ইনফোর্মেসন অমসুং ব্রোদকাস্তিং মন্ত্রালয়
সরকারনা ইন্দো-চাইনা বোর্দরদা ফ্রী-দিশ ফংহনগনি, বোর্দর খুঙ্গংশিংদা ওল ইন্দিয়া রেদিও ফগৎলগনি: শ্রী অনুরাগ থাকুর
সরকারনা মনুংহুঞ্জিনবা খুঙ্গংশিংদা মোবাইল কনেক্তিবিতী ফগৎহনবদা থবক তৌরি: শ্রী অনুরাগ থাকুর
শ্রী থাকুরনা লদাখকী কার্জোক খুঙ্গংদা আই.তি.বি.পি. জৱানশিংগা লোয়ননা অহিং য়ারেকখ্রে
Posted On:
13 JUL 2023 4:23PM by PIB Imphal
কেন্দ্রগী ইনফোর্মেসন অমসুং ব্রোদকাস্তিং মিনিস্তর শ্রী অনুরাগ থাকুরনা লাউথোকখ্রে মদুদি মন্ত্রালয় অসিনা ইন্দো-চাইনা বোর্দরগী মনুং হুঞ্জীনবা মফমশিংদা ফ্রী দুরদর্শন দি.তি.ঐচ. কনেক্সনশিং সপ্লাই তৌরগনি। মহাক্না মসিমসু হায়খি মদুদি মসিগী মনুং হুঞ্জিনবা খুঙ্গংশিংদা লৈরিবা মীওইশিংদা হেন্না ফবা মোবাইল কনেক্তিবিতী অথুবা মতমদা ফংহল্লগনি অমদি সরকারনা লমদমশিং অসিদা হেন্না ফবা ওল-রাউন্দ কনেক্তিবিতী ফংহন্নবা ৱাশক্লি।
মন্ত্রীনা ৱাফম অসি লেহদগী কিলোমীতর ২১১ লাপ্পা লদাক্কী কার্জোক খুঙ্গংদা খুঙ্গংগী মীওইশিংগা উনদুনা ৱারী শানখিবা অমদা ফোংদোকখি।
দি.দি. “ফ্রীদিশ” প্লেতফোর্মগী খুত্থাংদা তাম্না অমসুং বোর্দর এরিয়াদা লৈরিবা মীওইশিংদা য়ৌহন্নবা পান্দম অদু ফংনবা সরকারনা বোর্দর এরিয়াশিংদা লৈরিবা খুঙ্গংশিংদা লেম্না ফ্রীদিশ কনেক্সন লাখ ১.৫ য়েন্থোক্নবা প্রপোজ তৌখিবা অদু নিংশিংবা য়াই।
সরকারনা বোর্দর খুঙ্গংশিংগী দিবলপমেন্তদা ৱাশক্লি হায়না ফোংদোক্লদুনা শ্রী থাকুরনা লোকেল খুঞ্জাশিংদা থাজবা পীখি মদুদি হেন্না ফবা দিজিতেল কনেক্তিবিতী অমসুং রোদ কনেক্তিবিতী, তুরিজম ইনফ্রাস্ত্রকচর, স্পোর্তস ইনফ্রাস্ত্রকচর হেনগৎহনবা অমসুং জল জীবন মিসন ফগৎহনবগী ওইবা মখোয়গী দিমান্দশিং প্রায়োরিতী বেসিসতা ইমপ্লিমেন্তসু তৌরগনি।
সরকারগী ভাইব্রেন্ত ভিলেজ প্রোগ্রামগী শরুক ওইনা কেন্দ্র মন্ত্রী লেহ-লদাখতা নুমিৎ হুমনিগী খোংচৎতা লৈরি। খোংচৎ অসিগী মনুংদা মহাক কার্জোক খুঙ্গংদা লৈদুনা কেন্দ্র / রাজ্য সরকারগী স্কিমশিং য়েংশিন্নবা য়ু.তি. অমসুং দিস্ত্রিক্ত ওফিসিএলশিংগা মীফম পাংথোকখি অমসুং কার্জোক্তা স্পোরতস ইক্বিপমেন্তশিং য়েন্থোকখি। ইন্দো-চাইনা বোর্দরদা শমুদ্র ইমায়দগী ফীত ১৫০০০ ৱাংনা লৈরিবা কার্জোক প্লাতুন পোস্ততা আই.তি.বি.পি. জৱানশিংগা লোয়ননা ৱারী শানখি।
সরকারগী তোঙান তোঙানবা প্রোজেক্তশিং অমসুং স্কিমশিং য়ৌবা ঙমহন্নবা পান্দমদা অমসুং ইন্দো-চাইনা বোর্দরদা মনুং হিঞ্জিনবা ঙমখৈ খুঙ্গংশিং লৈরিবা মীওইশিংনা মায়োক্নরিবশিং খুদক্কী ওইনা খংবা ঙম্নবা মন্ত্রীনা লোকেল ভিলেজরশিং অমসুং এদমিনিস্ত্রেতিব ওফিসিয়েলশিংগা লোয়ননা খন্ন নৈনখি।
ওফিসিয়েলশিং অমসুং লোকেল রিপ্রজেন্তেতিবশিংগী তিম অমা লোয়নদুনা মন্ত্রী অনুরাগ থাকুরনা খার্নাক অমসুং সমাদতা মফম অদুগী খুঞ্জাশিংগা লোয়ননা ৱারী শান্নখি অমসুং মখোয়গী মরী লৈনবা অৱাৎ অপাশিং তাখি। খার্নাকতা মহাক্না দধ খর্নাক হায়ৱে শম্নরিবা পি.এম.জি.এস.ৱাই. লম্বী শঙ্গাখি।
মন্ত্রীনা সোলর পাৱর, দ্রিঙ্কিং ৱাতর, য়ুমথোং ৩২গী হাউজিং, সাইক্লিং ত্রেক, আর্তিফিসেল লেক, অমসুং তুরিজম সবসিদীগা মরী লৈনবা ইসুশিং খন্ন-নৈনখি। বোর্দর সেক্যুরিতীদগী নাথৈরগা লম্বী থোংগী দিবলপমেন্ত, মোবাইল তৱারশিং, ৱাইল্দলাইফ ইসুশিং, ভাইব্রেন্ত ভিলেজ প্রোগ্রামগী মনুং চনবশিং, নোমেদশিং মফম অমদা খুন্দাহনবদা খন্ন-নৈনখি।
লোকেলশিংগা লোয়ননা মহাক্না উনদুনা ৱারী শানখিবা অমগী মনুংদা মন্ত্রীনা হায়খি মদুদি য়ু.তি. শেম্লবা মতুংদা লদাখতা দিবলপমেন্ত কয়া অমা পুরক্লে, খুদম ওইনা দাইরেক্ত ফন্দিং, পুং-২৪ ইলেক্ত্রিসিতী, সোলর প্লান্ত ইন্সতোল তৌবা, অলত্রা-মেগা সোলর প্লান্ত লুপা করোর ২১০০০ মমল ওইবা, লাইবলিহুদ ওপোর্চুনিতী হেনগৎপা, অমসুং লেহদা মোবাইল তৱার ৩৭৫গী সেঙ্কসননি।
তুংদা মন্ত্রীনা মখা তাখি মদুদি চাঙথাং রিজনগী রিমোত এরিয়াদা লৈরিবা য়ুমথোং খুদিংদা জল জীবন মীসন (জে.জে.এম.)গী খুত্থাংদা ৱাতর সপ্লাই ফংহল্লে।
শ্রী থাকুরনা তুংগী খোংথাংশিংগীদমক প্লানশিং মায়খুম হাংদোকখি, মদুনা চাঙথাং অমসুং অকোয়বদা লৈরিবা খুঙ্গংশিংগী দিবলপমেন্ত মখা তানা হেনগৎহল্লগনি। খোংথাংশিং অসিদা হেন্না ফবা কনেক্তিবিতীগীদমক ইনফ্রাস্ত্রকচর অপগ্রেদ তৌবা, অমসুং রিজন অসিগী মহৌশাগী ফজবা থৌগৎনবা ইকো-তুরিজম প্রমোত তৌবা য়াওরি। মন্ত্রীনা খুঞ্জাশিংদা থাজবা পীখি মদুদি প্লানশিং অসি ইফেক্তিব ওইনা ইমপ্লিমেন্ত তৌনবা সরকারনা মথৌ তাবা তেংবাংশিং অমসুং রিসোর্সশিং ফংহনগনি।
মোদী সরকারগী পুন্না হোৎনমিন্নবনা চাঙথাংদা তুরিজম দিবলপমেন্ত হেনগৎহল্লগনি হায়না মন্ত্রীনা মখা তাখি।
পুগা রেসিদেন্সিয়েল স্কুলদা মহাক্কী খোংচৎ মনুংদা শ্রী থাকুরনা মহৈরোইশিংগা লোয়ননা ৱারী শানখি অমসুং ভোলিবোল একজিবিসন মেচ শান্নখি। তুংদা দিস্ত্রিক্ত য়ুথ সর্বিসেস অমসুং স্পোর্তস দিপার্তমেন্তনা স্পোর্তস ইক্বিপমেন্ত অমসুং কীতশিং য়েন্থোকখি। কার্জোক্কী স্কুলদসু ইক্বিপমেন্ত য়েন্থোকখি। মন্ত্রীনা সেল ফোন/মোবাইল মৈঙালদা তেবল তেনিসসু শান্নখি।
চুমুরদা মহাক্না জৱানশিংগা লোয়ননা ৱারী –ৱাতাই শান্নখি অমসুং খুঞ্জাশিংগা লোয়ননা রোদ কনেক্তিবিতী, তেলেকোম, জে.জে.এম. অমসুং অতোপ্পশিংগী মতাংদা মখোয়গী ইসুশিংগী মরমদসু ৱা ঙাংখি। পি.দবল্যু.দি.গী একজিক্যুতিব ইঞ্জিনীয়রনা মন্ত্রীদা খংহনখি মদুদি খুঙ্গংগীদমক কিলোমীতর ৭ শাংবা স্ত্রেচ অমা হান্ননা প্রপোজ তৌখ্রে অমসুং দি.পি.আর. থৌরাং লোইরে।
মখা তাকরকপদা, ৩৭শুবা আই.তি.বি.পি. পোস্তকী জৱানশিংগা লোয়ননা ৱারী শানবা মতমদা শ্রী থাকুরনা বোর্দরদা মথৌ তৌরিবা ফোর্সশিংগীদমক ঙেন্না ফবা কম্বেত ৱেয়র, অর্মামেন্ত, মেক ইন ইন্দিয়া ইনিসিয়েতিব অমসুং পেন্সন অসিনচিংবা ফেসিলিতী পুম্নমক ফংহনবদা সরকারনা লৌখৎলিবা রিফোর্মশিংগী মতাংদা ৱা ঙাংখি।
******
(Release ID: 1939731)
Visitor Counter : 95
Read this release in:
Telugu
,
Kannada
,
English
,
Khasi
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil