প্রধানমন্ত্রীগী লোইশঙ
US কংগ্রেস্সনেল দেলিগেসন অমনা প্রধান মন্ত্রী নরেন্দ্র মোদীগা উন্নখ্রে
পি.এম.না ভারত-USকী মরীগীদমক US কংগ্রেসনা লেপ্পা লৈতনা অমসুং বাইপর্তিসন সপ্পোর্ত পীবীবগীদমক থাগৎপা ফোঙদোকখ্রে
পি.এম.না অনিরক শুবা ওইনা কংগ্রেস্তা ৱা ঙাংবা ফংখিবা জুন থাদা USতা চৎখিবা মহাক্কী পুৱারী ওইরবা স্তেৎ বিজিৎ অদুবু নীংশিংখ্রে
পি.এম. অমসুং US দেলিগেসন্না মান্নবা দেমোক্রেতিক ভেল্যুশিং, রুল ওফ লো ইকাই খুম্নবা অমসুং মপাঙ্গল কনবা পীপল-তু-পীপলগী মরীশিংগী মতাংদা ফোঙদোকখ্রে
থাগৎখিবা:
16 AUG 2023 7:43PM by PIB Imphal
ঙসি হাউস ওফ রিপ্রজেন্তেতিবসতগী মীওই নিপান্না শাবা US কংগ্রেস্সনেল দেলিগেসন অমনা প্রধান মন্ত্রী শ্রী নরেন্দ্র মোদীগা উন্নখ্রে।
দেলিগেসন অসিদা ইন্দিয়া কৌকসকী দেমোক্রেতিক কো-চিয়র, রেপ. রো খান্না, ইন্দিয়া কৌকসকী রিপব্লিকন কো-চিয়র, রেপ. মাইক ৱাল্তজ, রেপ. এদ কেস, রেপ. কেৎ কেম্মেক, রেপ. দেবোরা রোস, রেপ. জেস্মিন ক্রোক্কেৎ, রেপ. রিচ মেককোর্মিক অমসুং রেপ. শ্রী থানেদর য়াওখি।
দেলিগেসন অসিবু ভারত্তা তরাম্না ওক্লদুনা প্রধান মন্ত্রীনা ভারত-US মরীগীদমক US কংগ্রেসনা লেপ্পা লৈতনা অমসুং বাইপর্তিসন সপ্পোর্ত পীখিবগীদমক মহাক্না থাগৎপা ফোঙদোকখ্রে।
প্রধান মন্ত্রীনা অনিরক শুবা ওইনা US কংগ্রেসকী জোইন্ত সেসন অমদা ৱা ঙাংবগী খুদোংচাবা ফংখিবা রাস্ত্রপতি বাইদেন্না কৌরকপদগী জুন থাদা USতা চৎখিবা মহাক্কী পুৱারী ওইরবা স্তেৎ বিজিৎ অদুবু নীংশিংখ্রে।
প্রধান মন্ত্রী অমসুং US দেলিগেসন্না ইন্দিয়া-US কম্প্রিহেন্সিব গ্লোবেল স্ত্রেতেজিক পার্তনরশিপ অসি মান্নবা দেমোক্রেতিক ভেল্যুশিং, রুল ওফ লো ইকাই খুম্নবা অমসুং মপাঙ্গল কনবা পীপল-তু-পীপলগী মরীশিংদা য়ুম্ফম ওই হায়না ফোঙদোকখ্রে।
***
(রিলিজ আই.দি.: 1949740)
ভিজিতর কাউন্তর : 139
রিলিজ অসি মসিদা পাবীয়ু:
Kannada
,
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam