প্রধানমন্ত্রীগী লোইশঙ
চাইনাদা পাংথোকপা 31শুবা ৱর্ল্দ য়ুনিভর্সিতী গেম্সতা ভারতকী শান্নরোইশিংনা উৎখিবা পর্ফোরমেন্সপু পি.এম.না থাগৎখ্রে
Posted On:
08 AUG 2023 8:37PM by PIB Imphal
31শুবা ৱর্ল্দ য়ুনিভর্সিতী গেম্সতা ভারতকী শান্নরোইশিংনা গোল্দ 11, সিলভর 5 অমসুং ব্রোঞ্জ 10 য়াওনা মেদল 26 লৌদুনা রেকোর্দ থুগায়বা পর্ফোরমেন্স উৎখিববু প্রধান মন্ত্রী, শ্রী নরেন্দ্র মোদীনা থাগৎপা ফোংদোকখ্রে। ইং 1959দা ৱর্ল্দ য়ুনিভর্সিতী গেম্স হেক হৌদোকখিবদগী ভারতকী শান্নরোইশিংগী খ্বাইদগী ফজবা পর্ফোরমেন্স অসিদি মসিনা ওইরে হায়রদুনা শান্নরোই, মখোয়গী ইমুং অমসুং কোচশিংবু মায় পাকপা অসিগীদমক্তা মহাক্না থাগৎপা ফোংদোকখি।
প্রধান মন্ত্রীনা অসুম্না ত্বীত তৌখিঃ
“লৈবাক পুম্ববু চাউথোচবা ফাওহনবা মশক নায়বা পর্ফোরমেন্স অমা!
ভারতকী শান্নরোইশিংনা 31শুবা ৱর্ল্দ য়ুনিভর্সিতী গেম্সতা মেদল 26 লৌদুনা রেকোর্দ থুগায়বা পর্ফোরমেন্স উৎখ্রে। মসিগী মনুংদা গোল্দ 11, সিলভর 5 অমসুং ব্রোঞ্জ 10 য়াওরি।
লৈবাক্কী মিংচৎ পুরক্লিবা অমসুং হৌরক্লিবা শান্নরোইশিংদা ইথিল পীরিবা ঐখোয়গী থোইদোক হেন্দোক্লবা শান্নরোইশিংগী মফমদা ইকায় খুম্নবা উৎচরি”।
“ৱর্ল্দ য়ুনিভর্সিতী গেম্স অসি ইং 1959দা হেক হৌদোকখিবদগী, ভারতনা হৌজিক ফাওবদা পুন্না মেদল 18 লৌখিবা অসি য়াম্না নুংঙাইবা ৱাফম্নি। অদুনা, হন্দক্কী চহিগী মেদল 26 লৌবগী শীংথানীংঙাই ওইরবা থৌওং অসি তসেংনা মশক থোকপা অমনি।
নীংথিরবা পর্ফোরমেন্স অসিদি ঐখোয়গী শান্নরোইশিংগী ৱাখল চেৎপগী খুদম অমনি। ঐহাক্না শান্নরোই, মখোয়গী ইমুং অমসুং কোচশিংবু মায় পাকপা অসিগীদমক্তা থাগৎলি অমসুং তুংগী থৌরম খুদিংদা মায় পাকপা ওইসনু হায়বগী য়াইফ পাউজেল পীজরি”।
*****
(Release ID: 1947303)
Visitor Counter : 73
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam