দিজিতেল পব্লিক ইনফ্রাস্ত্রকচর (দিপিআই)না ভারত্তা অচৌবা অওনবা অমা পুরক্লে, মসিনা শেন-থুমগী থবকশিং মীওই খুদিংমক য়ৌহনবদগী হেন্না খুদোংচাবা পীরে। ৱার্ল্দ বেঙ্কনা পুথোকপা জি-২০ গ্লোবেল পার্তনরশিপকী ফাইনান্সিএল ইনক্লুজন দোকুমেন্ত(https://www.g20.org/content/dam/gtwenty/gtwenty_new/document/G20_POLICY_RECOMMENDATIONS.pdf) না কেন্দ্র সরকারগী মখাদা হৌখিবা চহি ১০দা ভারত্তা দি.পি.আইশিংনা পুরকখিবা অওনবশিং থাগৎপা ফোঙদোকখ্রে।

দোকুমেন্ত অদুদা কেন্দ্র সরকারনা পায়খৎলিবা মরুওইবা থবকশিং ফোঙদোক্লি অমসুং দিজিতেল পব্লিক ইনফ্রাস্ত্রকচর (দি পি আই)গী লমদা থৌশিল অমসুং চৎন-কাংলোন শেম্বদা সরকারগী থৌদাং ফোঙদোক্লি।

• শেন-থুমগী থবকশিংনা পুম্নমক কোনশিনবা: চহি ৫০ চঙগদবা থবকশিং ভারতনা শুপ্নগী চহি ৬তা পাংথোকপা ঙম্লে হায়না ৱার্ল্দ বেঙ্কনা ভারতকী দি.পি.আইগী থবকশিং থাগৎলি।
  • হৌখিবা চহি ৬তা জাম ত্রিনিতিনা শেন-থুমগী থবকশিংনা পুম্নমক কোনশিনবগী চাং ২০০৮ তা চাদা ২৫ ওইরম্বদগী চাদা ৮০দা হেনগৎহল্লে, খোঙচৎ অমা চহি ৪৭ তেনশিনহনবদা দি.পি.আইশিং থাগৎলি।
  • “ অচৌবা অহোংবা পুরকপদা দি.পি.আইশিংনা লৌরিবা থৌদাং চিংননিঙাই ওইদে, দি.পি.আইশিং ফংবদগী শেমগৎলিবা অতোপ্পা থবকশিং অমসুং থৌশিলশিং অরুবা ঙাক্তনি। পায়খৎলিবা থবকশিংগী মনুংদা আইন অমসুং চৎন-কাংলোন শেম্বা, মপু ওইনবা অমসুং মশক তাক্নবা আধার শীজিন্নবগী থবকশিং হেনগৎহনবা  লৈবাক্কী থৌশিলশিং পাকথোক-চাউথোকহনবা” হায়না দোকুমেন্ত অদুদা পল্লি।
  • পি.এম.জে.দি.ৱাই হেক হৌদোকপদগী একাউন্তশিং হাংদোকপা শরুক অহুম হেনগৎতুনা ২০১৫দা মিল্লিয়ন ১৪৭.২ ওইরম্বদগী জুন ২০২২দা মিল্লিয়ন ৪৬২ য়ৌরে; হায়রিবা একাউন্তশিং অসিগী চাদা ৫৬ নুপীশিংগী ওইদুনা মিল্লিয়ন ২৬০ হেল্লে।
  • জন ধন প্লস প্রোগ্রামনা শেন্থোক য়াম্না লৈজদবা নুপীশিং শেন তুংশিন্নবা পুক্নিং থৌগৎপদগী, এপ্রিল ২০২৩ ফাওবা নুপী কস্তমর মিল্লিয়ন ১২ হেল্লে অমসুং শুপ্নগী থা ৫দা চাংচত্তা চাদা ৫০ হেনগৎলে। শেন্থোক য়াম্না লৈতবা নুপী মিল্লিয়ন ১০০ ভারত্তা সরকারগী বেঙ্কশিংদা শেন থমজিনবদগী চাউরাক্না লুপা করোর ২৫,০০০(দোল্লর বিল্লিয়ন ৩.১) য়ৌরে।
• গভর্নমেন্ত তু পর্সন (জি২পি)পেমেন্তশিং:
  • হৌখিবা চহি ১০দা, দি.পি.আই শীজিন্নদুনা ভারতনা মালেমদা খ্বাইদগী চাউবা দিজিতেল জি২পি মচাকশিং শেমগৎলে।
  • মসিগী থৌরাং অসিনা মরুওইবা স্কিম ৩১২কী খুৎথাংদা কেন্দ্র সরকারগী মিনিস্ত্রি ৫৩দগী বেনিফিসরিশিংদা হকথেংননা দোল্লর মিল্লিয়ন ৩৬১গী শেনফম ফংহনখ্রে।
  • মার্চ ২০২২ ফাওবদা,মসিগী ফল ওইনা জি.দি.পিগী চাদা ১.১৪গা মান্নবা দোল্লর বিল্লিয়ন ৩৩গী শেননবা অমা তুংশিল্লে।
• য়ু.পি.আই:
  • মে ২০২৩ খক্তদা লুপা ত্রিল্লিয়ন ১৪.৮৯গী ত্রান্সসেক্সন বিল্লিয়ন ৯.৪১ হেন্না পাংথোকখি।
  • শেনবা চহি ২০২২-২৩দা, য়ু.পি.আই ত্রান্সসেক্সনগী অপুনবা ভেলু ভারতকী নোমিনেল জি.দি.পিগী চাদা ৫০ রোম ওইখি।
• দি.পি.আইনা প্রাইভেদ সেক্তরগী মগুন হেনগৎহল্লে:
  • ভারত্তা ললোন-ইতিক পাংথোকপদা লাইহনবা, শেন চংবা হন্থহনবা অমসুং মতম চঙহন্দবদগী, দি.পি.আইনা ভারত্তা লনাই লুপশিং থবক ফজনা পাংথোকপা হেনগৎহল্লে।
  • এন.বি.এফ.সি খর এস.এম.ই লেন্দিংদা চাদা ৮ হেন্না কনভর্সন রেত ফংহল্লে, মসি দিপ্রেসিএসন কোস্ততা চাদা ৬৫ কনবা ঙমল অমসুং নমথাক খঙদোক্নবা হোৎনবদা চংবা শেনফম চাদা ৬৬ হন্থহল্লে।
  • ইন্দস্ত্রিনা পাবা মতুংইন্না, ভারত্তা কস্তমরশিংগী দি.পি.আই শীজিন্নবদা বেঙ্কনা চঙলিবা শেনফম দোল্লর ২৩দগী দোল্লর ০.১দা হন্থরে।
• কে.ৱাই.সিগীদমক বেঙ্কশিংগী অচঙবা শেনফম হন্থহনবা:
  • দিজিতাইজ তৌদুনা অমসুং কে.ৱাই.সিগী থবকশিং লাইহন্দুনা, শেন চঙবা হন্থহন্দুনা, বেঙ্কশিংনা ই-কে.ৱাই.সি শীজিন্নদুনা মসি পাংথোকপদা চঙবা শেনফম দোল্লর ০.১২দগী দোল্লর ০.৬তা হন্থরে। শেন চঙবা হন্থহনবা অসিনা শেন্থোক লৈজদবা মীওইশিং কান্নবা ফংহল্লে অমসুং অনৌবা পোৎথোকশিং পুথোক্নবা শেন্দোং ফংহল্লে।
• ঙমখৈ লান্না শেন থাদোক-থাজিন তৌবা:
  • ভারত অমসুং শিঙ্গাপুরগী মরক্তা ফেব্রুৱারি ২০২৩ দগী য়ু.পি.আই-পেনাউ শম্নরে অমসুং মসিনা জি-২০গী ফাইনান্সিএল ইনক্লুজনগী পান্দমশিং পাংথোক্লে অমসুং য়াংনা অমসুং মমল হোংনা ঙমখৈ লান্না শেন থাদোক-থাজিন য়াহল্লে।
• একাউন্ত এগ্রেগেতর(এ এ) ফ্রেমৱার্ক:
• একাউন্ত এগ্রেগেতর(এ এ) ফ্রেমৱার্কনা ভারতকী দেতা ইনফ্রাস্ত্রকচর মপাঙ্গল কনখৎহন্নবা পান্দম থম্লি, মসিনা ইলেক্ত্রোনিক কন্সেন্ত ফ্রেমৱার্ক অমগী খুৎথাংদা কঞ্জুমরশিং অমসুং ইন্তরপ্রাইজশিংনা মখোয়গী দেতা পীথোকপা য়াহনগনি। ফ্রেমৱার্ক অসি আর.বি.আইনা শেম্বনি।
  • অপুনবা একাউন্ত বিল্লিয়ন ১.১৩ দেতা সিয়ার তৌবা য়ারে, জুন ২০২৩ ফাওবদা অপুনবা কন্সেন্ত মিল্লিয়ন ১৩.৪৬ য়ৌরে।
  • ভারতকী দেপানা লনাই মীওইশিংনা মখোয়গী দেতা শেন্নজবা য়াহল্লে, মসিনা মখোয়না প্রোভাইদরশিংদা দেতা পীবা ঙমহল্লে। থবক অসিনা অনৌবা থবকশিং পাংথোকপা অমসুং চাংদম্না হেনগৎহল্লে অমসুং শেম-শারবা প্রদকশিং অমসুং সর্বিসশিং য়োকখৎলে।

****