ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଚୀନରେ ଆୟୋଜିତ ୩୧ତମ ବିଶ୍ୱ ବିଦ୍ୟାଳୟ କ୍ରୀଡ଼ାରେ ଭାରତୀୟ ଆଥଲେଟଙ୍କ ପ୍ରଦର୍ଶନର ପ୍ରଶଂସା କଲେ ପ୍ରଧାନମନ୍ତ୍ରୀ
Posted On:
16 AUG 2023 1:20PM by PIB Bhubaneshwar
ଚୀନରେ ଆୟୋଜିତ ୩୧ତମ ବିଶ୍ୱ ବିଦ୍ୟାଳୟ କ୍ରୀଡ଼ାରେ ଭାରତୀୟ ଆଥଲେଟମାନେ ରେକର୍ଡ ସଂଖ୍ୟାରେ ୧୧ ସ୍ୱର୍ଣ୍ଣ, ୫ ରୌପ୍ୟ, ୧୦ ବ୍ରୋଞ୍ଜ ସହ ୨୬ ପଦକ ଜିତିଥିବାରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସେମାନଙ୍କ ପ୍ରଶଂସା କରିଛନ୍ତି । ୧୯୫୯ ମସିହାରେ ବିଶ୍ୱ ବିଦ୍ୟାଳୟ କ୍ରୀଡ଼ା ଆରମ୍ଭ ହେବା ପରଠାରୁ ଏହା ହେଉଛି ଭାରତର ସର୍ବୋତ୍ତମ ପ୍ରଦର୍ଶନ ବୋଲି ପ୍ରଧାନମନ୍ତ୍ରୀ କହିଛନ୍ତି ଏବଂ ଏହି ସଫଳତା ପାଇଁ ଆଥଲେଟ, ସେମାନଙ୍କ ପରିବାର ଓ ପ୍ରଶିକ୍ଷକମାନଙ୍କୁ ଅଭିନନ୍ଦନ ଜଣାଇଛନ୍ତି ।
ପ୍ରଧାନମନ୍ତ୍ରୀ ଟୁଇଟ୍ କରିଛନ୍ତି:
‘ଏପରି କ୍ରୀଡ଼ା ପ୍ରଦର୍ଶନ ପ୍ରତ୍ୟେକ ଭାରତୀୟଙ୍କୁ ଗର୍ବିତ କରିବ!’
୩୧ତମ ବିଶ୍ୱ ବିଦ୍ୟାଳୟ କ୍ରୀଡ଼ାରେ ଭାରତୀୟ ଆଥଲେଟମାନେ ୨୬ ପଦକ ହାସଲ କରି ରେକର୍ଡ ଭାଙ୍ଗିଛନ୍ତି । ଏହା ଆମର ସର୍ବୋତ୍ତମ ପ୍ରଦର୍ଶନ । ଏଥିରେ ୧୧ ସ୍ୱର୍ଣ୍ଣ, ୫ ରୌପ୍ୟ ଏବଂ ୧୦ଟି ବ୍ରୋଞ୍ଜ ପଦକ ଅନ୍ତର୍ଭୂକ୍ତ ।
ଆମ ଅତୁଳନୀୟ ଆଥଲେଟମାନଙ୍କୁ ସାଲ୍ୟୁଟ୍, ଯେଉଁମାନେ ଦେଶର ଗୌରବ ବଢ଼ାଇଛନ୍ତି ଏବଂ ଆଗାମୀ ଦିନର କ୍ରୀଡ଼ବିତମାନଙ୍କୁ ପ୍ରେରଣା ଦେଇଛନ୍ତି ।
‘ବିଶେଷ ଖୁସିର କଥା ହେଉଛି, ୧୯୫୯ ମସିହାରେ ଡେବ୍ୟୁ କରିବା ପରଠାରୁ ଏବେ ସୁଦ୍ଧା ଭାରତ ବିଶ୍ୱ ବିଦ୍ୟାଳୟ କ୍ରୀଡ଼ାରେ ମୋଟ ୧୮ଟି ପଦକ ଜିତିଥିଲା । ହେଲେ ୨୬ ପଦକ ସହ ଚଳିତ ବର୍ଷର ପ୍ରଦର୍ଶନ ବାସ୍ତବରେ ଉଲ୍ଲେଖନୀୟ ।
ଏଭଳି ଚମତ୍କାର ପ୍ରଦର୍ଶନ ଆମ ଆଥଲେଟମାନଙ୍କ ଅଦମ୍ୟ ଉତ୍ସର୍ଗର ପ୍ରମାଣ । ଏହି ସଫଳତା ପାଇଁ ମୁଁ ଆଥଲେଟ, ସେମାନଙ୍କ ପରିବାର ଏବଂ ପ୍ରଶିକ୍ଷକମାନଙ୍କ ପ୍ରଶଂସା କରୁଛି ଓ ସେମାନଙ୍କ ଆଗାମୀ ପ୍ରୟାସ ପାଇଁ ଶୁଭେଚ୍ଛା ଜଣାଉଛି ।’
SR
(Release ID: 1949320)
Visitor Counter : 88
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam