প্রধানমন্ত্রীগী লোইশঙ
পুৱারি ওইরবা থবক অমদা, লৈবাক শীনবা থুংনা রেলৱে স্তেসন ৫০৮ অমুক হন্না শেমগৎনবা ওগস্ত ৬তা প্রধান মন্ত্রীনা উরেপ-উয়ুং তমগনি
অমৃত ভারত স্তেসনগী মখাদা লুপা করোর ২৪,৪৭০ চঙনা স্তেসনশিং অমুক হন্না শেমগৎকনি
সহরগী নাকল অনিমক অমতা ওইনা পুনশিন্দুনা স্তেসনশিং ‘সিতি সেন্তরশিং’ ওইনা শেমগৎনবা মাস্তর প্লানশিং থৌরাং তৌরে
রেলৱে স্তেসনগী অকোইবা মফমশিং, সহরগী মফমশিং শেমগৎনবা অচুম্বা অপুনবা থৌরাং পায়খৎলে
মফম অদুগী নাৎ, হেরিতেচ অমসুং য়ুমশারোলদা য়ুম্ফম ওইদুনা স্তেসনগী বিল্দিং দিজাইন তৌগনি
Posted On:
04 AUG 2023 2:21PM by PIB Imphal
ওগস্ত ৬গী অয়ুক পুং ১১ তাবদা ভিদিও কনফরেন্সগী খুৎথাংদা, পুৱারি ওইরবা থবক অমদা, লৈবাক শীনবা থুংনা রেলৱে স্তেসন ৫০৮ অমুক হন্না শেমগৎনবা প্রধান মন্ত্রী শ্রী নরেন্দ্র মোদীনা উরেপ-উয়ুং তমগনি।
অৱাংবা থাক্কী মীয়ামগী চৎথোক-চৎশিনগী থবকশিং শেমগৎনবা প্রধান মন্ত্রীনা য়াম্না তোইনা থাজবা পীরি। রেলৱে অসি লৈবাক শীনবা থুংনা মীয়াম চৎথোক-চৎশিন তৌনবা খ্বাইনা পাম্নবা পাম্বৈ অমা ওইরি, রেজৱে স্তেসনশিংদা মালেম থাক্কী খুদোংচাবশিং ফংহনবগী মরুওইবা অদু প্রধান মন্ত্রীনা পনখি। মহাক্কী পান্দম অদুনা লমজিংদুনা, লৈবাক শীনবা থুংনা লৈরিবা রেলৱে স্তেসন ১৩০৯ অমুক হন্না শেমগৎনবা অমৃত ভারত স্তেসন স্কিম হৌদোকখি।
স্কিম অসিগী শরুক অমা ওইনা, স্তেসন ৫০৮ অমুক হন্না শেমগৎনবা প্রধান মন্ত্রীনা উরেপ-উয়ুং তমগনি। হায়রিবা স্তেসনশিং অসি লুপা করোর ২৪,৪৭০ চঙনা শেমগৎকনি। সহরগী নাকল অনিমক অমতা ওইনা পুনশিন্দুনা স্তেসনশিং ‘সিতি সেন্তরশিং’ ওইনা শেমগৎনবা মাস্তর প্লানশিং থৌরাং তৌরে। রেলৱে স্তেসনগী অকোইবা মফমশিং, সহরগী মফমশিং শেমগৎনবা অচুম্বা অপুনবা থৌরাং পায়খৎলে।
রাজ্যশিং অমসুং য়ুনিয়ন তেরিতোরি ২৭ শীনবা থুংনা লৈরিবা স্তেসন ৫০৮ অসিগী মনুংদা উত্তর প্রদেসতা স্তেসন ৫৫, রাজস্থান্দা স্তেসন ৫৫, বিহারদা ৪৯, মহারাস্ত্রাদা ৪৪, নোংচুপ বেঙ্গলদা ৩৭, মধ্য প্রদেসতা ৩৪, অসামদা ৩৭, ওরিসাদা ২৫, পঞ্জাবতা ২২, গুজরাত্তা ২১, তেলাঙ্গানাদা ২১, ঝারখন্দদা ২০, অন্ধ্র প্রদেসতা ১৮, তামিল নাদুদা ১৮, হরিয়ানাদা ১৫, কর্নাতকাদা ১৩ নি।
অমুক হন্না শেমগৎপা অশিনা অনৌবা খুদোংচাবশিং ফংহনবগা লোয়ননা মপুংফানা নিংথিনা দিজাইন তৌরবা ত্রাফিক, ইন্তর-মোদাল ইন্তেগ্রেসন অমসুং পেসেঞ্জরশিং লমজিংনবা দিজাইন তৌরবা সাইন্নেজশিং য়াওগনি। মফম অদুগী নাৎ, হেরিতেচ অমসুং য়ুমশারোলদা য়ুম্ফম ওইদুনা স্তেসনগী বিল্দিং দিজাইন তৌগনি।
***
(Release ID: 1946273)
Visitor Counter : 95
Read this release in:
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada