేయూతనిచ్చేందుకు భారత్‌ సిద్ధంగా ఉందని ఆ దేశానికి భరోసా ఇచ్చారు.
ఈ మేరకు ‘ఎక్స్‌’ ద్వారా పోస్టు చేసిన ఒక సందేశంలో:
“మొరాకోలో భూకంపం సంభవించి పెద్ద ఎత్తున ప్రాణనష్టం కలగడం అత్యంత బాధాకరం. ఈ విషాద సమయంలో ఆ దేశ ప్రజల క్షేమం కోసం దైవాన్ని ప్రార్థిస్తున్నాను. ఈ వైపరీత్యంలో ఆత్మీయులను కోల్పోయిన కుటుంబాలకు సంతాపం తెలుపుతున్నాను. క్షతగాత్రులు త్వరగా కోలుకోవాలని ఆకాంక్షిస్తున్నాను. ప్రస్తుత క్లిష్ట పరిస్థితుల నుంచి గట్టెక్కడంలో అన్ని విధాలా చేయూతనిచ్చేందుకు భారత్‌ సిద్ధంగా ఉందని మొరాకో ప్రజలకు హామీ ఇస్తున్నాను” అని ప్రధానమంత్రి పేర్కొన్నారు.
********
DS/ST
(Release ID: 1955786)
Visitor Counter : 160
Read this release in:
English
,
Urdu
,
Hindi
,
Marathi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam