மத்திய உள்துறை அமைச்சரும், கூட்டுறவுத் துறை அமைச்சருமான திரு. அமித் ஷா, உத்தரப்பிரதேசத்தின் கிரேட்டர் நொய்டாவில் உள்ள மத்திய ரிசர்வ் போலீஸ் படை (சிஆர்பிஎஃப்) குழு மையத்தில் ஆகஸ்ட் 18, 2023 வெள்ளிக்கிழமை 4 கோடியாவது மரக்கன்றினை நடுகிறார். சி.ஆர்.பி.எஃப்-ன் 8 வெவ்வேறு வளாகங்களில் பல்வேறு வகையான 15  கட்டிடங்களை உள்துறை அமைச்சர் மின்னணு முறையில் திறந்து வைப்பார். நாடு முழுவதும் மிகப்பெரிய, மனிதாபிமான மற்றும் ஒரு வகையான முயற்சியாக மரம் நடும் இயக்கத்தை உள்துறை அமைச்சர் திரு. அமித் ஷா 12 ஜூலை 2020 அன்று தொடங்கி வைத்தார்.

பிரதமர் திரு. நரேந்திர மோடியின் தொலைநோக்குப் பார்வையால் ஈர்க்கப்பட்டு, உள்துறை அமைச்சரும், கூட்டுறவுத் துறை அமைச்சருமான திரு. அமித் ஷா தலைமையின் கீழ், சிஏபிஎஃப் 2020 முதல் 2022 வரையிலான மூன்று ஆண்டுகளில் நாடு முழுவதும் 3.55 கோடி மரக்கன்றுகளை நட்டுள்ளன. 2023 ஆம் ஆண்டில் அனைத்து மத்திய ரிசர்வ் போலீஸ் படைகளாலும் 1.5 கோடி மரக்கன்றுகளை நடுவதற்கான இலக்கு நிர்ணயிக்கப்பட்டுள்ளது, இது மொத்த மரக்கன்றுகள் நடுவதை 5 கோடியாக உயர்த்தியுள்ளது, இது நாட்டின் ஒட்டுமொத்த சுற்றுச்சூழல் பாதுகாப்பு முயற்சிகளுக்கு சிஏபிஎஃப்களின் முன்மாதிரியான பங்களிப்பாக இருக்கும். இது பூமித் தாய்க்கு உண்மையான நன்றியின் அடையாளமாகவும் இருக்கும்.

குறிப்பிட்ட துறைகளில் நடப்பட வேண்டிய பொருத்தமான இனங்கள் குறித்து கால அட்டவணை தயாரிக்கப்பட்டு, அதற்காக ஒரு தொடர்பு அதிகாரி நியமிக்கப்பட்டார். முடிந்தவரை உள்ளூர் இனங்களை நட வேண்டும் என்றும், மொத்த தோட்டத்தில் குறைந்தது பாதியாவது 100 ஆண்டுகள் அல்லது அதற்கு மேற்பட்ட ஆயுட்காலம் கொண்ட  மரங்களாக இருக்க வேண்டும் என்றும் முடிவு செய்யப்பட்டது.  மருத்துவ மற்றும் சுற்றுச்சூழலுக்கு உகந்த மரங்களுக்கு முன்னுரிமை அளிப்பதில் கவனம் செலுத்தப்பட்டது.

உள்நாட்டுப் பாதுகாப்பைப் பேணுவதற்கும், தேசத்தின் ஒற்றுமை மற்றும் ஒருமைப்பாட்டை நிலைநிறுத்துவதற்கும் அதன் உறுதிப்பாட்டிற்கு உண்மையாக இருப்பதோடு, சுற்றுச்சூழல் பாதுகாப்பிற்கு ஏற்ப அதன் எதிர்கால முயற்சிகளை ஒருங்கிணைப்பதில் மத்திய ஆயுத போலீஸ் படைகள் தங்கள் உறுதியான அர்ப்பணிப்பை மீண்டும் வலியுறுத்துகின்றன.

****

ANU/SM/SMB/KPG