প্ৰধানমন্ত্ৰীৰ কাৰ্যালয়

এক ঐতিহাসিক পদক্ষেপ হিচাপে ৬ আগষ্টত সমগ্ৰ দেশৰ ৫০৮টা ৰে’লৱে ষ্টেচনৰ পুনৰ উন্নয়নৰ আধাৰশিলা স্থাপন কৰিব প্ৰধানমন্ত্ৰীয়ে

অমৃত ভাৰত ষ্টেচন আঁচনিৰ অধীনত ষ্টেচন পুনৰ উন্নয়নৰ বাবদ ২৪,৪৭০ কোটি টকা ব্যয় কৰিব

চহৰৰ দুয়ো দিশৰ সঠিক সংহতিৰে ষ্টেচনসমূহক ‘চিটি চেণ্টাৰ’ হিচাপে গঢ়ি তোলাৰ বাবে মাষ্টাৰ প্লেন প্ৰস্তুত কৰা হৈছে

সংহত পদ্ধতি ৰে’লৱে ষ্টেচনক কেন্দ্ৰ কৰি চহৰৰ সামগ্ৰিক নগৰ উন্নয়নৰ সামগ্ৰিক দৃষ্টিভংগীৰ দ্বাৰা পৰিচালিত

স্থানীয় সংস্কৃতি, ঐতিহ্য আৰু স্থাপত্যৰ পৰা অনুপ্ৰাণিত হ’ব পৰাকৈ ষ্টেচন ভৱনৰ নক্সা প্ৰস্তুত কৰা হৈছে

Posted On: 04 AUG 2023 2:21PM by PIB Guwahati

এক ঐতিহাসিক পদক্ষেপ হিচাপে প্ৰধানমন্ত্ৰী শ্ৰী নৰেন্দ্ৰ মোদীয়ে ৬ আগষ্টৰ পুৱা ১১ বজাত ভিডিঅ’ কনফাৰেন্সিংযোগে সমগ্ৰ দেশৰ ৫০৮টা ৰে’লৱে ষ্টেচনৰ পুনৰ উন্নয়নৰ আধাৰশিলা স্থাপন কৰিব৷

প্ৰধানমন্ত্ৰীয়ে প্ৰায়ে অত্যাধুনিক ৰাজহুৱা পৰিবহণৰ ব্যৱস্থাৰ ওপৰত গুৰুত্ব আৰোপ কৰি আহিছে। সমগ্ৰ দেশতে ৰে’লৱেক মানুহৰ পৰিবহণৰ পছন্দৰ পদ্ধতি বুলি লক্ষ্য কৰি তেওঁ ৰে’ল ষ্টেচনত বিশ্বমানৰ সুবিধা প্ৰদানৰ গুৰুত্বৰ ওপৰত মনোযোগ দিছে। এই দৃষ্টিভংগীৰ দ্বাৰা পৰিচালিত হৈ সমগ্ৰ দেশৰ ১,৩০৯টা ষ্টেচন পুনৰ উন্নয়নৰ বাবে অমৃত ভাৰত ষ্টেচন আঁচনি আৰম্ভ কৰা হয়।

এই আঁচনিৰ অংশ হিচাপে প্ৰধানমন্ত্ৰীয়ে ইতিমধ্যে ৫০৮টা ষ্টেচনৰ পুনৰ উন্নয়নৰ আধাৰশিলা স্থাপন কৰিছে। ২৪,৪৭০ কোটিতকৈ অধিক ব্যয় সাপেক্ষে এই ষ্টেচনসমূহ পুনৰ উন্নয়ন কৰা হ’ব। চহৰৰ দিশৰ সঠিক একত্ৰীকৰণৰ সৈতে এই ষ্টেচনসমূহক ‘চিটি চেণ্টাৰ’ হিচাপে উন্নয়নৰ বাবে মাষ্টাৰ প্লেন প্ৰস্তুত কৰা হৈছে। এই সংহত পদ্ধতিটো ৰে’লৱে ষ্টেচনক কেন্দ্ৰ কৰি চহৰখনৰ সামগ্ৰিক নগৰ উন্নয়নৰ সামগ্ৰিক দৃষ্টিভংগীৰ দ্বাৰা পৰিচালিত।

এই ৫০৮টা ষ্টেচন ২৭খন ৰাজ্য আৰু কেন্দ্ৰীয় শাসিত অঞ্চলত বিস্তৃত৷ সেইবোৰৰ ভিতৰত উত্তৰ প্ৰদেশ আৰু ৰাজস্থানৰ ৫৫টাকৈ, বিহাৰৰ ৪৯টা, মহাৰাষ্ট্ৰৰ ৪৪টা, পশ্চিমবংগৰ ৩৭টা, মধ্যপ্ৰদেশৰ ৩৪টা, অসমৰ ৩২টা, ওড়িশাৰ ২৫টা, পঞ্জাৱৰ ২২টা, গুজৰাট আৰু তেলেংগানাত ২১টাকৈ, ঝাৰখণ্ডত ২০টা, অন্ধ্ৰপ্ৰদেশ আৰু তামিলনাডুত ১৮টাকৈ, হাৰিয়ানাত ১৫টা, কৰ্ণাটকত ১৩টা ষ্টেচনৰ পুনৰ উন্নয়ন কৰা হ’ব।

এই পুনৰ উন্নয়নে যাত্ৰীসকলৰ বাবে আধুনিক সুবিধা প্ৰদান কৰাৰ লগতে সু-সজ্জিত যান-বাহন পৰিবহণ, আন্তঃ আৰ্হিয় সংহতি আৰু যাত্ৰীসকলৰ পথ প্ৰদৰ্শনৰ বাবে সুন্দৰভাৱে নিশ্চিত কৰা হ’ব। ষ্টেচন ভৱনৰ নক্সা স্থানীয় সংস্কৃতি, ঐতিহ্য আৰু স্থাপত্যৰ পৰা অনুপ্ৰাণিত হৈ প্ৰস্তুত কৰা হ’ব।

***



(Release ID: 1946334) Visitor Counter : 93


Read this release in: Malayalam , English , Urdu , Marathi , Hindi , Bengali , Manipuri , Punjabi , Gujarati , Odia , Tamil , Telugu , Kannada