প্রধানমন্ত্রীগী লোইশঙ
চহি ৩০গী তম্বা ঙমদবা ফিবম, লৈতাদবা অমসুং রাজনিতিগী মুক্নবা মতুংদা মপাঙ্গল কনবা অমসুং মরা চেৎপা সরকার অমা লৈহনবগীদমক প্রধান মন্ত্রীনা লৈবাক্কী মীয়াম থাগৎখ্রে
‘সর্ভ জন হিতে,সর্ভ জন সুখে’গীদমক মীয়ামগী শেনগী শিকি অমা ফাওবা অমসুং মিকুপ অমা ফাওবা সরকারনা কৎথোক্লি: প্রধান মন্ত্রী
লৈবাক অসি থোং মাননা চাউখৎনবা তোঙান-তোঙানবা সেক্তরশিংগী অনৌবা মিনিস্ত্রিশিং শেম্বগী মরুওইবা প্রধান মন্ত্রীনা ফোঙদোকখ্রে
Posted On:
15 AUG 2023 12:44PM by PIB Imphal
৭৭শুবা নিংতম্বা নুমিৎ থৌরমদা লাল কিলাদগী লৈবাক অসিগী মীওই করোর ১৪০দা ৱা ঙাংবদা, চহি ৩০গী তম্বা ঙমদবা ফিবম, লৈতাদবা অমসুং রাজনিতিগী মুক্নবা মতুংদা মপাঙ্গল কনবা অমসুং মরা চেৎপা সরকার অমা লৈহনবগীদমক প্রধান মন্ত্রী শ্রী নরেন্দ্র মোদীনা লৈবাক্কী মীয়াম থাগৎখ্রে। মহাক্না হায়খি ঙসি অসিগুম্বা সরকার অসিনা ‘সর্ভ জন হিতে,সর্ভ জন সুখে’গীদমক মীয়ামগী শেনগী শিকি অমা ফাওবা অমসুং মিকুপ অমা ফাওবা সরকারনা কৎথোক্লি।
প্রধান মন্ত্রীনা হায়খি সরকার অসি শুপ্নগী নাপচৈ অমগা খক্তগা মরী লৈনরি, মদুদি ‘লৈবাক্কী থবক্না অহানবা’ হায়বনি। মাইকৈ অসিদা সরকারনা ৱারেপ খুদিংমক লৌরি। ভারতকী মফম খুদিংমক্তা থবক তৌরিবা ফম্নাইবশিং অওনবা পুরক্লে। ‘রিফোর্ম, পরফোর্ম, ত্রান্সফোর্ম’গী মতম অসিনা ভারতকী তুংগী ফিবম শেম্লে। লাক্লিবা চহি ১০০দা য়ুম্ফম মপাঙ্গল কনখৎহনগদবা লৈবাক মনুংগী ফোর্সশিং য়োকখৎনবা ঐখোয় থবক পায়খৎলে।
থোং মাননা চাউখৎনবা অনৌবা মিনিস্ত্রিশিং শেম্লে
প্রধান মন্ত্রীনা হায়খি লৈবাক অসি থোং মাননা চাউখৎনবা তোঙান-তোঙানবা সেক্তরশিংগী অনৌবা মিনিস্ত্রিশিং শেম্বগী থবক পায়খৎলে। মালেম অসিনা নহারোলশিংগী শক্তি দরকার ওই অমসুং নহারোলশিংনা স্কিল দরকার ওই। স্কিল দিবলপমেন্তগী অনৌবা মিনিস্ত্রি অসিনা ভারতকী দরকার ওইবশিং ফংহনবা খক নত্তনা, মসিনা মালেমগী দরকার ওইবশিং ফংহনবা ঙমগনি।
প্রধান মন্ত্রীনা হায়খি ঐখোয়গী লৈবাক্কী মীওই খুদিং অফবা থক্নবা ঈশিং পীনবা জল শক্তি মিনিস্ত্রিনা থবক পায়খৎলে। অকোয়বগী ফিবম ঙাকশ-শেন্নবা থবকশিং ঐখোয়না অমুক হন্না পায়খৎলে। সরকারনা অয়ুসকী তোখাইবা মিনিস্ত্রি অমা শেম্লে অমসুং ঙসি য়োগা অমসুং অয়ুস অসি মালেমদা ইথক হৌরে। কোরোনাগী মতুংদা, মালেম অসিনা অফবা হকশেলগী থবকশিং থিবা হৌরে, মসি মতম অসিগী তঙাইফদবনি।
প্রধান মন্ত্রীনা হায়খি ঐখোয়না ফিসরিস, এনিমেল হসবেন্দরি অমসুং দাইরিগী তোঙখাইবা মিনিস্ত্রিশিং শেম্লে। মসিনা তোল্লবা মীওইশিং খুন্নাইনা মতেং পাংবা ঙমহনগনি। সরকারগী খুদোংচাবশিং খুন্নাইগী মীওই খুদিংমক ফংহন্নবা অনৌবা মিনিস্ত্রিনা মরুওইবা থৌদাং অমা লৌরি।
শ্রী মোদীনা হায়খি খুন্নাইগী মরুওইবা শেন্মিৎলোনগী শরুক অসি কোওপরেতিপ মুভমেন্তনি। কোওপরেতিপ মিনিস্ত্রি শেম্লে অমসুং মসিনা লৈবাক অসি চাউখৎনবা মাইকৈদা মতেং পাংলি অমসুং কোওপরেসনগী খুৎথাংদা ঐখোয়না চাউখৎপগী লম্বীদা চৎলে।
****
(Release ID: 1949588)
Visitor Counter : 91
Read this release in:
Kannada
,
Khasi
,
English
,
Khasi
,
Urdu
,
Nepali
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam